Eksodas 4:9 - Buka Blahi Ka Cheke Holo

⁹ Nu jame eni iagho fapea kofubobhoi igne, eghuteuna theome fatutuani nei theome fanomho ka nou cheke iagho re teuna, iagho ginauna hata katha khoꞌu ka Khoꞌu biꞌo Nael, eghuteuna tofa soru ka glose na. Khoꞌu igne ginauna vuhai dadara kate tofa soru iagho ka glose na.”

Eksodas 4:9 Iomraidhean Croise

Eksodas 1:22

Aonu king ne cheke faheta ka nogna naiknore, ne cheke eghu, “Jame kaisei gaꞌase Hibru karha kaisei thugna nalhaꞌu, ghotilo koko lao sua tuana ka Khoꞌu biꞌo Nael mala lehe, nu snakredi sua gaꞌase te gnafa re mala karhau.”

Eksodas 4:8

Lord ne cheke eghu ka Moses, “Jame te theome fatutuani nigho ba theome filo glanidi teu naiknore nou kofubobhoi eigna khodo igne, nei kate fakakhana iagho kofubobhoi eigna bakua igne teuna, mare ginauna fatutuani nei figri nagnafadi eghu.

Eksodas 7:17

Igne unha te chekeni Lord na: Iagho ginau na filodi unha nate edi iara re, aonu iagho ginau na laseni te iara ngala Lord na. Filo sagho, iara ginau na puphuri Khoꞌu biꞌo Nael gne ka khodo te louloku teu iara ao, eghuteuna u khoꞌu igne ginau na nake figri nake vuhai dadara.

Matiu 7:2

Unha puhi teke fateni ghotilo naikno tuana, God ginauna nake fate ghami la ghotilo ka puhi tuana. Unha vetula teke fateni ghotilo naikno na, God ginauna jaola nake fate ghami ghotilo kau vetula tuana.