Hibru 2:1 - Buka Blahi Ka Cheke Holo

¹ Eghume tahati famane leghu fakelidi nogna farirhiu mae Jisas Kraes Thugna God teke nomhidi tahati ra, mala thosei jateula mola te elo tafri ka nuri ia eghu noda fatutuani na.

Hibru 2:1 Iomraidhean Croise

Ululahu Kronikols 22:13

Ghema Solomon! Jame leghudi iagho vetula nei farirhiu eghu teke tusu lao Lord ka mae Moses tifa ra meuna, gobigna lepo te edi iagho re ginauna thofno keli fara. Iagho kegra heta leghu fata, ba thosei mhaghu. Eghuteuna thosei snakreni gaoghathomu na glaꞌe soru.

Nodi Khoje Hatimare Mae Jiu 119:9

Lord God, hatimare mae majaghani gre mala leghudi nou cheke iagho re, mala tangomana mare te mala thofno tajidi thofno nakarhadire.

Proveb 3:21

Thuguo, iagho filo fakeli nei loku famaku eghu ka nou gaoghatho te keli, nei ka nou glalase. Glahu ghatho ihodi iagho phei glepo igre.

Profet Habaku 1:6

Iara ginauna tusu lao nolaghi ka naiknodi Babilonia, iheire te glalama nei iheire te diꞌa puhidire. Maedi Babilonia igre tei ka namono te gnafa ka nauthoglu igne mala hata nodi namono keha naiknore.

Profet Habaku 2:16

Eghume, Lord ginauna na thono diꞌatagna fara ka ghotilo, eghuteuna ghotilo ginauna na jateula naikno te koꞌu te salaꞌui ra na eghu mamaja nomi salaꞌui. Naugna naikno te gnafa igre ginauna na kafe filodi thinimi ghotilo te soesolere. Eghuteuna naiknore ginauna na theome ghatho tahu ghami ghotilo. Mare na filo fapari ghami ghotilo jateula chara te koko naiknora eghu kolho.

Matiu 16:9

Theome thofno glolau ngala ka ghotilo sia? Kela ghatho ihoni hila si ghotilo teke piepike iara glima bret teke faghamudi glima thogha mae ra? Ghotilo neke fafofodu nabotho phei khara'o ka vido gano teke salaꞌui ra.

Nonomho Te Keli Teke Risoi Mae Mak 8:18

Ghotilo au tathami, nu ghotilo theome raꞌe filoni. Ghotilo au khulimi nu ghotilo theome raꞌe nomhini. Ghathoni ghotilo teke eni iara tifa ia, kate ke theome naba gano ia?

Luku 8:15

Nu sisi te soru kau glose te keli igre eidi iheire te fanomho ka cheke na, eghuteuna loku famaku ka nagnafadi te klino nei tutuani teure. Eghuteuna mare leghuni chekegna God na ne heta ghedi ne ghilei au sisi te keli.”

Luku 9:44

“Fanomho fakeli ka unha nate chekedi iara ka ghotilo gognaro gre! Iara mae teke mei funu ka God gne, mare ginauna na snakre lao ghau iara ka khamedi naiknore.”

Jone 8:59

Kate nomhidi mare cheke te edi mae Jisas igre, mare atha thina ne rodi fada faleheni mana. Nu mae Jisas poru ne jifla ka Sugablahi na.

Diutronomi 4:23

Ghotilo fiofilo ghami. Glahu ghatho ihoni nei huhughuni eghu ghotilo nogna Nhaꞌa Cheke Lord teke eni mana balumi ghotilo ia. Glahu ghatho ihoni ghotilo eigna blahi te horo ghotilo kaisei mumuju te mala tarai tagna na.

Diutronomi 4:9

“Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Hibru 12:5

Eghuteuna, ghotilo neke la ghatho ihonihi nogna cheke farerheta God teke eni ka ghotilo goro thugna ra. Mana ne cheke eghu, “Thuguo, thosei jateula glepo te theo nafudi eghu kate para ghami God na. Kate cheke fabiꞌo tamu eidi nakhibomure, farerheta nagnafamu na.

Fapea Pita 1:15

Iara ginauna hata nhetagu na mala togho ghami ghotilo mala theome tangomana ghotilo te ghatho ihodi thofno farirhiu tutuani igre kate lehe iara na.

Fapea Pita 3:1

Uve kheraguro, igne fapea letas te riso ari iara ka ghotilo na. Iara riso ari ka ghotilo phei letas igre mala togho ghami ghotilo mala ghaoghatho fadoglo.