Jajis 8:1 - Buka Blahi Ka Cheke Holo

¹ Soldia ka vikegna Efrem ne diꞌanagnafadi ne cheke eghu ka Gidion, “Naugna unha sagho te theome kilo mei ghami ghehati kate tei ghotilo te magra ka armigna Midian gnea? Naugna unha sagho te eghu ranghi ghami ghehati gnea?” Eghuteuna mare ne fapholai balugna mae Gidion.

Jajis 8:1 Iomraidhean Croise

Fapea Samuel 19:41

Mae Devet tei ne au Gilgal, eghuteuna keha mae di Israel mei ne cheke eghu ka mana, “Naugna unha si kherami ghehati maedi Juda igre te theome facheke ka ghehati te hata nigho iagho, nei nou naikno iagho igre teu te mei kasa ka khoꞌu Jordan gnea?”

Fapea Samuel 19:42

Nu maedi Juda igre nomhini cheke igne ne cheke eghu ka maedi Israel, “Ghehati neke eni igne, naugna mana mae kherami ghehati. Ghotilo tharuma'ei kolho te diꞌatami ka ghehati na. Mana neke theome foli ghemi gano ghehati, mana jaola neke theome tusu mei kaisei glepo ka ghehati.”

Thoutonu Eigna Mae Job 5:2

Puhi te diꞌanagnafa na ginauna faleheni mae te fameomekro na. Eghuteuna gaoghatho goghotu na ginauna faleheni ihei te theome lalase na.

Proveb 15:1

Thoghei famane cheke ka mae te thono diꞌatagna fara na, mana ginauna ke jemnu soru. Nu jame te cheke faheta fara iagho na, mana ginauna brana salaꞌui.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Profet Hosia 13:1

Tifa na kaisei vikegna mae Ifreim kolho teke mala cheke na. Eghuteuna keha nabotho kaisei vikere neke mhaghu neke ghatho tahudi mae igre, naugna mare mae nheta fara. Nu mae igre gognarona tapla jafra ka nakhibo naugna mare pogho soru ka mumuju Baal. Naugna igne, mare jateula mae tela lehehi ra eghu.

Jajis 8:2

Nu Gidion ne cheke eghu ka mare, “Thosei diꞌanagnafami! Unha te eni ghehati igne ikoi kolho, theome thokedi glepo te biꞌo teke edi ghotilo ra. Ghotilo tangomana te edi glepo ke biꞌodi te edi iara igrei. Gloku te edi ghotilo Efrem ra biꞌo fara salaꞌudi unha te edi ghehati vikegna Abiesa ra.