Hibru 7:2 - Buka Blahi Ka Cheke Holo

² Aonu ka narane tuana mae Ebraham ne fofota gobigna lepo teke hata ka magra re, mana ne tufa ka mae Melkisedek fabothodi glepo tuare. Eghuteuna gaoghathogna u nangha Melkisedek teu igne. Ulu lahu na, “Mae king gna puhi te doglo.” Fapea na, “Mae king gna pharikeli.” Naugna nanghagna namono mana na kiloi “Salem”, ba “Pharikeli”.

Hibru 7:2 Iomraidhean Croise

Jenesis 28:22

Thina te fakegra haghe iara igne mala sugamu iagho. Eghuteuna glepo teke tusu mei iagho ka iara igre, iara ginauna na edi nabotho bukrei, eghuteuna kaisei bukrei na iara nake tusu ari ka iagho.”

Fapea Samuel 23:3

Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Fapea Samuel 8:15

Mae Devet ne funei frunidi vido te gnafa Israel, ne edi unha te keli nei doglo eghu ranghidi nogna naiknore.

Ululahu Kronikols 22:9

Nu iagho ginauna na au kaisei thumu nalhaꞌu, eghuteuna kate kegra king mana na, naiknore ginauna au ka pharikeli, eghuteuna iara ginauna na theome snakredi keha kantri are te naoka ka mana na. Eghuteuna mae sua nalhaꞌu igne iagho ginauna kiloni nanghagna Solomon, gaoghathogna Solomon teu igne, “Pharikeli” eghu. Naugna iara ginauna tusu lao nakarha te keli nei pharikeli eghu ka naiknodi Israel ka narane te kegra king mana na.

Nodi Khoje Hatimare Mae Jiu 72:7

Te keli na jame gobigna lepo ka kantri igne mala doglo ka narane te king mana na. Eghuteuna ghehati na au fabrahu ka nakarha te keli.

Levitikas 27:32

Eghuteuna leuleghu finogha na, kate kaha ghotilo buluka majaghani nei sipu majaghani, fabothodi glepo tautagu igre blahi naugna ne nogu iara.

Profet Maeka 5:5

Igne puhi nate fakarhi ghita king ka khamedi naiknodi Asiria, mala ke pulo mei tahati ka namono na au te keli. Kate jajagha te mei armi gna Asiria ka noda kantri tahati gne te funu atha noda vido keli aheva te mala poru tahati igre, tahati ginauna kuru tei noda kmana famane lida tahati igre baludi noda soldia te gnafa tahati igre mala magra ka mare. Eghuteuna naugna te nheta fara noda soldia ka magra, mare ginauna uluni Asiria ka nogna glose Nimrod. Lord ginauna fakarhi ghita, nu mana ginauna jaola paradi maedi Asiria.

Naba 18:21

Lord ne cheke eghu ka mae Eron, “Nodi fafara naiknodi Israel te tufa igre, iara ginauna tufa tei ka vikegna mae Livae. Igne jateula te folidi eghu mare naugna mare reireghini Suga Tapuale te Blahi na.

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Hibru 7:1

Gognaro gne iara na toutonu ranghi ghami ghotilo eigna mae Melkisedek. Mae Melkisedek gne kaisei mae king ka namono te kiloi Salem, nei mana kaisei nogna mae pris biꞌo God te au kligna. Mae Melkisedek neke ludeni mae Ebraham ke leghugna teke pulo mei mae Ebraham funugna ka vido teke tei magra mana teke falehedi fati mae king baludi nodi mae armi hatimare fati mae king igre. Jare mae Melkisedek thafoni mae Ebraham ne fablahini mana.

Hibru 7:3

Tahati theome lasedi idogna nei kmagna teu mae Melkisedek re. Nei theola kaisei thoutonu eigna vikegna mana na. Nei tahati theome lase nila niha teke karha mana na, ba niha teke lehegna na. Eghume mana jateula te thugna God eghu mala mae pris fabrahu tifa tifa.

Ululahu Samuel 8:15

Eghuteuna kaisei tent ka ghemi gano ghotilo are, ginauna mala ghegna mana. Eghuteuna kaisei tent ka botol waen ghotilo are, ginauna mala nogna mana. Eghuteuna mana ginauna tufa glepo igre ka hatimare mae biꞌo nei ka keha nogna mae glokure eghu.

Ululahu Samuel 8:17

Mana ginauna hata kaisei tent nomi sipu ghotilo are. Eghuteuna ghotilo themi ginauna mala jateula nogna sneka eghu mana.