Eksodas 6:2 - Buka Blahi Ka Cheke Holo

² God ne cheke eghu ka Moses, “Iara Lord.

Eksodas 6:2 Iomraidhean Croise

Jenesis 15:7

Lord jaola ne cheke eghu ka mae Ebram, “Iara Lord. Iara neke batu fajifla nigho ka namono Ur jare Babilonia. Iara neke eni igne mala tangomana iara te tusu ari ka iagho namono igne mala khotogna iagho.”

Eksodas 12:12

“Ka bongi igne iara ginau na tei ka vido te gnafa Ijep igre mala falelehe goro mae sua nalhaꞌu teke kulu karha ka mae Ijep gre, nei nodi sua dongki, hose, kamel, buluka, sipu nei nanigot teu mare teke kulu karha are eghu. Iara ngala Lord na, iara ginau na paradi fara nodi mumuju god te pogho sorudi maedi Ijep are.

Eksodas 15:3

Mana jateula kaisei mae soldia te nheta fara eghu. Lord ngala nanghagna mana na.

Eksodas 17:1

Naiknodi Israel gre ne leghuni chekegna Lord na ne jifla Sanai ka namono nagou na. Mare tangomana te jifla ka kaisei namono ke tei ka keha namono na teuna. Leghu lahu na mare mei ne posa ka vido te kiloi Refidim ne au jare. Nu vido igne theo kaisei khoꞌu te mala koꞌu na.

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Eksodas 3:14

God ne cheke eghu ka Moses, “Nanghagu iara na, ‘IARA IHEI TE AU FABRAHU. Iagho tei cheke eghu ka naiknodi Israel ra: God, mae ihei te kuru mei ghau iara ka ghotilo igne, nanghagna IARA.’ ”

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Eksodas 6:29

“Iara Lord. Iagho tei ka king gna Ijep, mala chekedi ka mana gobigna lepo teke chekedi iara ka iagho ra.”

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Eksodas 6:8

Iara ginauna batu ghami tei ka namono teke nhaꞌa cheke iara ka kuꞌemi ghotilo tifa ra, Ebraham, Isak nei Jekop. Iara ginauna snakre ari ka ghotilo namono igne, eghuteuna ghotilo ginauna khotogna namono igne tifa tifa. Iara Lord, ginauna eni glepo igne.’ ”

Profet Isaia 42:8

“Iara Lord, tuana Nanghagu iara na! Eghuteuna iara na theome snakreni kaisei god mala fnakno nanghagna na jateula iara eghu. Uve, iara ginauna na theome snakredi naiknore mala kilo fnaknoni kaisei god te chaichaghi teke horo kolho naikno.

Profet Isaia 43:11

Kaisei thegu iara ngala Lord na, eghuteuna theo kaisei god aheva nga nate fakarhi ghami ghotilo na.

Profet Isaia 43:15

Iara Lord, nodi God te Blahi mae Israel, mae ihei teke vuavuha ghami ghotilo, eghuteuna iara nomi King ghotilo.”

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Profet Jeremaea 9:24

Nu jame ihei te magnahaghei fahaehaghe na, mana fahaehagheni kolho te lase ghau iara Lord. Iara na namhadi fabrahu naikno te au ka nauthoglu igne, nei eni ranghidi fabrahu puhi te doglo na. Igre unha te magnahaghedi iara re.”

Profet Esikiel 20:5

Iagho cheke ka mare: ‘Tifa na, iara Lord God neke vahini Israel mala nogu thegu neku, eigna iara neke kulu eni kaisei nhaꞌa cheke te rheta ka kuꞌemi ghotilo ra, mae iheire teke karha mei ke leghugna kuꞌemi ghotilo Jekop tifa ia. Kani teke au mare Ijep ia, iara neke fakakhana nogu nolaghi na ka mare, eghuteuna iara neke cheke eghu ka mare, “Iara nomi Lord God ghotilo.”

Profet Malakai 3:6

Lord mae ihei te au nolaghi fateoteo igne ne cheke eghu, “Iara Lord, iara theome tangomana teke tughu na. Eghume ghotilo vikegna mae Jekop ra ghotilo ginauna theo kaisei glepo ka nauthoglu igne nate tapla fapari ghami ba fahui ghami ghotilo.