Eksodas 5:8 - Buka Blahi Ka Cheke Holo

⁸ Eghuteuna ghotilo cheke faheta ka mare, eigna mare mala edi jateula naba te sughu edi thedi mare tifa ra eghu. Mare theome mala kmoꞌe ka naba brik! Naiknore igre thodo fara! Naugna igne te mei tanhi mare ka iara igne, ‘Snakre ghami ghehati mala tei fafara ka nomi God.’

Eksodas 5:8 Iomraidhean Croise

Nodi Khoje Hatimare Mae Jiu 106:41

Mana ne lisa laodi ka khamedi naikno te bongihehere mala au ke paridi mae nodi naokare.

Eksodas 1:11

Aonu mae Ijep igre ne lilisei keha mae mala reireghidi nei huhurudi eghu maedi Israel mala loku jateula naikno sneka eghu. Mare eni igne mala thofno paradi mare. Ka puhi igne mare huhurudi mare mala loku ka phei namono biꞌo Pitom ghe Ramese, aheva king te lilisei gano nei keha glepo eghu tagna.

Eksodas 5:17

Nu king na ne cheke eghu ka mare, “Ghotilo naikno thodo! Ghotilo thodo loku kolho! Naugna igne te mei tore eghu ghotilo ka iara gne, ‘Iagho snakre ghami ghehati mala tei fafara ka Lord.’

Eksodas 5:19

Kate cheke king ka mare te mala eꞌei naba brik jateula tifa ra teuna, mae greireghi igre nomhi glani te puhi biꞌo na thokedi mare.

Eksodas 5:7

“Gognarona ghotilo thosei snakre lao buburu moja mala eꞌei brik ka naiknore. Ghotilo mala huhurudi mare mala tei hirodi thedi buburu moja igre.

Eksodas 5:9

Ghotilo huhurudi mae igre mala loku heta fara. Jame te eghu na, mare ginauna loku mala theome fanomho ka nogna chaichaghi mae Moses are.”