Hibru 3:1 - Buka Blahi Ka Cheke Holo

¹ Uve, kheraguro, God kafe kilo ghami ghotilo gnafa mala nogna naikno blahi mana. Eghume, iara magnahaghei ghami ghotilo te ghathoni mae Jisas, mae ihei God teke kuru meini kau nauthoglu igne mala togho ghita. Mana noda mae pris biꞌo mala togho ghita ka gobigna lepo te fatutuanidi tahati.

Hibru 3:1 Iomraidhean Croise

Nodi Khoje Hatimare Mae Jiu 110:4

Lord neke eni kaisei nhaꞌa cheke ka iagho, eghuteuna mana ginauna nake theome tughu gaoghathogna na. Mana neke nhaꞌa cheke eghu, “Iagho ginauna pris fabrahu jateula mae Melkisedek tifa ia eghu.”

Profet Isaia 1:3

Buluka na laseni mae khotogna na, eghuteuna dongki na laseni mae teke reireghini te faghamuni na. Nu nogu naikno iara Israel igre theome lase ghau iara. Uve, nogu naikno iara igre theome laseni kaisei glepo te keli.”

Profet Isaia 41:20

Iara ginauna eni igne mala filoni nei laseni eghu naiknore te iara Lord nodi God te Blahi mae Israel teke vuavuhadi gobigna lepo fateote'o igre.”

Profet Isaia 5:12

Kate ei gaghamu na, leuleghu fata na ghotilo lalahu gita nei dram ikoi, eghuteuna ghotilo ifu babuban balu koꞌu beer mala gleale'a nomi, eghuteuna ghotilo theome tangomana te ghathodi unha teke edi Lord ka ghotilo ra.

Profet Esikiel 12:3

“Eghume, maegna ka nauthoglu, iagho mala kaikaliti nou gloi na, jateula mae ihei te jifla teke huhurudi teke tei au ka keha kantri delei ra eghu. Ame romno nga teuna, iagho hata nou gloi na jifla kosi aheva naiknore tangomana te filoni te tei iagho na. Neuba naikno igre te theome magnahaghei ghau iara na, mare jame laseni unha te eni iagho na.

Profet Esikiel 18:28

Naugna mana ne filo glanidi nakhibogna re, eghuteuna mana tirognani puhi te diꞌa na, eghuteuna mana ginauna theome lehe.

Profet Hagae 1:5

“Ghotilo jame filo glanidi ka unha te thoke ghami are.

Profet Hagae 2:15

“Ghotilo ghaoghatho fakeli ka glepo te thoke ghami funu tifa te posa gognaro are. Ka teke theome fakegra nga teku ghotilo nogu Sugablahi iara ia,

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Jone 20:21

Mae Jisas neke fapea cheke eghui ka mare, “Pharikeli na au ka ghotilo! Mae Mama neke kuru mei ghau iara, eghuteuna gognarona iara nake kuru fajifla ghami ghotilo ka naiknogna nauthoglu igne.”

Jone 20:27

Aonu mae Jisas ne cheke eghu ka mae Tomas, “Habo mei khamemu are agne ka khamegu iara gre mala filodi. Eghuteuna habo mei khamemu ana agne ka gagarogu iara gne. Thosei ghatho peapea, fatutuani sagho!”

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Letas Teke Riso Tei Mae Pol Ka Khiloau Rom 11:17

Ghathoni cheke naba igne. Mae Jiu gre jateula thofno gaju oliv eghu. Eghuteuna ghotilo mae iheire te theome Jiu gre jateula grege oliv nathua ra eghu. God la kulu kato kokohi keha grege ka thofno gaju oliv na mala salo fodu ghamihi mala kaisei ka thofno gaju oliv na. Eghume gognaro na ghotilo jaola snori nomihi ka fablahi te jifla mei ka hatimare mae Jiu.

Letas Teke Riso Tei Mae Pol Ka Khiloau Rom 15:27

Tutuani, mare thofno kaoni ka mae Jerusalem. Naugna hatimare mae ihei te theome Jiu neke kulu hatahi glepo te keli teke nhaꞌa cheke God ranghidi hatimare mae Jiu. Eghume te keli na hatimare mae te theome Jiure mala tusu lao glepo te keli malagna fei thini na ranghidi mae Jiu.

Letas Teke Riso Tei Mae Pol Ka Khiloau Rom 15:8

Te chekeni iara ka ghotilo na, Kraes neke eni nogna gloku na mala toghodi mae Jiu, mala farerheta nogna nhaꞌa cheke God teke eni mana ka mae ku'edi mae Jiure ne tutuani.

Letas Teke Riso Tei Mae Pol Ka Khiloau Rom 9:24

Tahati ngala naikno teke kilo ghita God na mala hata nogna namha biꞌo mana na. God neke kilodi mae te theome Jiu nei jaola kilodi mae Jiu.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Ululahu Korin 10:17

Eghuteuna kaisei bret ngala. Eghume, neuba tahati ne kmana, tahati kaisei thini ngala, naugna tahati te gnafa na kafe ima ka kaisei bret ngala.

Ululahu Korin 9:23

Gobigna lepo te edi iara igre malagna Nonomho te Keli gne, mala jifla tei tongana heva heva, nei jaola mala tangomana te thokeni nogna fablahi God ka iara na.

Fapea Korin 1:7

Ghehati thono lase fakelini eigna ghotilo papara balumi ghehati, God ginauna togho ghami jateula te eni mana ka ghehati gne eghu.

Fapea Korin 9:13

Nomi gloku te keli ghotilo igre ginauna thakle ka naikno te kmanare, eghuteuna mare ginauna cheke fakelini God eigna nomi gloku na. Naugna ghotilo ne thofno leghuni nogna Nonomho te Keli Kraes te cheke eigna ghotilo na. Jaola mare ginauna cheke fakelini God naugna ghotilo neke toghodi mare nei toghodi fara keha naiknore.

Efesus 3:6

U gaoghathogna Nonomho te Keli teke poru igne God magnahaghe ghami ghotilo te mala kaisei vike nei kaisei thini balumi ghehati mae Jiu. Eghuteuna unha teke nhaꞌa chekeni God ka ghehati eigna mae Jisas Kraes igne mala nomi la ghotilo.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Efesus 4:4

Tahati naikno khiloau gre kaisei thini ngala. Jare kaisei Tharunga te Blahi. Eghuteuna God neke kilo ghita tahati gnafa mala hata kaisei glepo te keli ngala te ofoni teu tahati na.

Filipae 3:14

Iara faheaheta fara mala hata u taba igne. Naugna mae Jisas Kraes, God kilo ghau iara mala tei ka mana kligna nei au fabrahu balugna mana jare. Eghume tuana ngala nogu taba iara na.

Kolose 1:12

Eghuteuna ghotilo ginauna gleale'a balu cheke fakelini Kmada. Mana ne fatangomana ghami ghotilo te hatini u nakarha teke kulu tarabanahi maladi nogna naikno te au kligna ka nauthoglu te phae fabrahu na.

Kolose 1:22

Nu gognaro na mae Kraes kela hata fapulo ghami ghotilo mala kheragna God. Mana neke eni igne kau glehegna. Eghume mana tangomana te fakegra ghami ke ulugna God jateula naikno blahi te theo nakhibogna.

Kolose 3:12

God neke vahi ghami ghotilo te mala nogna naikno blahi mana nei namha ghami fara ghotilo. Eghume ghotilo mala edi fabrahu glepo igre: kokhonidi keha naiknore, taegodi, au faleghu, au blagna, thosei diꞌatami faghose ka keha naiknore.

Ululahu Tesalonika 2:12

Ghehati faheta ghami, togho ghami nei cheke ranghi ghami ghotilo mala leghuni nafnata nakarha te keli tagna God. Mana kilo ghami mala au ka thofno nakarha nate keli te funei frunini God ginauna.

Ululahu Tesalonika 5:27

Iara cheke ka ghotilo, ka nogna nolaghi Lord, mala iu'iju letas igne ranghidi kherada te gnafa jare Tesalonika.

Fapea Tesalonika 1:11

Naugna igne, ghehati tarai koba eimi ghotilo, nei toreni noda God mala togho ghami nei nabami te au ka nakarha te keli teke kilo ghamihi mana. Eghuteuna ghehati jaola toreni God ka nogna nolaghi mala togho ghami ghotilo mala leghudi gaoghathomi nei loku fahui gloku teke edi ghotilo naugna te fatutuani ni God.

Fapea Tesalonika 2:14

Ka Nonomho te Keli te mei toutonu ghehati igne, God neke kilo ghami ghotilo mala nogna naikno blahi mana. Jaola God neke kilo mei ghami ghotilo mala hatini u thofno nakarha te mei ka noda Lord Jisas Kraes.

Ululahu Timoti 6:12

Fariuriu fara nakarhamu ka khiloau gne mala au fakeli, jateula mae ihei te fariuriu chari te mala ulu ka fangenghele ia eghu. Ghaoghatho heta eigna iagho la hatahi nou taba u karha fei tifa na. God neke kilo nigho mala hata karha tuana. Eghuteuna iagho neke cheke thakleni nou fatutuani biꞌo eigna mae Kraes ke uludi kmana naikno te nomhini.

Ululahu Timoti 6:2

Jaola mae sneka te loku ranghidi mae funei ka khiloau na thosei cheke eghu, “Nogu mae funei iara gne ghepa thabusigna kolho ka khiloau gne. Eghume iara theome mala ghatho tahuni ba thofno loku heta ranghini mana.” Theo. Mae sneka ka khiloaure mala loku heta mala toghodi mae funei ka khiloaure, naugna mare kaisei ka fatutuani nei namhani God. Uve ghema Timoti, iara magnahaghe nigho te mala farirhiu eghu ka naiknore glepo igre. Eghuteuna iagho cheke faheta ka naiknore mala leghudi.

Fapea Timoti 1:9

God neke fakarhi ghita, eghuteuna kilo ghita mala nogna naikno mana thegna. Mana neke theome eni igne unha tahati tangomana te eni theda na, nu mana thegna neke magnahaghei eni igne naugna mana namha ghita fara. Eghuteuna nogna namha God tuana neke tusu mei ka tahati ka mae Jisas Kraes kani theome fufunu nga neku nauthoglu igne.

Fapea Timoti 2:7

Hironi sagho gaoghathodi cheke te edi iara igre. Lord ginauna togho nigho mala lasedi glepo igre.

Hibru 10:19

Uve, kheraguro, naugna ka dadaragna mae Kraes teke thofa ka glehegna mana ia, tahati au noda nolaghi te mala ruma ka chogho te blahi fara ke ulugna God igne.

Hibru 10:21

Mae Jisas Kraes ngala mae pris biꞌo te mala reireghidi nogna naikno God re.

Hibru 10:23

Tahati mala kegra haghe balu rouronu kau nonomho te keli eidi glepo te fatutuani ni tahati nate thoke mei ginau. Eghume thosei ghatho peapea naugna God neke kulu nhaꞌa chekehi ka tahati. Mana ginauna edi glepo igre.

Hibru 13:22

Kheraguro, iara tore ghami ghotilo fara mala fanomho mei ka nogu farirhiu iara igre. Naugna letas teke rioriso iara igne theome brahu kolho.

Hibru 2:11

Tutuani fara, mae ihei te faklinodi naiknore ke ulugna God nei naikno te klinore eghu God ngala Kmadi na. Naugna igne mae Jisas ne keli tagna te kilo ghita thabusigna thegna.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Hibru 6:20

Naugna mae Jisas la kulu arihi jare malada tahati. Mana mala kaisei mae pris biꞌo jateula mae Melkisedek eghu, eghuteuna mana ginauna mae pris biꞌo fabrahu tifa tifa.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Hibru 7:28

Tutuani fara, neuba mare neke vahidi mae igre mala mae pris biꞌo, mare theome doglo fabrahu. Eghuteuna God neke vahidi mae igre mala mae pris biꞌo ka nolaghi nogna vetula mae Moses. Nu kate eni God u nhaꞌa cheke majaghani ke leghugna nogna vetula mae Moses igne, God neke vahini mae Thugna mala mae pris biꞌo. Eghuteuna mae Thugna na mala klino fabrahu ke ulugna God tifa tifa.

Hibru 9:11

Nu mae Kraes mae pris biꞌo na hata la meihi glepo te keli ka tahati gognaro gne. Mana rumahi ka chogho te blahi fara teke theome horo naikno nei theome nogna nauthoglu igne. U chogho tuana te au ka suga tapuale gna kligna te ulu nei klino ke tulao gna suga tapuale tifa na.

Hibru 9:15

Eghume mae Kraes hata ne mei kaisei nhaꞌa cheke majaghani funu ka God ka nogna naiknore, mala tangomana naikno teke kilodi God re mala hata u thofno nakarha te au kligna te theo ka huigna teke nhaꞌa cheke mana ranghidi. Naugna mae Kraes neke lehe mala foli fajifladi naiknore ka glehe eidi nakhibo teke edi mare kate tathaji nga tekeu mare u nhaꞌa cheke ulu lahu na.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Ululahu Pita 3:5

Eigna tifa na, gaꞌase blahi igre neke fatutuani ni God kolho. Eghuteuna rehati neke thofno leghudi khetodire. Ka nafnata puhi igne rehati keli fara kekheliana fifilodire.

Ululahu Pita 5:1

Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”