Eksodas 40:2 - Buka Blahi Ka Cheke Holo

² “Ka narane ulu lahu, ka nhigra ulu lahu gna keha finogha na, iagho ginauna fakegra haghe Suga Tapuale te Blahi mala Thafo ghau iara na.

Eksodas 40:2 Iomraidhean Croise

Ululahu Kronikols 17:5

Funu ka narane te hata fajifladi iara Ijep kuꞌemi ghotilo tifa ra, te ghilei mei posa gognarogne, iara neke theome au ka suga. Leuleghu fata na iara neke tei tafri baludi mare, eghuteuna iara neke au kolho ka suga tapuale.

Fapea Kronikols 29:3

Ka nhigra ululahu gna finogha ululahu te funei King Hesekaea igne, mana neke tothora grengatha gna nogna Sugablahi Lord na neke horo fakeli grengatha igre.

Eksodas 13:4

Ghotilo neke jifla Ijep ka narane gognaro gne ka nhigra ulu lahu te kiloi Abib.

Eksodas 19:1

Naiknodi Israel igre jifla Refidim ne tei. Eghuteuna ka narane ulu lahu ka fatilo nhigra ke leghugna teke jifla Ijep igne, mare mei ne posa ka namono nagou ka pesi Thogele Sanai. Aonu mare ne lisei haghe nodi suga tapuale re ka vido igne.

Eksodas 26:1

Lord ne cheke eghu ke mae Moses, “Iagho ginauna eni kaisei nogu Suga Tapuale te Blahi iara ka nabotho vido famane pohe brahu te vegha. Iagho valakasi ka ghajo blu, nei ghajo ngonge, nei ghajo ukru. Eghuteuna mae ihei te lase eni gloku igne, mana mala susuki kaisei thotoghale engel ka vido pohe igre.

Eksodas 26:30

“Igne puhi nate eni iagho kate kegra haghe suga tapuale igne thofno leghuni gaoghatho te chekeni iara ka iagho ke kligna thogele igne.

Eksodas 26:7

“Eghuteuna iagho ginauna mala ke edi nabotho kaisei vido pohe ka khakla nanigot mala toku tafru Suga Tapuale te Blahi igne.

Eksodas 27:21

Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”

Eksodas 30:36

Iagho atha katha vido ka insens igne, eghuteuna iagho ngunghuja ghilei vuhai paoda. Aonu, iagho atha tei lamna Suga Tapuale te Blahi mala thafo ghau iara, eghuteuna lisei lao ke kligna olta te au ke ulugna vido aheva te au Bokis Blahi te au Nhaꞌa Cheke tagna, aheva iara nate thafo nigho tagna na.

Eksodas 35:11

“Glepo igre: Suga Tapuale te Blahi baludi thotoku gna, nei peg gna, nei thaba baludi pesidi pari, nei thaba ka geridi, nei khegra gna baludi pesidi pari.

Eksodas 36:18

Mare edi glima fulu thagho ka bras mala loku fodu phei pohe biꞌo igre, mala jateula te kaisei eghu kolho phei pohe igre malagna suga tapuale igne.

Eksodas 40:1

Lord ne cheke eghu ka Moses,

Eksodas 40:6

“Eghuteuna iagho ginauna atha Olta mala Gahu Fafara na, mala nhaꞌa lao ke ulugna grengatha gna Suga Tapuale te Blahi te mala Thafo ghau iara.

Profet Esikiel 40:1

Ka fabotho narane ka nhigra ululahu ka varadaki glima finogha gna narane te huhuru ghami te mei au agne Babilonia na, Lord ne nhaꞌa mei ka iara nogna nolaghi na, eghuteuna mana hata ghau iara ne tei Jerusalem. Igre nabotho fati finogha ke leghugna te mei armi gna Babilonia te roꞌeni namono biꞌo Jerusalem.

Profet Esikiel 45:18

Lord God neke cheke eghu, “Iara Lord God te cheke eghu igne: Ka narane ululahu gna nhigra ululahu leuleghu finogha, ghotilo ginauna hata kaisei sua buluka te theo kaisei thubu ba thona ka thinigna na, mala fafara mei ka iara mala gae ka tathagu iara na nogu Sugablahi iara gne.

Naba 1:1

Ka fapea finogha ke leghugna te jifla Ijep, Lord neke cheke ka mae Moses ke lamnagna Suga Thapuale te Blahi na ka namono nagou Sanai. Ka narane ululahu ka fapea nhigra ka finogha tuana, Lord neke cheke eghu ka mae Moses,

Naba 7:1

Kate eni te gnafa mae Moses Suga Thapuale te blahi nogna Lord igne, mana ne atha oel te blahi na ne fablahi suga thapuale na baludi gobigna lepo te au lamna re, nei olta baludi bukrei glepo te au ka olta na.

Naba 9:1

Ke leghugna teke jifla mare Ijep ka ululahu nhigra gna fapea finogha na, Lord neke cheke eghu ka mae Moses ka namono nagou Sanai,

Naba 9:15

Ka teke lisu haghe mare suga thapuale gna nogna bokis blahi nhaꞌa cheke Lord na, kaisei gromno biꞌo nogna Lord ne mei toku tafruni suga thapuale na. Eghuteuna kate bongi na, mare ne filoni gromno igne ne agha jateula khaꞌaghi neu.