Eksodas 5:2 - Buka Blahi Ka Cheke Holo

² Nu king igne ne cheke eghu, “Ihei Lord na mala leghuni iara mana? Iara theome laseni mana, eghume iara ginauna theome tangomana nate snakre ghami te tei ghotilo na!”

Eksodas 5:2 Iomraidhean Croise

Fapea Kings 18:35

Theo kaisei nodi god kantri igre te tangomana te fakarhidi mare ka iara na! Eghume, faꞌunha eghu tangomana Lord te fakarhini Jerusalem ka nogu nolaghi iara na?”

Fapea Kronikols 32:14

Ghotilo fariuriu ghathoni igne! Theo kaisei god aheva nga teke fakarhini ihei ka king di Asiria tifa ra. Eghume unha eghu ghathomi ghotilo na, nomi God ghotilo na ginauna fakarhi ghami ghotilo?

Fapea Kronikols 32:15

Ghotilo thosei snakreni Hesekaea mala chaghi ghami nei batu fadiꞌa ghami jateula tuana eghu! Ghotilo thosei fatutuani ni mana! Theo kaisei nodi god keha kantri are teke fakarhidi nodi naiknore ka nomi nolaghi ghehati na! Iara cheke fadoglo ari ka ghotilo, nomi God ghotilo na theome tangomana te fakarhi ghami ghotilo na!”

Fapea Kronikols 32:19

Mare cheke faparini nodi God naiknodi Jerusalem nafnata puhi te cheke faparidi nodi mumuju god keha kantri teke horo kolho ka khame naikno.

Nehemaea 9:10

Iagho neke edi fagaglana nei kofubobhoi biꞌo neke jaglo nodi naiknore. Ka puhi igne iagho neke tapla faparini king gna Ijep, baludi nogna mae biꞌo nei keha naikno gna kantri tuana. Naugna iagho lasedi naikno igre fahaehaghe fara, eghuteuna mare paradi fara nou naikno iagho re. Ka puhi igne, iagho fakakhana nou nolaghi na ka mare. Eghuteuna nanghamu iagho na fnakno klignalahu ghilei mei posa gognarogne.

Thoutonu Eigna Mae Job 15:25

Puhi biꞌo igre ginauna thokeni mana, naugna mana ne figri tagruni God mae ihei te au nolaghi fateote'o.

Thoutonu Eigna Mae Job 15:26

Uve, mae te diꞌa igne patu gama fara, eghume mana magra ka God.

Thoutonu Eigna Mae Job 21:15

Mare gaoghathodi na, mare theome tangomana te eni kaisei glepo ranghini God mae ihei te au nolaghi fateote'o. Eghuteuna mare gaoghatho dina, tharai gne glepo theo nafugna kolho.

Nodi Khoje Hatimare Mae Jiu 10:4

Mae te diꞌa igne mana tirogna ghatho tahuni God. Mana ne lalasehi thegna neu ne cheke eghu, “God na theome tangomana te lasedi nei nangadi teu puhi najafra teke edi iara re.”

Nodi Khoje Hatimare Mae Jiu 12:4

“Ghehati ginauna na chekedi unha te magnahaghedi themire, eghuteuna naiknore ginauna leghudi unha te chekedi ghehati re. Naugna foflomi gre thono heta fara. Theo ihei nga te fothi ghami na.”

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Nodi Khoje Hatimare Mae Jiu 14:1

Naikno te fameomekro na cheke eghu ka nagnafagna na, “Jare na theo kaisei God kolho.” Mae igne kaisei mae gnognoro fara kolho, mana ngala kaisei mae te mala eni u puhi te diꞌa na. Theo kaisei naikno te tangomana te mala eni unha puhi te keli na.

Eksodas 3:19

Nu iara lasenihi eigna king gna Ijep ginauna theome snakre ghami ghotilo te tei na, jame te theome huhuruni iara mana te mala eni igne.

Eksodas 7:17

Igne unha te chekeni Lord na: Iagho ginau na filodi unha nate edi iara re, aonu iagho ginau na laseni te iara ngala Lord na. Filo sagho, iara ginau na puphuri Khoꞌu biꞌo Nael gne ka khodo te louloku teu iara ao, eghuteuna u khoꞌu igne ginau na nake figri nake vuhai dadara.

Proveb 30:9

Glahu dedei fara iara ghatho ihoni Lord. Glahu kuma fara iara blau glepo, eghuteuna famamajani nanghagna nogu God iara na.

Profet Jeremaea 42:13

Profet ne cheke eghu, “Ghotilo maemi Juda te au teu ka namono igne ra! Famane fanomho fakeli ka cheke gna Lord igne! Glahu ghotilo tiromi leghuni Lord nomi God na, nei cheke eghu, ‘Ghehati ginauna tiromi au ka namono igne. Ghehati ginauna tei au Ijep. Ka namono tuana ghehati na theome magra, eghuteuna ghehati ginauna theome nomhidi naogladi khufli mala tei magra, eghuteuna ginauna theome rofo.’ Lord mae ihei te au nolaghi fateote'o, nei nodi God mae Israel teu igne ne cheke eghu, ‘Jame te cheke eghu ghotilo na, eghuteuna jame te maku fara ghotilo phaꞌumire, eghuteuna jame te magnahaghei tei au ghotilo Ijep na,

Profet Jeremaea 48:26

Lord ne cheke eghu, “Naiknodi Moab igre fahaehaghedi fara thedi ke klignagu iara Lord. Eghume, iara Lord ginauna paradi fara mare, mala jateula mae te koꞌu te salaꞌui te ghilei fameomekro te thuru pari ka gluꞌagna thegna ra eghu mare.

Profet Daniel 3:15

Kate nomhidi ghotilo naogladi khufli, nifu, gita, belo, sesele nei keha nafnata khoje teu igre na, ghotilo ginauna tarabana mala maimanihini mumuju gol teke eni iara igne. Jame te theo ghotilo na, iara ginauna chekedi nogu mae soldia gre mala koko lao ghami ke lamna khaꞌaghi te brana fara na. Eghuteuna theo kaisei god nate mei fakarhi ghami ghotilo na.”

Jone 16:3

Mare ginauna edi glepo igre ka ghotilo naugna mare theome lase ghami ghepa mae Mama.

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Jajis 2:10

Nu ke leghugna te lehe phagusu igne, iheire te gnafa teke kotu haghe ke leghudi mae igre neke theome ghatho tahuni Lord. Eghuteuna mare theome lasedi glepo biꞌo teke edi Lord ranghidi naiknodi Israel.

Ululahu Samuel 2:12

Phei thugna mae Pris Eli igre theome mae pris keli, eghuteuna phiamare theome ghatho tahuni Lord.

Ululahu Samuel 25:10

Nu mae Nabal ne cheke eghu ka mare, “Mae ihei si mae Devet gnea? Mae ihei si thugna Jesi gnea? Ginei na namono igne neke fodu ka naikno sneka. Kmana rikhani nodi funei na!