Jajis 4:3 - Buka Blahi Ka Cheke Holo

³ Sisera au nheva gobi chariot mala magra te au aean wil. Eghuteuna naiknodi Israel igre au ke parigna nogna nolaghi mana nabagna varadaki finogha. Ka narane tuare mana ne faparadi fara naiknodi Israel. Aonu mare ne tanhi lao ka God mala toghodi.

Jajis 4:3 Iomraidhean Croise

Nodi Khoje Hatimare Mae Jiu 106:42

Hatimare mae naoka gre ne paradi fara mare ne ghilei kokhonidi fara.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Nodi Khoje Hatimare Mae Jiu 78:34

Leuleghu fata kate lehe na kehare neke tughu nagnafa neke pulo ka mana neke pogho ka mana.

Eksodas 2:23

Kmana finogha salaꞌu ke leghudi igre, king gna Ijep na ne lehe. Nu vikegna Israel igne ne diꞌanagnafadi fara fabrahu ka gloku biꞌo te edi mare re. Leuleghu fata na mare tanhi ka God, naugna mare magnahagheni fara God te toghodi. Eghuteuna nodi tharai mare na tei thoke ka God.

Diutronomi 28:29

Fari hotei naublatha na, ghotilo ginauna ngafa khame tafri jateula mae te dofu ra eghu, eghuteuna ghotilo ginauna na theome tangomana te thafoni nabrou aheva te magnahaghei tei ghotilo tagna na. Eghuteuna gobigna lepo te edi ghotilo re ginauna theome keli. Leuleghu fata na nomi naoka ghotilo igre ginauna cheke fapari ghami, chaghi ghami nei blau ghami, eghuteuna theo kaisei naikno nate fakarhi ghami ghotilo na.

Diutronomi 28:33

Ghotilo ginauna loku heta fara ka nagare mala kotu gano, nu maedi ka keha kantri delei ginauna mei hata ganodi re. Eghuteuna leuleghu fata na mare ginauna thofno goigoni ghami ghotilo.

Josua 17:16

Nu mare ne cheke eghu, “Neuba jame te eni ghehati tuana, theome naba glose malami ghehati ka thogele na are, eghuteuna ghehati jaola theome tangomana te au ka sare na. Naiknodi Kenan te au ka namono Bet-San baludi namono ikodi te au faligohodi mare are, eghuteuna naikno te au ka glogu Jesrel na are thono nheta fara naugna mare au chariot mala magra te horo mare ka aean.”

Jajis 10:10

Aonu, mare tanhi ka Lord mala toghodi ne cheke eghu, “Lord God, iagho nomi God ghehati. Ghehati edi unha te thofno diꞌa fara ka tathamu iagho na kate tarai ghehati ka mumujugna Baal.”

Jajis 10:16

Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.

Jajis 3:15

Nu kate tanhi mare ka Lord te mala toghodi na, Lord ne vahini Ehud thugna Gera ka vikegna Benjamin mala fakharhidi. Mae igne loku ka khame maeri. Naiknodi Israel igre ne lisei takis ka khamegna mana mala fatei ka King Eglon.

Jajis 3:9

Nu naiknodi Israel igre ne tanhi lao ka Lord mala toghodi, eghuteuna mana ne vahini Otniel thugna Kenas tahigna Kelab.

Jajis 4:13

mana ne kaikaliti nheva gobi chariot mala magra baludi nogna mae soldiare, eghuteuna mana ne kuru teidi Haroset-Ha-Goeim mala tei ka khoꞌu biꞌo Kison.

Jajis 4:4

Ka narane tuare, Debora khetogna mae Lapidot igne kaisei thau profet. Debora ne batudi naiknodi Israel.

Jajis 5:8

Ka narane naiknodi Israel igre te vahidi keha god delei igne, magra ne thoke mei, nu theo kaisei ka phiatutu thogha soldia di Israel te au grojo ba greoreo mala magra!

Jajis 6:6

Naiknodi Israel igre ne luvu fahui nodi gobigna lepore eghuteuna theome tangomana te lhotidire. Aonu mare ne tanhi lao ka Lord mala toghodi.

Ululahu Samuel 7:8

Aonu mare ne cheke eghu ka mae profet Samuel, “Iagho tarai heta ka Lord, noda God mala fakarhi ghita ka maedi Filistia!”