Jajis 8:4 - Buka Blahi Ka Cheke Holo

⁴ Ke leghugna igne, Gidion baludi thilo gobi nogna soldia re tei ne kasa ka Khoꞌu biꞌo Jordan. Eghuteuna neubane haimini te babaꞌo nodi fara na, mare ngolhini armigna Midian igne.

Jajis 8:4 Iomraidhean Croise

Fapea Korin 4:16

Naugna igne ghehati theome nigra ka gloku na. Neuba thinimi gre ne thoghei ne diꞌa nei nigra neu ne tei ngau, tharungamire majaghani fabrahu leuleghu narane.

Galesia 6:9

Eghume tahati thosei babaꞌo kate eni unha te keli na. Jame te theome lilisei tahati unha teke edire, tahati ginauna tangomana te hata glepo te keli teke kulu tarabanahi ka thofno narane gna na.

Jajis 7:25

Mare ne lokidi phei komandadi Midian, nanghadire, Gaghata Pipito ghe Khuma Mata. Gaghata Pipito igne, mare ne kusu phaꞌugna na rhegna kaisei thina biꞌo ke leghu na mare kiloni thina igne Gaghata Pipito. Eghuteuna Khuma Mata igne, mare kusu phaꞌugna na ka vido te mala ei waen ke leghu na mare kiloni vido igne Khuma Mata. Mare ne ngholini armigna Midian igne. Eghuteuna mare ne hata phaꞌudi phei komanda igre ne tei ka Gidion mae ihei te au ka keha phile Khoꞌu biꞌo Jordan.

Jajis 8:3

Ba, ne faꞌunha si ka Gaghata Pipito ghe Khuma Mata phei nodi komanda armigna Midian ra? God neke lisa aridi phiamare ka khamemi ghotilo. Unha glepo keli fara ngala si teke eni ghehati naia?” Eghuteuna kate cheke te gnafa Gidion na, maedi Efrem igre jemnu soru nagnafadire neke theome diꞌatadi ka mana.

Ululahu Samuel 30:8

Aonu mae Devet ne cheke ka mana mala tore eghu ka Lord, “Ba, iara tangomana ngau te tei ke leghudi mae te mei goigoni ghami ghehati ra? Jame te tei ghehati na, ghehati ginauna na tei thokedi mare?” Lord ne cheke tughu eghu ka efod blahi igne, “Iagho ginauna tangomana nate tei fakarhidi nou naiknore. Tei sagho ke leghudi, iagho ginauna na tangomana nate tei thokedire mala ke atha fapulo naikno teke atha mare ra.”