Eksodas 3:6 - Buka Blahi Ka Cheke Holo

⁶ Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Eksodas 3:6 Iomraidhean Croise

Jenesis 12:1

Lord ne cheke eghu ka mae Ebram, “Ghema Ebram, jifla kokodi namonomu, kheramu, nei vikedi mae kmamu teu iagho igre mala tei ka kaisei namono aheva iara nate fatakle arini tamu na.

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Jenesis 17:3

Mae Ebram ne pogho soru pari, eghuteuna God ne cheke eghu ka mana,

Jenesis 24:12

Mae gloku na ne tarai ne cheke eghu, “Lord, iagho nogna God nogu mae funei iara Ebraham. Togho ghau iara mala tangomana iara te filoni kaisei gaꞌase te malagna thugna mana na gognaro gne, mala keli nogu gloku iara na ka tathagna nogu mae funei na.

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Jenesis 28:17

Mae Jekop ne mhaghu ne cheke eghu, “Iara mhaghu nogu ni fara vido igne. Naugna igne ngala thofno sugagna God na. Uve, igne ngala u grengathagna kligna na.”

Jenesis 31:42

Jame theome au balugu iara God mae ihei teke tufru soruni mae kuꞌe Ebraham ghe mae mama Isak tifa ra meuna, iagho jame neke fiti kuru fajifla ghau iara kolho. Nu God neke filo lasedi nogu gloku biꞌo nakmusa eghu teke edi iara ranghi nigho iagho ra neke cheke faheta ka iagho bongi ia.”

Jenesis 32:9

Mae Jekop pogho soru ne tarai eghu, “Iagho nogna God mae kuꞌe Ebraham nei nogna God mae mama Isak! Lord, iagho neke cheke ranghi ghau iara mala ke pulo ka namonogu nei vikegu teura, eghuteuna iagho neke cheke ka iara mala fablahi ghau iara neku.

Ululahu Kings 18:36

Eghuteuna fei grafi ka vido mala fafara na, profet Elija lao ka olta na ne tarai, “Lord, iagho nogna God mae Ebraham, nogna God mae Aesak nei nogna God mae Israel. Iagho falase mei gognarogne iagho te nomi God ghehati maemi Israel, eghuteuna iara gne nou mae gloku iagho, eghuteuna iara eni igne, naugna iagho neke cheke ranghi ghau iara.

Ululahu Kings 19:13

Kate nomhini profet Elija naogla igne, mana ne toku tafru tathagna nei foflogna teure ne jifla mei ne kegra ke ulugna gluma thina igne. Aonu mana ne nomhini Lord ne cheke eghu mei ka mana, “Ghema Elija, unha te mei eni iagho agne na?”

Nehemaea 9:9

“Eghuteuna kate au teku kuꞌemi ghehati Ijep ra, iagho neke filodi maedi Ijep gre neke paradi fara mare. Eghuteuna kate jifla mare Ijep te tei ka Thongna Ukru na iagho neke nomhidi mare neke tanhi ka iagho mala toghodi.

Nogna Buka Esta 3:4

Mare chekeni koba ka mae Modikae igne leuleghu narane. Kate theome fanomho mana ka mare na, mare ne cheke ka mae Haman eigna igne. Mare magnahaghei te filoni glahu kelitagna mae Haman ka puhi te eni mae Modikae igne, naugna te chekeni mae Modikae ka mare na mana kaisei mae Jiu.

Nodi Khoje Hatimare Mae Jiu 132:2

Lord God, iagho nogna God mae Jekop, nolaghi te gnafa gre nou iagho. Ghathodi sagho u nhaꞌa cheke teke edi mae Devet ka iagho ra.

Eksodas 15:2

“Iara koje mala fafnaknoni nanghagna Lord, eigna mana ne tusu mei nanheta ka iara. Mana neke atha fapulo ghau iara, eghuteuna iara magnahaghei te pala hagheni nanghagna mana na. Mana na nogu God iara, mae ihei teke pogho soruni mae kuꞌegu iara ra.

Eksodas 29:45

Iara ginauna au baludi naiknodi Israel mala nodi God mare fabrahu.

Eksodas 3:16

“Iagho tei kilodi mae mala baubatu ka naiknodi Israel mala kafe mei, eghuteuna iagho cheke eghu ka mare: Lord, nogna God Ebraham, Isak, nei Jekop, nei keha kuꞌeda tahati tifa ra, mana neke mei ka iara, mala cheke eghu ka ghotilo, ‘Iara Lord neke taji ghami ghotilo, eghuteuna iara la filodihi puhi te diꞌa te edi naiknodi Ijep ka ghotilo ra.

Eksodas 33:20

Nu iara theome tangomana te snakreni ka iagho te filoni tathagu nei foflogu teu iara na, naugna theome tangomana kaisei naikno te filo ghau iara na, jame te eghu na, mana ginauna lehe.

Eksodas 4:5

Lord ne cheke eghu ka Moses, “Jame te eni iagho glepo igne ka tathadi naiknore, mare ginauna fatutuani te mei iara ka iagho na. Eghuteuna mare mala lase ghau iara nodi God kuꞌemi ghotilo ra, iara nogna God Ebraham, Isak nei Jekop.”

Profet Jeremaea 24:7

Iara ginauna nhaꞌa lao gaoghatho te keli ka mare, mala tangomana mare te lase ghau iara Lord. Eghuteuna mare ginauna nogu naikno iara, eghuteuna iara nodi God mare, naugna mare ginauna nake pulo mei ka iara balu thofno gaoghathodi.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Profet Jeremaea 32:38

Ka narane tuana mare mala nogu naikno iara, eghuteuna iara mala nodi God mare.

Profet Esikiel 11:20

Uve, mare ginauna tangomana te leghudi nogu vetula iara re, eghuteuna faꞌuvedi nogu cheke iara re. Eghuteuna mare ginauna nogu naikno iara, eghuteuna iara nomi God mare.

Profet Sekaraea 8:8

Iara nake atha fapulodi Jerusalem. Mare ginauna nogu naikno iara, eghuteuna iara ginauna nodi God mare. Eghuteuna iara ginauna ghatho tahudi fabrahu, eghuteuna funei frunidi ka puhi te doglo.”

Matiu 17:6

Kate nomhini thilo mae fanomhore cheke igne, thilomare mhaghu fara ne pogho soru pari.

Matiu 22:32

‘Iara nogna God mae Ebraham, nogna God mae Isak, nei nogna God mae Jekop.’ Eghume, neuba naikno igre neke lehehi tifa, God neke chekeni ka mae Moses na mare karhau ngala. Naugna jame theome karha mare meuna, God jame theome neke chekeni ‘Iara nogna God mae Ebraham, nogna God mae Isak, nei nogna God mae Jekop.’ Tutuani, God igne theome nodi God naikno te lehe, nu nodi God naikno te karha kolho.”

Nonomho Te Keli Teke Risoi Mae Mak 12:26

Tutuani fara ghotilo la iu'ijunihi unha God teke chekeni eigna naikno te karha fapulo ia. Ka buka teke rioriso mae Moses eigna te gnubra kaisei gaju ikoi na ia, God neke cheke eghu ka mae Moses, ‘Iara nogna God mae Ebraham, nogna God mae Isak nei nogna God mae Jekop.’

Luku 20:37

Mae Moses neke thofno cheke thakle nihi eigna naikno te lehe na nake karha fapulo. Kau thoutonu eigna te gnubra gaju ikoi ia, mae Moses neke cheke eghu, ‘God gne nogna God mae Ebraham, nogna God mae Isak, nei nogna God mae Jekop.’

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Mae Khuru 7:32

God ne cheke eghu, ‘Iara nodi God mae ku'emu ra. Nogna God mae Ebraham nei nogna God mae Isak nei nogna God mae Jekop.’ Mae Moses ne fififri balu mhaghu ne tirogna filo lao ka khaꞌaghi na.

Mae Khuru 7:34

Fanomho ka iara. Iara la filodihi nogu naikno te au papara ka namono Ijep ia. Iara nomhidihi nodi natanhire. Iara na soru mala fakarhidi. Eghume gognaro na, ghema Moses, iara nake kuru fapulo nigho Ijep.’

Diutronomi 6:3

Eghume, ghotilo Israel, ghotilo fanomho fakeli ka vetula igre, eghuteuna famane leghu fakelidi. Jame te eghu ghotilo na, ghotilo ginauna au fakeli, eghuteuna ghotilo ginauna na vuragha ka famane glose igne, jateula Lord nodi God kuꞌemi ghotilo teke nhaꞌa cheke ka ghotilo ra.

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Hibru 12:21

Tutuani fara, kate filodi glepo igre, mare ne mhaghu nodi fara. Tulao mae Moses mhaghu ne cheke eghu, “Iara mhaghu nogu ne fififri fara.”

Thakle 1:17

Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Jajis 13:22

Manoa mhaghu nogna fara ne cheke eghu ka khetogna na, “Tapa ginauna lehe, naugna tapa la filoni God!”