Filipae 1:4 - Buka Blahi Ka Cheke Holo

⁴ Eghuteuna leuleghu narane na iara thono gleale'a fara kate ghatho ghami ghotilo ka nogu tarai na.

Filipae 1:4 Iomraidhean Croise

Nonomho Te Keli Teke Risoi Mae Mak 5:5

Bongi narane na mana tei tafri ka gluma nei ka thogele balu eha fabiꞌo nei vavahe thinigna thegna na kau thina.

Luku 15:10

Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Luku 15:7

Te chekeni iara na, jateula tuana eghu kligna na, naugna God nei hatimare mae engel kligna re ginauna na gleale'a ka mae ihei te hogri nagnafa na. Uve, nodi gleale'a mare balugna mana na ginauna uludi teke gleale'a fara mare baludi nhevasalei nheva naikno te keli te theome filo glanini gaoghathogna te mala hogri nagnafa na.”

Letas Teke Riso Tei Mae Pol Ka Khiloau Rom 1:9

Iara loku ranghini God balu nagnafagu fateo mala toutonuni u Nonomho te Keli eigna Thugna God. Eghuteuna God lase ghau iara te ghatho ghami ghotilo koba ka nogu tharaire.

Filipae 2:2

Eghume iara thono tore ghami ghotilo mala kaisei nagnafa ngala ka unha puhi te magnahaghei eni teu ghotilo na nei biꞌo nomi namha na fari themi. Te eni ghotilo igne, iara na thono gleale'a fara ka ghotilo.

Filipae 3:18

Iara chekeni igne ka ghotilo, naugna kmana naikno chekeni koba ne fatutuani ni mae Kraes teuna, nu theome tutuani eghu, naugna nakarhadire thono diꞌa fara ngala. Iara neke chekehi ka ghotilo eidi naikno igre tifeiro. Eghuteuna iara gognaro na nake chekei ngala ka ghotilo balu tanhi eidi naikno igre, naugna mare naoka eigna gaju fafatha nogna Kraes.

Filipae 4:1

Eghume, kheraguro, iara magnahaghei ghami ghotilo jateula teke chekeni iara ka ghotilo ia eghu kegra heta ka nomi fatutuani na ka Lord. Iara thono namha ghami ghotilo nei magnahaghei te filo ghami ghotilo. Uve kheraguro, iara gleale'a fara nei thono fahaehaghe ghau fara eigna nakarhami ghotilo na. Naugna ghotilo jateula kaisei taba eghu ka gloku biꞌo te eni iara gne.

Ululahu Tesalonika 1:2

Uve, kate tarai na ghehati ghatho ghami koba nei cheke fakelini God eimi ghotilo.

Filimon 1:7

Ghema thabusigna, nogna naikno God igre mare keli tadi fara eigna puhi te namhadi iagho. Eghuteuna glepo te edi iagho tuare iara keli tagu fara nei farhetani nagnafagu na.

Fapea Jone 1:4

Iara thofno keli tagu fara te filodi keha thumu iagho te thofno leghuni nabrou te tutuani, jateula mae Mama teke cheke ranghi ghita.