Jemes 1:1 - Buka Blahi Ka Cheke Holo

¹ Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Jemes 1:1 Iomraidhean Croise

Ululahu Kings 18:31

Aonu mana ne hata nabotho phei thina, thina igre nanaba ka nabotho phei vike teke karha mei ka nabotho phei thugna mae Jekop, mae ihei Lord te kiloni mana Israel.

Esra 6:17

Ka narane biꞌo teke fablahigna Sugablahi igne, mare ne aknu falehe kaisei gobi buluka nalhaꞌudi, nei phia gobi sipu nalhaꞌudi, nei fati gobi sua sipu nalhaꞌudi eghu mala fafara. Eghuteuna mare aknu falehe nabotho phei nanigot nalhaꞌudi mala fafara mala gae naiknore ka tathagna Lord. Mare fafara kaisei nanigot kaisei tharakna eghu ka nabotho phei vikegna Israel.

Nogna Buka Esta 3:8

Aonu mae Haman tei ne cheke eghu ka king, “King Sekses, keha tothoghei naiknore au tafri ke lamnagna kantri te funei frunini iagho igne, nei ka provins te gnafa teu igre. Nodi kastom nei puhidi teure nhogri fara ka nodi kastom nei puhidi teu keha naikno te au igre. Naikno igre theome leghudi vetulagna nou kantri iagho igne. Eghume jame te snakredi iagho naikno igre te au teu agne na, igne ginauna na theome togho nigho iagho, nei jaola, na theome toghoni nou kantri iagho igne.

Eksodas 24:4

Mae Moses ne rioriso soru ka kaisei buka nogna vetula Lord igre. Hamerane boibongi ka keha narane na, mae Moses neke soru ka naikno te au teu ka pesigna thogele na ne babana kaisei olta mala fafara. Mana ne fakegra haghe nabotho phei thina rhegna olta na ranghidi nabotho phei vikegna Israel.

Eksodas 28:21

Ka puhi igne, mare na famamhaku nabotho phei thina te nabadi thugna Jekop, igre nabotho phei vikegna Israel. Eghuteuna ke kligna di nabotho phei thina igre, mare ghagra nanghadi nabotho phei thugna Jekop, eghuteuna thina te gnafa igre au kaisei nangha tagna.

Eksodas 39:14

Ka puhi igne, mare famamhaku nabotho phei thina te nabadi thugna Jekop, igre nabotho phei vikegna Israel. Eghuteuna ke kligna di nabotho phei thina igre, mare ghagra nanghadi nabotho phei thugna Jekop, eghuteuna thina te gnafa igre au kaisei nangha tagna.

Profet Esikiel 12:15

“Kate ngolhi teidi iara te au tafri mare ka keha kantri are, mare ginauna thofno lase fakelini te iara Lord te edi ka mare glepo igre.

Levitikas 26:33

Iara ginauna kurudi nomi naoka ghotilo are mala ngolhi fajifla ghami ghotilo mala tei au tafri ka keha kantri delei. Eghuteuna ke leghu, mare ginauna goigoni fahui nomi namono ghotilo are ghilei krogha.

Matiu 10:3

mae Filip ghe mae Batolomiu; mae Tomas ghe mae Matiu, mae mala saosalo takis; mae Jemes thugna mae Alfius ghe mae Tadius;

Matiu 13:55

Tahati laseni mae igne. Mana kaisei mae kolho, mana neke theome mei funu ka God. Mana thugna ngala mae kapenta. Idogna na Meri. Mae thabusigna mana re igre, mae Jemes, mae Josep, mae Simon ghe mae Judas.

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Nonomho Te Keli Teke Risoi Mae Mak 3:18

Mae Aduru, mae Filip, mae Batolomiu, mae Matiu, mae Tomas, mae Jemes thugna mae Alfius, mae Tadius, mae Simon mae ihei ka tothoghei te magnahaghei fajifladi mae Rom,

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Luku 6:15

mae Matiu ghe mae Tomas; mae Jemes (thugna mae Alfius) ghe mae Simon, mae te kiloi Silote;

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Jone 7:35

Hatimare mae Jiure nomhidi cheke mana igre ne cheke eghu fari thedi, “Sei, na tei aheva si mae ignea mala theome filoni tahati? Ba, na tei ka naikno tahati te au ka namonodi mae Griki ra? Ba mala tei farirhiudi mae Griki are?

Mae Khuru 1:13

Kate thoke Jerusalem na, mare doglo ne tei kau chogho ke kligna kaisei suga te mala kapru teu mare. Eghuteuna jare mae Pita, mae Jone, mae Jemes, mae Aduru, mae Filip, mae Tomas, mae Batolomiu, mae Matiu, mae Jemes thugna mae Alfius, mae Simon mae te kiloi Silote, nei Judas thugna mae Jemes.

Mae Khuru 12:17

Aonu mae Pita ne eni kaisei fagaglana mala famane fanomho mare, eghuteuna mana ne toutonu eigna unha te eni God ranghini mana te hata fajiflani kau suga sosolo na. Aonu gnafa teuna, mana ne cheke ka mare mala toutonu eigna igne ranghini mae Jemes nei keha naikno khiloau re. Eghuteuna, ke leghugna igne mae Pita ne jifla kokodi naikno khiloau te au teu jare re neke tei ka kaisei namono delei.

Mae Khuru 15:13

Ke leghugna cheke te gnafa phiamare na, mae Jemes ne cheke eghu, “Uve kheraguro, fanomho ka iara.

Mae Khuru 15:21

Glepo igre mare lasedihi te mala thosei edi re, naugna funu tifa te mei na, naikno leuleghu namonore toutonuni koba nogna vetula mae Moses na. Eghuteuna leuleghu narane Sabat na mare iu'ijudi koba chekegna mae Moses gre ke lamna suga tharai.”

Mae Khuru 15:23

Hatimare ne tusu lao letas igne ka phiamare: Ghehati mae khuru nei mae mala baubatu ka khiloau nei kherami fofodu ka khiloau agne Jerusalem, Magnahaghei te kubae ghami ghotilo naikno khiloau te theome Jiu te au ka namono Antiok nei ka phei Provins Siria nei Silisia.

Mae Khuru 2:5

Uve, ka narane tuana kmana mae Jiu te posa mei Jerusalem mala tarai funudi ka namono te kmana heva heva ke lamnagna u nauthoglu gne.

Mae Khuru 21:18

Ka keha narane na, mae Pol ne tei balumi ghehati mala sighoni mae Jemes. Eghuteuna hatimare mae biꞌo ka khiloau re ne kafe aula neu jare.

Mae Khuru 23:26

Uve, mae biꞌo, Gavana Filiks. Iara mae Klodius Lisias te risoni letas igne. Iara kubae nigho iagho.

Mae Khuru 26:7

Eghuteuna nabotho phei vikemi ghehati re neke pogho soru ka God bongi narane, naugna mare ofou mala filoni thoke meigna u nhaꞌa cheke igne. King Agripa, hatimare mae Jiu gre fathoro ghau iara gognaro na naugna iara jaola ofoni nhaꞌa cheke igne!

Mae Khuru 8:1

Nu ka gaoghathogna mae Sol na, glepo keli kolho mare te faleheni mae Stivin na.

Letas Teke Riso Tei Mae Pol Ka Khiloau Rom 1:1

Iara mae Pol, kaisei nogna mae gloku Jisas Kraes. God neke kilo ghau iara mala nogna mae khuru nei mana neke vahi ghau iara mala toutonuni nogna Nonomho te Keli na.

Galesia 1:19

Nu ka narane igre iara neke theome filodi keha mae khurure kaisei mae Jemes tahigna Lord kolho teke filoni iara na.

Galesia 2:12

Ulu lahu na, kate mei te au jare Antiok na, mae Pita ne ima baludi iheire te theome Jiu. Aonu mae Jemes ne kuru meidi keha mae Jiure. Mae igre magnahaghedi naikno khiloau te gnafare mala leghuni vetula te mala vahe na. Kate posa mare na, mae Pita ne mhaghuni tothoghei igne. Aonu mana ne tirogna au fodu fabrahu baludi naikno khiloau te theome Jiu.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Diutronomi 28:64

“Jame te theome ghatho tahuni ghotilo Lord na, mana ginauna fariki raka ghami ghotilo ka keha kantri are, funu ka keha philegna nauthoglu na tei posa ka keha philegna nauthoglu na. Kate au ghotilo ka kantri igre, mare ginauna huhuru ghami ghotilo mala tarai pogho soru ka keha god teke horo ka thaba nei thina eghu kolho, eghuteuna ghotilo nei kuꞌemi ra eghu neke theome lasedi mumuju igre.

Diutronomi 30:3

Jame te eghu ghotilo na, Lord ginauna kelitagna ka ghotilo, eghuteuna mana ginauna tangomana nate atha fajifla ghami ka keha namono aheva teke brue ghami mana teke tei ghotilo tadi are.

Diutronomi 32:26

Te chekeni iara na, iara ginauna ngolho fajifla ghami ghotilo, eghuteuna theo kaisei naikno ka nauthoglu igne nate tangomana na teke ghatho ghami ghotilo na.

Diutronomi 4:27

Eghuteuna mana ginauna ngolhi fajifla ghami ghotilo mala tei au baludi naiknodi keha namono are, eghuteuna keha ka ghotilo kolho nate karha au teu ka namono tuare.

Filipae 1:1

Uve, iara mae Pol ghepa mae Timoti phei nogna mae gloku mae Jisas Kraes. Ghepa riso ari letas igne ka ghotilo naikno khiloau te au ka namono Filipae. Eghuteuna ghepa riso ranghidi langau hatimare mae biꞌo nei hatimare mae te totogho ka khiloau Filipae.

Fapea Timoti 4:21

Iagho hati nhetamu na mala mei thoke ka iara agne, ame thoke mei nga u khoburu na eghu. Mae Iubilas gne kubae nigho, jaola mae Pude, mae Linasi, Klodia, nei thabusigna te gnafa ka khiloau gne kubae nigho.

Taetus 1:1

Ranghi nigho iagho ghema Taetus. Uve ghema, iara mae Pol nogna mae gloku God nei nogna mae khuru mae Jisas Kraes. Mae Jisas Kraes neke vahi ghau iara mala toghodi nei famane farirhiudi eghu naikno teke vavahi God re mala kotu biꞌo eghu nodi fatutuani na. Nu u gloku te eni iara igne farirhiudi naiknore u thofno farirhiu tutuani eigna God. Eghume, u farirhiu tutuani te eni iara igne toghodi fara naiknore mala leghudi mare u nafnata nakarha te magnahagheni God na.

Ululahu Pita 1:1

Iara mae Pita, kaisei nogna khuru mae Jisas Kraes. Iara riso ari letas igne ka ghotilo nogna naikno God jateula naikno phosa teu ka nauthoglu gne teu te au tafri ka Provins Pontas, Galesia, Kapadosia, Esia nei Bitinia.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Thakle 7:4

Aonu iara ne nomhidi niha naikno te au nogna fagaglana God tadire, thokeni kaisei gobi phiatutu fati thogha naikno. Mare jifla mei ka vike te gnafa gna Israel.