Hibru 1:4 - Buka Blahi Ka Cheke Holo

⁴ Eghume, gognaro na mae Thugna kaisei mae biꞌo fara ke uludi hatimare mae engel. God jaola neke tusu ranghini mana kaisei nangha te biꞌo fara ke uludi hatimare mae engel.

Hibru 1:4 Iomraidhean Croise

Efesus 1:21

Tutuani, Kraes na au kligna mala funei frunidi hatimare mae King te gnafa, nei hatimare mae engel, nei keha nafnata nolaghi fateo langau ka maloa gne. Kraes au nangha te biꞌo tulao ke uludi keha nangha te au nolaghi biꞌo ka nauthoglu igne, ba ka keha narane te mei ginau.

Kolose 1:18

Mae Kraes ngala pha'ugna khiloau na, eghuteuna khiloau na jateula thinigna mana eghu, eghuteuna nakarhagna khiloau na mei funu ka mana. Mana ngala mae ulu lahu teke karha fapulo ka glehe na. Eghume mae Jisas ngala pha'udi gobigna lepo fateote'o re.

Kolose 2:10

Eghuteuna ghotilo te kaisei balugna mae Kraes na, mana tusu ari ka ghotilo thofno nakarha na. Mana te funei frunidi thua engel fateo nei nolaghi fateo.

Fapea Tesalonika 1:7

Eghume te chekeni iara ka ghotilo iheire te au papara fara ra, God ginauna fagnafa ghami ghotilo balumi ghehati kate thakle meigna Lord Jisas funu kligna balu nogna tothoghei engel te nolaghi.

Hibru 1:9

Iagho magnahaghei unha glepo te doglo nei theome magnahaghei unha glepo te diꞌa. Eghume nou Lord God neke vahi nigho nei tusu ranghi nigho nafnakno te biꞌo nei gleale'a te uluni nodi gleale'a iheire te au balumu.”

Hibru 12:17

Ghotilo laseni igne, ke leghugna mae Isak te fablahini mae Jekop na, mae Iso magnahagheni mae kmagna na te fablahini. Nu neuba ne tanhi fabiꞌo mana ka mae kmagna na mala fablahini neu, mae kmagna na ne tirognani mana. Eghuteuna mae Iso theome tangomana te filoni kaisei puhi te mala tughu najafra teke eni mana na.

Hibru 2:9

Nu tahati filoni mae Jisas! God neke nhaꞌa soruni mana katha vido ikoi ke paridi mae engel re. Nu gognaro na tahati filoni nafnakno nei siasigla ka mana mala tithini mae King naugna mana neke au papara nei lehe tughu ghita gnafa. God neke snakreni igne naugna mana ne namha ghita gnafa.

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.