Eksodas 6:3 - Buka Blahi Ka Cheke Holo

³ Tifa na, iara neke thakle ka Ebraham, ka Isak, nei ka Jekop, eghuteuna mare lase ghau iara te iara ‘God mae ihei te au nolaghi fateote'o.’ Nu iara neke theome falalase ghau thegu ka mare te iara Lord.

Eksodas 6:3 Iomraidhean Croise

Jenesis 13:18

Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare.

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Jenesis 22:14

Aonu mae Ebraham ne kiloni vido igne, “Lord ginauna na tusu mei ranghi ghita.” Eghuteuna gognaro ba gne tahati tangomana te kafe cheke eghu na, “Ke kligna gna thogele na Lord ginauna na tusu mei ranghi ghita unha te magnahagheni tahati na.”

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Jenesis 35:11

Eghuteuna God ne cheke eghu ka mana, “Iara God mae ihei te nolaghi fara. Iagho na au kmana thumu nate karha mei ke leghu ka vikemu iagho. Iagho ginauna mala ku'edi naikno ka namono te kmana gre nei hatimare mae king gre na jaola karha ka vikemu iagho.

Jenesis 48:3

Mana ne cheke eghu ka mae Josep, “God te nolaghi fara na neke thakle ka iara Lus ka kantri Kenan, neke fablahi ghau iara jare.

Nodi Khoje Hatimare Mae Jiu 68:4

Tahati koje ranghini God, tahati koje kilo fnaknoni nanghagna mae ihei te gnokro teu ke kligna grokho. Nanghagna na Lord. Tahati glealeꞌa ke ulugna mana.

Nodi Khoje Hatimare Mae Jiu 83:18

Lord God, te thofno keli fara na jame mare laseni eigna te iagho ngala God mae ihei te thofno fnakno fara na, eghuteuna iagho ngala king te funei frunidi naikno te gnafa ka nauthoglu igne.

Eksodas 15:3

Mana jateula kaisei mae soldia te nheta fara eghu. Lord ngala nanghagna mana na.

Eksodas 23:21

Ghotilo famane fanomho fakeli nei leghudi eghu unha te chekedi mana re. Te theome leghudi ghotilo unha te chekedi mana re, mana ginau na thono diꞌatagna fara ka ghotilo, naugna iara la tusu laohi ka mana nogu nolaghi na.

Eksodas 3:14

God ne cheke eghu ka Moses, “Nanghagu iara na, ‘IARA IHEI TE AU FABRAHU. Iagho tei cheke eghu ka naiknodi Israel ra: God, mae ihei te kuru mei ghau iara ka ghotilo igne, nanghagna IARA.’ ”

Profet Isaia 42:8

“Iara Lord, tuana Nanghagu iara na! Eghuteuna iara na theome snakreni kaisei god mala fnakno nanghagna na jateula iara eghu. Uve, iara ginauna na theome snakredi naiknore mala kilo fnaknoni kaisei god te chaichaghi teke horo kolho naikno.

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Profet Jeremaea 16:21

Aonu Lord ne cheke eghu, “Kaisei narane, iara ginauna farirhiu fakelidi naiknore, eghuteuna ka narane igne, naiknore ginauna laseni nogu nolaghi iara na, eghuteuna mare ginauna laseni nanghagu iara na Lord.”

Profet Jeremaea 33:2

Profet ne cheke eghu, “Lord mae ihei teke ghaoghaho nei vuavuha teku nauthoglu igne. Nanghagna Lord! Mana neke cheke eghu:

Profet Esikiel 20:5

Iagho cheke ka mare: ‘Tifa na, iara Lord God neke vahini Israel mala nogu thegu neku, eigna iara neke kulu eni kaisei nhaꞌa cheke te rheta ka kuꞌemi ghotilo ra, mae iheire teke karha mei ke leghugna kuꞌemi ghotilo Jekop tifa ia. Kani teke au mare Ijep ia, iara neke fakakhana nogu nolaghi na ka mare, eghuteuna iara neke cheke eghu ka mare, “Iara nomi Lord God ghotilo.”

Profet Esikiel 37:13

Eghuteuna kate tothora iara beku igre te hata fajifla ghami ghotilo na, ghotilo ginauna laseni te iara Lord.

Profet Esikiel 37:6

Iara ginauna nake lisei fapulo naula nei nafnahi eghu ka ghotilo, eghuteuna toku tafru ghami ka guli. Eghuteuna iara ginauna nake lisei fapulo u nakarha na ke lamnami ghotilo, mala ke karha ghotilo. Aonu ghotilo ginauna laseni te iara Lord.’ ”

Jone 8:58

Mae Jisas ne cheke eghu ka mare, “Tutuani fara, te chekeni iara ka ghotilo na, ka narane theome karha nga tekeu mae Ebraham na, iara neke kulu auhi!”

Thakle 1:4

Iara riso ari ka ghotilo fitu khiloau te au ka provins Esia ra. Iara toreni God te mala tusu ranghi ghami ghotilo nogna khokofakasai nei pharikeli teuna. Tutuani, God mae ihei teke au tifa, gognaro gne, nei nake pulo mei nathuꞌu nauriha. Khokofakasai nei pharikeli teu igre jaola mei funu ka fitu tharunga te keli te au ke ulugna nogna sape nafnakno mae King na.

Thoutonu Eigna Rut 1:20

Nu Naomi ne cheke eghu ka reꞌe, “Uve, iara Naomi ngala, nu ghotilo thosei ke kilo ghau iara Naomi gognaro na eghu. Eigna gaoghathogna nangha Naomi teu igne, ‘Glealeꞌa’ eghu. Te keli na ghotilo kilo ghau iara Mara, gaoghathogna na, ‘diꞌanagnafa’ eghu. Naugna God mae ihei te au nolaghi na ne fadiꞌa nagnafa ghau iara.