Jajis 4:2 - Buka Blahi Ka Cheke Holo

² Eghume, Lord ne snakreni Jabin king gna Kenan mala funei frunidi naiknodi Israel. Nogna namono mana na Haso, eghuteuna nanghagna nodi lida nogna soldia mana re Sisera. Lida igne mei funugna namono Haroset-Ha-Goeim.

Jajis 4:2 Iomraidhean Croise

Nodi Khoje Hatimare Mae Jiu 83:9

Tapla faparidi sagho, eigna iagho neke tapla faparidihi naiknodi Midian tifara, nei iagho neke jaola neke roꞌedi mae Sisera ghe Jabin ka khoꞌu biꞌo Kison.

Profet Isaia 50:1

Lord ne cheke eghu, “Ghotilo naiknomi Israel. Ba, ne tei koko ghamihi iara jateula mae ihei te tei kokoni khetogna na ia neu jau si ghotilo? Aheva gneu pepa te mala koko gaꞌase na? Ba, ne foli ghamihi iara ka naiknodi keha kantri are mala falehe kaoni mala naikno sneka eghu? Theo. Mare neke atha ghami ghotilo neke tei ka keha kantri delei naugna ghotilo ne edi kmana nakhibo fara. Eghuteuna iara theome magnahaghei ghami ghotilo naugna puhimi ghotilore thono diꞌa fara.

Matiu 18:25

Nu mae gloku igne theome tangomanani teke tughu fapulo sileni te biꞌo fara igne. Aonu mae funei na ne cheke faheta ka mare mala fofoli mae igne jateula mae sneka eghu baludi nogna glepo teke khotodi mana re, baludi khetogna nei thugna teu mana re. Mae funei na eni igne mala ke tughu fapulo sileni biꞌo fara teke kaoni mana na.

Josua 11:1

Mae Jabin, mae ihei te king ka namono Haso, mana ne nomhidi unha te edi mae Josua nei nogna armi teu igre. Aonu mana ne fatei cheke ka mae Jobab mae king gna namono biꞌo Madon, nei mae king gna Simron, nei mae king gna Aksap.

Josua 19:36

nei Adama, nei Rama, nei Haso,

Jajis 10:7

Aonu Lord ne diꞌatagna fara ka naiknodi Israel ne lisa lao ka vikegna Filistia ke mosu nei vikegna Amon ke maghati mala mei magra ka mare.

Jajis 4:13

mana ne kaikaliti nheva gobi chariot mala magra baludi nogna mae soldiare, eghuteuna mana ne kuru teidi Haroset-Ha-Goeim mala tei ka khoꞌu biꞌo Kison.

Jajis 4:16

Keha nogna soldia Sisera re ne rikha, nu Barak balugna nogna mae soldiare ne ngohlidi mare te thoke ka namono Haroset-Ha-Goeim. Mare aknu falehe ne hui nogna soldia Sisera re eghuteuna theo kaisei te karha na.

Ululahu Samuel 12:9

“Nu neuba ngau, mare neke theome ghathoni nodi Lord God na. Aonu mana neke snakreni king gna Moab balu nogna armi na mala magra nei uludi eghu mare. Ke leghu na, mana neke snakreni Sisera balu armi gna Haso na mala mei magra ka mare. Eghuteuna ke leghu na, mana neke snakreni armi gna Filistia na mala uludi mare.