Jajis 13:3 - Buka Blahi Ka Cheke Holo

³ Kaisei narane, engel nogna Lord na ne thakle ka khetogna Manoa na ne cheke eghu ka naꞌa, “Iara lase nigho iagho te theome au sua na, nu neuba, iagho ginauna bukla na au kaisei thumu nalhaꞌu.

Jajis 13:3 Iomraidhean Croise

Jenesis 17:16

Iara ginauna na fablahini Sera nei tusu ranghini naꞌa kaisei mae thugna eghuteuna iagho ginauna mala kmagna mana. Sera ginauna mala idodi naikno te kmana re, eghuteuna kehare ginauna mala mae king.”

Jenesis 18:10

Lord na, mana kaisei mae ka thilo mae igre. Mana ne cheke eghu ka mae Ebraham, “Iara nake pulo mei ka iagho ka nhigra jateula gognaro gne eghu ka finogha te mei gne, ka narane tuana khetomu iagho Sera gne ginauna au kaisei thugna nalhaꞌu.” Kate cheke eghu mana igne, Sera ne fanomho neu ke leghugna mana ka grengathagna suga tapuale na.

Jenesis 18:14

Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Fapea Kings 4:16

Eghuteuna mae Elisa ne cheke eghu ka naꞌa, “Jateula gognarogne teu ka finogha te mei gne, iagho ginauna au kaisei thumu nalhaꞌu.” Nu naikno biꞌo igne ne cheke eghu, “Mae biꞌo! Iagho mae nogna mae gloku God, thosei chaghi ghau iara!”

Luku 1:11

Eghuteuna, kaisei engel nogna Lord na ne mei thakle ka mae Sekaraea, ne kegra neu fei khame nheta ka olta mala fafara na.

Luku 1:13

Eghuteuna, engel na ne cheke eghu ka mana, “Sekaraea, thosei mhaghu. God na nomhinihi nou tharai iagho re te mala au thumu na. Nu khetomu iagho Elisabet na ginauna na au kaisei thugna nalhaꞌu. Iagho na kiloi nanghagna na mae Jone.

Jajis 13:10

Aonu naꞌa ghosei chari ne tei ne cheke eghu ka khetogna na, “Mae ihei teke mei ka iara ka keha narane ia, mana kela mei!”

Jajis 13:15

Manoa theome filo glani mae igne ne nogna engel Lord teuna, aonu mana ne cheke eghu, “Au balumi ghepa agne katha vido ikoi. Ghepa ginauna tei gahu kaisei sua nanigot mala ima iagho.” Engel na ne cheke eghu, “Iara na au balumi ghopa katha vido ikoi, eghuteuna neuba ghopa ne ei gano malagu iara neu, iara na theome ghamu nafnata gano igne. Nu jame te magnahaghei eni ghopa na, keliu kolho, ghopa ginauna tangomana te gahu fafara ka Lord.”

Jajis 13:6

Gaꞌase igne tei ne cheke eghu ka mae Manoa, “Kaisei profet jateula kaisei engel nogna God eghu filogna na ne mei ka iara. Iara ne thono mhaghu nogu fara. Iara theome ghusnani neke mei funugna ka namono aheva, eghuteuna mana theome chekeni nanghagna na ka iara.

Jajis 13:8

Aonu Manoa ne tarai ka Lord, “Lord, kuru meini mae ihei teke kuru mei iagho ia mala ke pulo mei ka ghepa. Snakreni mana mala ke mei toutonu ka ghepa gobigna lepo te mala edi ghepa kate karhagna sua igne.”

Jajis 2:1

Nogna engel Lord na ne jifla funugna namono Gilgal ne tei namono Bokim. Mana ne cheke eghu ka naiknodi Israel, “Tifa na, iara neke hata fajifla ghami ghotilo kantri Ijep, eghuteuna iara neke hata mei ghami ghotilo ka vido glose teke nhaꞌa chekeni iara ka kuꞌemi ghotilo tifa ra. Eghuteuna iara neke cheke eghu ka kuꞌemi ghotilo ra, ‘Iara ginauna theome huhughuni nhaꞌa cheke teke eni iara balumi ghotilo ia.

Jajis 6:14

Aonu Lord ne cheke eghu ka mae Gidion, “Iara kuru nigho iagho! Gognarona, iara farheta nigho iagho mala fakarhidi naikno te au ka khamedi vikegna Midian.”

Ululahu Samuel 1:20

Eghuteuna Hana ne bukla, eghuteuna naꞌa ne au kaisei thugna nalhaꞌu ne kiloni Samuel, gaoghathogna na “Lord ne nomhini ghau iara.” Naugna naꞌa neke tore ka Lord mala tusu ranghini sua.