Hibru 13:3 - Buka Blahi Ka Cheke Holo

³ Ghathodi iheire te au ka sosolo, jateula te au themi baludila ka sosolo eghu. Eghuteuna ghathodi iheire te kabru, jateula te kabru themi eghu.

Hibru 13:3 Iomraidhean Croise

Jenesis 40:23

Nu mae te mala hata kapu waen te mei ka mae king na igne neke theome ghathoni ngala mae Josep. Mana neke thofno ghatho ihoni fara mana.

Matiu 25:36

Kate soesole iara na, ghotilo fapipichi ghau iara. Kate fogra iara na, ghotilo taji ghau iara. Kate au iara ka suga sosolo na, ghotilo mei sigho ghau iara.’

Matiu 25:43

Jifla kokoni iara sugagu na, ghotilo theome taji ghau iara ka sugamire. Iara soesole, ghotilo neke theome fapipichi ghau. Iara fogra, ghotilo neke theome taji ghau. Iara au ka suga sosolo, ghotilo neke theome mei sigho ghau.’

Mae Khuru 24:23

Mana ne cheke ranghini kaisei mae biꞌodi hatimare mae soldia mala reireghi fakelini mae Pol. Nu chekeni mana mala fasnaglini mae Pol katha vido kmoꞌei kolho mala tangomana kheragna mana re te mei sighoni nei tusu ranghini unha te nabagna mana.

Mae Khuru 27:3

Ka keha narane na ghehati ne thoke Saedon. Mae Julias ne keli fara ranghini mae Pol ne snakreni mana mala tei filodi kheragna fofodu te au ka namono tuana. Mare tangomana te toghoni mae Pol ka unha te nabagna mana na.

Letas Teke Riso Tei Mae Pol Ka Khiloau Rom 12:15

Ghotilo mala gleale'a baludi iheire te gleale'a, eghuteuna mala tanhi baludi iheire te tanhi.

Ululahu Korin 12:26

Jame kaisei vido au papara, keha vidore na jaola au papara. Ba jame kaisei vido ka thinida na fnakno, keha vidore na mala jaola gleale'a.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Kolose 4:18

Iara mae Pol neke risoni kubae igne ka khamegu thegu. Ghatho ghau iara te au ka suga sosolo gne. Iara toreni nogna khokofakasai God na mala au balumi ghotilo. Me gnafa. Iara, mae Pol.

Hibru 10:34

Ghotilo diꞌanagnafa baludi keha ka ghotilo te au ka suga sosolo. Eghuteuna kate hata keha naiknore gobigna lepo teke khotodi ghotilo re, ghotilo gleale'a kolho, naugna ghotilo lasenihi glepo te keli fara na ofo ghami ghotilo teu kligna. Eghuteuna glepo igre te au fabrahu tifa tifa.

Hibru 11:37

Kehare fada falehe ka thina nei kehare ne alha pea thinidire nei kehare aꞌaknu falehedi ka naflahi. Kehare kuma fara eghuteuna mare pipichi kolho ka guli sipu nei nanigot. Eghuteuna mae naokare paradi fara mare nei edi kmana nafnata glepo te diꞌa ranghidi.

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.