Eksodas 7:5 - Buka Blahi Ka Cheke Holo

⁵ Eghuteuna naugna te loku iara ka nogu nolaghi biꞌo na ranghini Ijep eghuteuna batu fajifladi naiknodi Israel, naiknodi Ijep igre ginauna laseni te iara Lord.”

Eksodas 7:5 Iomraidhean Croise

Nodi Khoje Hatimare Mae Jiu 138:7

Kate thoke ghau iara hoholo na, iagho fakarhi ghau iara. Iagho tapla fapari nodi mae nogu naoka iara re, iheire te diꞌa tadi fara ngala ka iara. Iagho fakarhi ghau ka nou nolaghi na.

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Eksodas 10:2

Iara neke eni igne naugna iara magnahaghei nigho iagho teke toutonu ranghidi thumu nei gramu teu ra eidi u kofubobhoi tela diꞌanagnafa nei mamaja telau mae Ijep gre. Eghume ghotilo te gnafa na ginau na laseni te iara ngala Lord na.”

Eksodas 10:7

Hatimare mae funeire ne cheke eghu ka mae king, “Niha fata eghu snakreni mae igne mala eꞌei puhi biꞌo jateula igne eghu ranghi ghita fabrahu sagho ia? Snakredi sagho mae Israel are mala tei pogho soruni mare nodi Lord God na. Ba? Iagho theome filoni si Ijep tela diꞌa fara gnea?”

Eksodas 14:4

Iara ginauna nake famamhakui nagnafagna mae king na, eghuteuna mana ginau na ngolhi ghami ghotilo mala fariuriu athi ghami. Nu naugna ka unha te eni iara ranghini mana nei nogna mae soldia mana re teu na, naiknore ginau na ghatho tahu ghau iara. Eghuteuna naiknodi Ijep re ginau na laseni te iara ngala Lord na.” Aonu kate nomhini chekegna Lord igne na, naiknodi Israel neke pulo neke horo nodi suga tapuale ka vido aheva teke cheke ranghidi mana na.

Eksodas 18:8

Mae Moses ne toutonu ka mae Jetro gobigna lepo te edi Lord ranghini king, nei naiknodi Ijep. Eigna Lord neke fakarhadi naiknodi Israel. Mana neke jaola neke toutonu ka mae Jetro eigna Lord te toghodi mare ka thua hoholo fateote'o te mei thafodi mare ka nabrou na.

Eksodas 3:20

Iara ginauna loku ka nogu nolaghi mala edi kmana nafnata kofubobhoi ka tathadi naiknodi Ijep, mala mhaghu nei paradi eghu mare. Eghuteuna ke leghugna igne, king ginauna snakre ghami mala jifla ghotilo.

Eksodas 6:1

Aonu Lord ne cheke eghu ka Moses, “Theome raugha iagho ginauna filoni unha nate eni iara ka king gna Ijep. Iara ginauna loku ka nogu nolaghi biꞌo na ranghini mana, mala snakredi mana nogu naikno iara gre mala jifla tei mare. Uve, mana ginauna huhurudi mala jifla mare ka nogna kantri na.”

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Eksodas 7:17

Igne unha te chekeni Lord na: Iagho ginau na filodi unha nate edi iara re, aonu iagho ginau na laseni te iara ngala Lord na. Filo sagho, iara ginau na puphuri Khoꞌu biꞌo Nael gne ka khodo te louloku teu iara ao, eghuteuna u khoꞌu igne ginau na nake figri nake vuhai dadara.

Eksodas 8:10

Mae king ne cheke eghu, “Eni tuana nathuꞌu.” Mae Moses ne cheke eghu ka mana, “Uve, unha te magnahagheni iagho na eni au. Eghuteuna naikno te gnafare ginau na laseni eigna jare na theo kaisei god aheva nga te jateula Lord nomi God teu ghehati mae Hibru gre na.

Eksodas 8:19

Aonu hatimare mae meresin gre ne cheke eghu ka mae king, “Jame God thegna ngala te eni igne!” Neuba, mae king na thono maku fara nagnafagna na ne tirogna fanomho ka mae Moses ghe mae Eron.

Eksodas 8:22

“ ‘Nu kate mei khare igre na, Lord ginau na reireghi fakelini vido Gosen, ba nohi aheva te au nogna naikno manare. Khare igre ginau na theome filodi ka vido aheva te au nogna naikno mana re. Iagho ginau na filo glanini nei laseni eghu te kaisei mana ngala Lord te edi gobigna lepo te ninhigrana ka nou kantri iagho na igre.

Profet Esikiel 25:17

Iara ginauna paradi naikno igre mala ke tughu fapulo glepo te diꞌa teke edi mare igre, mala haimini mare nolaghi te diꞌatagu iara na. Eghuteuna kate paradi iara na mare ginauna laseni te iara Lord God.’ ”

Profet Esikiel 28:22

Iagho cheke ranghini te iara Lord God te eghu igne: “ ‘Saedon! Iara nou naoka iagho. Naiknore ginauna cheke fakelini nanghagu iara kate paradi iara nou naikno iaghore mala lasei mare te blahi iara na, eghuteuna mare laseni te iara Lord.

Profet Esikiel 32:15

Ka narane tuare nou namono iagho igne ginauna diꞌa eghuteuna theo kaisei glepo nate au tagna na. Eghuteuna iara ginauna aknu falehe gnafa iheire te au ka vido igne. Eghuteuna ghotilo te gnafa na ginauna thofno laseni te iara Lord.’

Profet Esikiel 36:23

Tutuani, nanghagu iara na thono blahi fara, nu ghotilo lausasaba ka tathadi naiknore. Nu kate fakakhana iara nolaghi gna nanghagu na ka naiknodi keha kantri are, mare ginauna laseni te iara Lord. Iara ginauna tusu ari ka ghotilo mala fakakhana ka mare te blahi iara na.

Profet Esikiel 39:22

Eghuteuna funu ka narane tuana, naiknodi Israel ginauna tangomana te lase ghau iara Lord, eghuteuna iara nodi God mare.

Profet Esikiel 39:7

“Eghume, nogu naikno iara Israel igre ginauna laseni nanghagu iara te blahi na, eghuteuna iara ginauna theome snakredi mare teke lausasabani nanghagu iara na. Eghuteuna naikno ka kantri na igre ginauna lase ghau iara Lord, nodi God te blahi mae Israel.