Hibru 2:2 - Buka Blahi Ka Cheke Holo

² Naugna nogna farirhiu God teke cheke ka mae engel gre tutuani fara. Eghuteuna mae ihei teke theome leghuni ba huhughuni nogna vetula God na, God neke thono fateni mana eigna unha teke eni mana na.

Hibru 2:2 Iomraidhean Croise

Nodi Khoje Hatimare Mae Jiu 68:17

Noda Lord na neke jifla mei ka Thogele Sanai neke mei au ka nogna suga te blahi na. Mana neke mei balu nogna soldia nei kmana thogha chariot mala magra.

Naba 11:33

Kate ima ghedi nafnahi teu keha naiknore, Lord ne diꞌatagna fara ka mare ne famei kaisei khabru te diꞌa fara ne lehe kmana naikno ka mare.

Naba 16:49

Nihai te lehe ka narane tuana thokeni nabotho fati thogha, fitu gobi, nu mare theome kahadi iheire teke lehe ka puhigna Kora.

Naba 21:6

Aonu Lord ne kuru mei mogo phanaga mala kathidi mare, eghuteuna kmana naikno ka mare ne lehe.

Naba 25:9

Khabru igne neke falehedi varadaki fati thogha naikno.

Mae Khuru 7:53

Nogna vetula mae Moses te hata ghotilo igne, neke tusu mei engel nogna God re. Nu ghotilo theome leghuni kolho!”

Galesia 3:19

Eghume mala unha si vetula gnea? God neke salo fodu u vetula igne mala thakle u najafra teke edi naiknore. God magnahagheni vetula igne te au teu te ghilei thokeni u narane meigna mae Thugna teke nhaꞌa chekeni ka mae Ebraham na. Hatimare mae engel neke tusu mei u vetula igne ka mae Moses mae ihei teke toutonuni tifa ka naiknore.

Diutronomi 17:12

Ihei te theome magnahaghedi nei cheke fadiꞌadi teu unha te chekedi nogna mae mala fate ba nogna mae pris Lord nomi God ghotilo igre mala lehe. Igne unha te mala eni ghotilo na te mala hata fadelei puhi te diꞌa igne ka namonomi ghotilo re.

Diutronomi 17:2

“Jame kaisei mae ba kaisei gaꞌase te au balumi ghotilo ka kaisei namono teke tusu ari Lord nomi God ka ghotilo are eni puhi te theome doglo ka tathagna Lord kate goigoni nogna nhaꞌa cheke mana na teuna.

Diutronomi 17:5

ghotilo ginauna hata tei mae igne ba gaꞌase ke kosi namono mala fada falehe ka thina.

Diutronomi 27:26

“ ‘Puhi biꞌo ginauna thokeni ihei te theome leghudi famane farirhiu igre.’ Eghuteuna naiknore ginauna cheke eghu, ‘Amen!’ ”

Diutronomi 32:2

Nogu farirhiu iara na ginauna soru mei jateula nakhete eghu, ginauna mei jateula nabubla bongiro eghu. Nogu cheke iara na jateula nakhete ikoi ka nagare majaghani ra eghu, jateula famane nakhete te mala kotu buburu ra eghu.

Hibru 1:1

Tifa na God neke vahidi keha mae profet mala cheke ranghidi mae ku'edara. Mana neke cheke ka mare kmana fata nei kmana nafnata puhi.

Hibru 10:28

Mae ihei teke huhughudi nogna vetula mae Moses igre eghuteuna phei mae ba thiloi filoni mana te huhughuni vetula na, naiknore neke theome kokhonini mana. Mare neke faleheni mana.

Hibru 10:35

Eghume, thosei ghatho peapea naugna God ginauna thofno tabadi iheire te loku famaku ka nodi fatutuani na te ghilei thoke ka narane leghu lahu.

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.

Hibru 11:6

Mae ihei te theome fatutuani ka God na, God ginauna na theome keli tagna ka mana. Naugna mae ihei te magnahaghei mei namo ka God na, mana kulu fatutuani ni God te karha nei jaola fatutuani ni God ginauna na tabadi naikno te hironi mana na.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.

Letas Teke Rioriso Mae Jud 1:5

Neubane lasedihi ghotilo igre, iara magnahaghei ghami ghotilo teke ghatho fapuloni noda Lord teke fakarhidi naiknodi Israel, ka teke hata fajifladi mana Ijep. Nu ke leghugna igne mana neke falelehe fahui iheire teke theome fatutuani nei theome leghuni chekegna.