Hibru 1:2 - Buka Blahi Ka Cheke Holo

² Nu gognaro na kau narane leghu lahu igre, God ne kuruni mae Thugna mala cheke ka tahati. Eghuteuna, vahini mae Thugna mala hohoro u nauthoglu igne, nei mala khotodi mana gobigna lepo fateo te au ke lamnagna.

Hibru 1:2 Iomraidhean Croise

Jenesis 49:1

Mae Jekop ne eha meidi mae thugna re ne cheke eghu ka mare, “Mei ghotilo rhegu iara agne mala kulu chekedi iara ka ghotilo unha nate thoke mei ka ghotilo ginau re.

Profet Isaia 2:2

Ka narane nate mei mana na, thogele te kegra nogna Sugablahi Lord igne, ginauna ulu salaꞌudi gnafa keha thogele are. Eghuteuna naikno te gnafa ka keha kantri are ginauna tangomana te salo fodu mei tagna.

Profet Isaia 44:24

Lord mae ihei teke vuavuha ghami ghotilo ka thiꞌadi idomi ghotilo are, eghuteuna mae ihei te fakarhi ghami ghotilo neke cheke eghu: “Iara Lord, eghuteuna iara neke vuavuhadi gobigna lepo fateoteꞌo gre. Iara thegu teke vuavuhadi maloa nei gobigna lepo fateoteꞌo te au ke lamnagna. Eghuteuna kate vuavuha iara nauthoglu igne, theo kaisei naikno teke togho ghau iara na.

Profet Isaia 45:12

Iara neke vuavuha nauthoglu igne, baludi gobigna lepo te au ke lamnagna. Iara neke vuavuha naikno mala au ke lamnagna nauthoglu igne. Tutuani fara, ka nogu nolaghi iara, iara neke vuavuha maloa nei gobigna lepo te au ke lamnagna. Eghuteuna iara funei frunidi naprai nei glaba nei nathunu eghu te au ka maloa kligna.

Profet Isaia 45:18

Lord na mana God mae ihei teke vuavuha maloa baludi gobigna lepo te au ke lamnagna, eghuteuna mana jaola neke eni famaku nauthoglu igne mala au fabrahu tifa tifa. Mana neke theome eni nauthoglu igne mala fiti au kolho neku, theo, mana neke eni nauthoglu igne mala au naikno tagna. Lord neke cheke eghu, “Iara ngala Lord na. Theo kaisei god ahevanga.

Profet Jeremaea 30:24

Diꞌa tagna Lord igne ginauna theome gnafa ghilei thoke mei narane te magnahagheni mana te mala gnafadi gobigna lepore. Ka narane leghu lahu na ghotilo naikno ra ginauna lase fakelini glepo igne.

Profet Jeremaea 48:47

“Nu neuba, ka narane nate mei ginau igre, iara na tuthughu nakarhadi naiknogna Moab mala ke naikno keli fapulo.” Igne cheke gna Lord. Eghuteuna igne gnafa gna cheke eigna puhi gna Lord nate parani Moab ginauna.

Profet Esikiel 38:16

Ghotilo ginauna mei toku tafrudi nogu naikno iara Israel igre, jateula kaisei khoveo biꞌo balu nakhete te soru te toku tafrudi namono ra eghu. King Gog! Ka narane tuana, iara ginauna kuru nigho tei lamna ka nogu namono iara igne, mala laseni naiknodi keha kantri igre te iara Lord na mae blahi.

Profet Daniel 10:14

Iara mei mala cheke ka iagho unha nate thoke mei ka nou naikno iagho igre mala lasedi iagho glepo igre. Unha te filodi iagho ka mifi igre, u thotoghaledi glepo te theome thoke mei nga teu.”

Profet Daniel 2:28

Nu God gna kligna na ngala te tangomana te fakakhana glepo te poru igre. Eghuteuna mana neke fakakhanahi ka iagho unha nate thoke mei gna narane leghu lahu na. Iara ginauna toutonuni mifi igne ka iagho, eghuteuna igne unha thuru teke filoni iagho na.

Profet Hosia 3:5

Eghuteuna kaisei narane ke leghudi igre, naiknodi Israel ginauna nake hogri nagnafa mala ke figri ka nodi Lord, nei nodi God. Eghuteuna mare ginauna nake jaola nake figri ka mae ihei nate karha mei ka vikegna mae king Devet, mae igne ginauna nodi king mare. Eghuteuna ka narane tuare, naiknore ginauna mei ka Lord mala kilo fnaknoni mana, eghuteuna mana ginauna na fablahidi.

Profet Maeka 4:1

Ka narane nate mei mana na, thogele te kegra nogna Sugablahi Lord igne, ginauna ulu salaꞌudi gnafa keha thogele are. Eghuteuna naikno te gnafa ka keha kantri are ginauna tangomana te salo fodu mei tagna.

Naba 24:14

Gognaro na iara nake pulo ka nogu naiknore. Nu iara na kulu cheke ka iagho unha nate eni naiknodi Israel gre ka nou naikno iaghore ginauna.”

Matiu 13:39

Eghuteuna Satan jateula mae naoka te joꞌu sokiaro ia eghu. Nu narane leghu lahu gna nauthoglu igne jateula narane te mala pulei wit ra eghu. Eghuteuna nogna engel God igre jateula mae gloku te mala pulei wit ra eghu.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Matiu 21:38

“Kate filoni mare meigna thugna mana na, mare ne cheke eghu fari thedi, ‘Igne thofno thugna mae khoto nagare ia. Mei ghotilo mala falehe nodani, mala ke khotogna theda nagare igne!’

Matiu 26:63

Nu mae Jisas ne theome cheke. Aonu mae pris biꞌo na ne cheke eghu, “Gognarona iagho nhaꞌa cheke ka ghehati. Iara magnahaghei nigho iagho ka nanghagna God te karha, cheke kate tutuani ka ghehati. Iagho ngala si mae Kraes Thugna God na ia?”

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Nonomho Te Keli Teke Risoi Mae Mak 1:1

Igne fufunu gna Nonomho te Keli eigna mae Jisas Kraes Thugna God.

Nonomho Te Keli Teke Risoi Mae Mak 12:6

“Aonu mae funei na au kaisei mae ngala mala kuruni na. Tuana ngala thofno mae thugna te namhani fara mana na. Leghu lahu na mae funei na ne kuru teini mae thofno thugna na ka mare, ne cheke eghu, ‘Uve, mare ginauna ghatho tahuni mae thugu iara gne.’

Nonomho Te Keli Teke Risoi Mae Mak 12:7

“Nu mae greireghi nagare igre ne cheke eghu fari thedi, ‘Igne thofno thugna mae khoto nagare ia. Mei ghotilo mala falehe nodani, mala ke khotogna theda u nagare igne!’

Jone 1:10

Mana la auhi ka nauthoglu igne, nu neuba God neke vahini mana neke vuavuha nauthoglu igne, naiknogna nauthoglu igne theome laseni ngala mana.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Jone 1:3

Eghuteuna God neke vahini mana mala edi gobigna lepore. Eghume gobigna lepo gre mana ngala teke edire.

Jone 13:3

Eghuteuna, mae Jisas kulu lasenihi mae Kmagna na neke tusu ranghini nolaghi te mala funei frunidi gobigna lepore, nu mana laseni la mana neke mei funugna ka God nei nake pulo la ka God.

Jone 13:32

Eghuteuna jame te filoni naiknore nogna nolaghi biꞌo God na ka nogu gloku iara re, God ginauna jaola fatakleni nogu nolaghi iara mae teke mei funu ka God. God ginauna ghosei fafnakno ghau iara gognaro gne.

Jone 15:15

Gognarona iara theome kilo ghami ghotilo mae gloku, naugna mae gloku na theome tangomana te laseni gaoghathogna nogna mae funei na. Nu iara kilo ghami ghotilo mae kheragu iara, naugna iara chekedi ka ghotilo gobigna lepo teke chekedi mae Mama ka iara re ngala.

Jone 16:15

Gobigna lepo te khotodi mae Mama re nogu iara. Naugna igne te chekeni iara na, mae Tharunga te Blahi na nomhidi unha nate chekedi iara re mala ke toutonu ka ghotilo.”

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Jone 3:25

Keha nogna mae fanomho mae Jone re ne fapoaphola balugna kaisei mae Jiu eigna nodi vetula mae Jiu te mala titihi fakeli thini na.

Jone 5:26

Uve, u thofno karha na mei funu ka thegna mae Mama. Eghume mae Mama neke snakreni ka iara mae Thugna na mala tufa u karha tuana ka ihei te nomhi ghau nei leghu ghau teu iara na.

Jone 5:27

Eghuteuna mae Mama neke tusu ranghi ghau iara u nolaghi te mala fate na, naugna iara neke mei funu ka mana.

Jone 9:29

Ghehati laseni mae Moses, naugna tifa na God neke cheke balugna mana. Nu mae Jisas gne ghehati theome laseni mana nei theome laseni neke mei funugna heva!”

Mae Khuru 10:36

Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Mae Khuru 2:17

“ ‘God ne cheke eghu: Kate namo huigna nauthoglu gne, iara ginauna lisa soru Tharungagu na ke klignadi naikno te gnafare. Eghuteuna thumi nalhaꞌu nei gaꞌase teu ghotilo are ginauna na toutonuni chekegu iara na. Eghuteuna mae majaghani nei mae biꞌomi teu ghotilo re, iara ginauna na tusu ranghidi nolaghi te mala mifi na.

Letas Teke Riso Tei Mae Pol Ka Khiloau Rom 8:17

Eghuteuna naugna te goro thugna God tahati na, tahati ginauna hatini glepo malada tahati teku God na. God ginauna na jaola tusu ranghi ghita glepo igre teke tusu ranghini kherada Jisas Kraes. Naugna tahati au papara jateula Kraes jaola teke au papara, tahati ginauna jaola hatini u thofno nakarha teke hatahi Kraes te ulu tulao igne.

Ululahu Korin 2:7

Cheke glalase te toutonuni ghehati igne nogna cheke glalase God. Tutuani, kani teke theome vuavuha teku God u nauthoglu igne, mana neke kulu enihi kaisei nabrou ka nogna glalase te mala tei thoke tahati ka mana kligna na. Mana neke theome falalase cheke igne ghilei thoke gognaro.

Ululahu Korin 8:6

te fatutuani ni tahati na jare na kaisei God tutuani ngala te au na. Mana Kmada tahati naikno khiloau, eghuteuna mana neke vuavuhadi gobigna lepore, nakarhada tahati na nogna mana. Kaisei Lord ngala nanghagna na Jisas Kraes. God neke vuavuha gobigna lepore ka mana, nei tahati jaola karha kolho ka mana.

Galesia 4:4

Nu kate mei thofno narane na, God neke kuru mei Thugna. Mana neke karha mei ka kaisei gaꞌase, eghuteuna mana neke au leghuni nogna vetula mae Moses.

Efesus 1:10

Nogna gaoghatho God igne ginauna thokei mei ka thofno narane te mala salofodu ka Kraes gobigna lepo te au kligna ba pari. Eghuteuna Kraes ginauna mala pha'udi gobigna lepore.

Efesus 3:9

Eghuteuna mana vahi ghau iara mala toghodi naikno te gnafa gre mala filo glanini nagnafagna God eigna nogna gaoghatho poru igne. Tifa na, God mae ihei teke vuavuhadi nauthoglu ghe maloa gre neke theome snakredi naiknore mala laseni unha te ghathoni mana na.

Diutronomi 18:15

Mana ginauna kuruni kaisei mae profet jateula iara eghu mala mei ka ghotilo. Mae profet igne kaisei mae kherami ghotilo, eghuteuna ghotilo ginauna mala leghuni mana.

Diutronomi 31:29

Iara laseni ke leghugna te lehe iara na, ghotilo ginauna na thofno diꞌa fara, eghuteuna ghotilo ginauna figri tagrudi glepo te farirhiu ghami iara igre. Eghume ka narane nate mei are puhi biꞌo ginauna thoke ghami ghotilo, naugna ghotilo ne edi glepo te diꞌa te diꞌatagnadi fara Lord re.”

Diutronomi 4:30

Jame te thoke mei puhi biꞌo ka ghotilo te au papara fara ghotilo ka glepo igre na, ghotilo ginauna nake figri ka Lord nomi God mala ke leghuni mana.

Hibru 1:5

Igne tuani fara, naugna God neke theome cheke eghu ka kaisei mae nogna engel unha teke cheke eghu mana ka mae Thugna na, “Iagho mae Thugu iara, funu gognaro gne iara mae Kmamu iagho.” Nei jaola, God neke theome cheke eghu ka kaisei engel, “Iara ginauna Kmagna mana, eghuteuna mana ginauna mae Thugu iara.”

Hibru 1:8

Nu God neke cheke eghu agne eigna mae Thugna, “God, nou sape nafnakno iagho na au fabrahu tifa e tifa! Iagho ginauna na funei frunidi nou naiknore ka puhi te keli nei doglo.

Hibru 11:3

Tahati fatutuani ni God. Eghume tahati laseni God tifa na neke hohoro u nauthoglu te filoni tahati igne ka chekegna. Mana hohoro gobigna lepo te filodi tahati igre ka unha te theome filodi tahati.

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Hibru 4:14

Eghume, tahati mala loku famaku ka noda fatutuani na. Naugna tahati au kaisei noda mae pris biꞌo te togho ghita. Mae pris biꞌo igne mae Jisas Kraes Thugna God tela haghehi kligna.

Hibru 5:8

Neuba mae Jisas ne thofno Thugna God, kate au papara na mana laseni te leghuni mae Kmagna na.

Hibru 7:28

Tutuani fara, neuba mare neke vahidi mae igre mala mae pris biꞌo, mare theome doglo fabrahu. Eghuteuna God neke vahidi mae igre mala mae pris biꞌo ka nolaghi nogna vetula mae Moses. Nu kate eni God u nhaꞌa cheke majaghani ke leghugna nogna vetula mae Moses igne, God neke vahini mae Thugna mala mae pris biꞌo. Eghuteuna mae Thugna na mala klino fabrahu ke ulugna God tifa tifa.

Hibru 7:3

Tahati theome lasedi idogna nei kmagna teu mae Melkisedek re. Nei theola kaisei thoutonu eigna vikegna mana na. Nei tahati theome lase nila niha teke karha mana na, ba niha teke lehegna na. Eghume mana jateula te thugna God eghu mala mae pris fabrahu tifa tifa.

Hibru 9:26

Jame theome eghu na mana jame au papara kmana fata funu ka vuvuhagna God u nauthoglu igne! Nu mana fathakleni thegna ka nauthoglu igne kaisei fata kolho, ka narane nate theome raugha te gnafa nauthoglu igne. Mana ne fafara thinigna thegna na mala hata fadelei nakhibodi naiknore.

Ululahu Pita 1:20

Ame vuvuha nga nauthoglu igne teku na, God neke kulu vahini mae Kraes mala fakarhi ghami ghotilo. Eghuteuna gognaro na, mae Kraes na la meihi mala togho ghami ghotilo ka narane leghu lahu igre ka nauthoglu igne.

Fapea Pita 3:3

Ghotilo mala thofno laseni eigna glepo igne. Na theome raugha ka nauthoglu gne keha naikno ginauna mala edi glepo te diꞌa te magnahaghedi thedire. Naikno igre ginauna mei maꞌe ghami ghotilo.

Letas Teke Rioriso Mae Jud 1:18

Mare neke cheke eghu ka ghotilo, “Kate namo mei narane leghu lahu na keha naiknore ginauna maꞌeni Nonomho te Keli gne. Mare magnahaghei te leghudi kolho gaoghathodi thedi te diꞌa fara re nei mala tirodi leghuni God.”