Hibru 4:1 - Buka Blahi Ka Cheke Holo

¹ Tutuani fara, God neke nhaꞌa soru nhaꞌa cheke igne mala tei gnafa tahati balugna mana. Eghume fiofilo ghitai eghu, na eghunu keha ka ghotilo theome ari thokeni namono mala gnafa na jateula mae Israel tifa ra eghu.

Hibru 4:1 Iomraidhean Croise

Proveb 14:16

Mae te autagna gaoghatho te keli na, mana au fadelei ka puhi biꞌo. Nu naikno te fameomekro na, theome filo fakeli, eghuteuna ghosei thokeni puhi biꞌo.

Proveb 28:14

Mae te ghatho tahuni Lord na, mana ginauna glealeꞌa fara. Nu ihei te patugama na ginauna thokeni puhi biꞌo.

Profet Jeremaea 32:40

Eghuteuna iara ginauna eni kaisei nhaꞌa cheke nate au fabrahu baludi. Iara ginauna eni fabrahu glepo te keli na ka mare, mala ghatho tahu ghau iara, eghuteuna mare ginauna na theome tei koko ghau iara.

Naba 14:34

Ghotilo ginauna au papara eidi nakhibomi themire nabagna phiatutu finogha, te kaisei finogha teuna kaisei narane kolho ka phiatutu narane teke tei filo nabotho phei mae ka vido tuana ia. Eghuteuna ghotilo ginauna laseni te tirogu ghami iara na!’

Matiu 24:48

Nu jame mae gloku tuana kaisei mae diꞌa, mana na cheke eghu ka gaoghathogna thegna na, ‘Nogu mae funei iara ia ginauna nake theome ghosei ke pulo mei.’

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Letas Teke Riso Tei Mae Pol Ka Khiloau Rom 11:20

Tuana tutuani fara. Nu God neke kato koko grege tuare naugna mare ne theome fatutuani ni mae Jisas. Eghuteuna ghotilo mala kaisei vidogna thofno gaju oliv igne fabrahu, naugna ghotilo ne fatutuani. Ghotilo mala thosei fahaehaghe ghami eigna igne, nu fiofilo ghami eghu.

Letas Teke Riso Tei Mae Pol Ka Khiloau Rom 3:23

Theo. Naugna naikno te gnafa ka nauthoglu igne kafe tapla jafra ka nakhibo. Eghume mare kafe au khaba ka God mae ihei te doglo fabrahu.

Ululahu Korin 10:12

Eghume, ihei la kegra hetahi thegna ka fatutuani na teu ka gaoghathogna na, filo fakeli eghu, glahu uka kolho.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Galesia 5:4

Ghotilo iheire te mala doglo nomi balugna God teu te fariuriu leghuni vetula na, Kraes na la theo nafugnahi ka gaoghathomire. Ghotilo la tei kokonihi nogna khokofakasai God na.

Fapea Timoti 2:13

Neuba tahati ne theome tajini noda nhaꞌa cheke na, mana ginauna na tajini fabrahu nogna nhaꞌa cheke na, naugna mana theome tangomana te chaghini thegna na.”

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Hibru 13:7

Thosei ghatho ihodi iheire teke kulu batu ghami tifa ra, mae igre neke toutonuni chekegna God na ka ghotilo. Ghathodi unha teke edi mare te ghilei lehe ra, nei jaola leghu fakelini nodi fatutuani na.

Hibru 3:11

Aonu iara diꞌatagu fara ne nhaꞌa cheke eghu, ‘Mare ginauna theome tangomana te mei ka namono teke nhaꞌa cheke iara te mala tusu ranghidi mala gnafa balugu iara!’ ”

Hibru 4:11

Tahati fariuriu fara mala tei thoke ka namono igne mala gnafa tifa tifa balugna God. Na eghunu jateula teke edi mae tifa teke patugama ra eghu keha naikno ka tahati te figri tagruni God na, naugna mare neke theome thokeni namono tuana.

Hibru 4:9

Eghume tahati tangomana te mala gnafa jateula God teke gnafa ke leghugna teke vuavuhadi gobigna lepo ka nauthoglu gne eghu.

Ululahu Samuel 2:30

“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.