Eksodas 3:4 - Buka Blahi Ka Cheke Holo

⁴ Lord filoni te mei namo mae Moses, eghuteuna Lord ne kiloni mae Moses fari hoteigna khaꞌaghi igne, ne cheke eghu, “Moses! Moses!” Eghuteuna Moses ne cheke eghu, “Iara au teu ao.”

Eksodas 3:4 Iomraidhean Croise

Jenesis 22:1

Ke leghugna igne God neke fariuriuni mae Ebraham. Kaisei narane God kiloni mae Ebraham ne cheke eghu ka mana, “Ebraham.” Mae Ebraham ne cheke eghu, “Iara au teu ao Lord.”

Jenesis 22:11

Nu engel nogna Lord na au neu kligna ne eha eghu ka mana, “Ebraham! Ebraham!” Mae Ebraham ne cheke eghu, “Iara au teu ao Lord.”

Jenesis 28:16

Aonu mae Jekop ne dofra haghe ne cheke eghu, “Iara theome laseni te au teu Lord ka vido igne na! Tutuani fara, Lord na au ngala agne balugu iara.”

Jenesis 46:2

Ka bongi tuana God ne thakle ka mana ne cheke eghu, “Jekop, Jekop!” Mae Jekop ne cheke eghu ka mana, “Iara au teu ao Lord.”

Nodi Khoje Hatimare Mae Jiu 62:11

Kmana fata iara nomhi ni God na cheke eghu, “Iara God, iara au nogu nolaghi biꞌo. Eghuteuna iara namhadi fara nogu naiknore.” Lord, iagho ngala te tangomana te taba ghami ghehati te gnafa na, eidi gloku teke edi ghehati na.

Eksodas 19:3

Mae Moses ne haghe ka thogele igne mala cheke balugna God. Aonu Lord ne cheke eghu ka mana, “Igne nogu cheke iara na mala tei cheke iagho ka naiknodi Israel vikegna mae Jekop ra.

Eksodas 3:2

Jare engel nogna Lord na ne thakle mei ke lamnagna khaꞌaghi te deudeplu teu ka kaisei gaju ikoi. Eghuteuna Moses ne jaglo nogna fara te filoni khaꞌaghi te deudeplu ka gaju igne, nu theome gnhubra kolho khaklagna re teu igne.

Eksodas 33:12

Moses ne cheke eghu ka Lord, “Iagho neke chekehi ka iara mala batudi naiknore mala tei ka glose teke nhaꞌa chekehi iagho ia, nu iagho neke theome chekeni ka iara ihei nate tei balugu iara na. Iagho neke chekehi iagho te lase ghau fara iara na, eghuteuna iagho jaola keli tamu ka iara.

Eksodas 4:5

Lord ne cheke eghu ka Moses, “Jame te eni iagho glepo igne ka tathadi naiknore, mare ginauna fatutuani te mei iara ka iagho na. Eghuteuna mare mala lase ghau iara nodi God kuꞌemi ghotilo ra, iara nogna God Ebraham, Isak nei Jekop.”

Levitikas 1:1

Lord au neu ka Suga tapuale te Blahi aheva mare te mala thafoni mana na ne ehani mae Moses.

Mae Khuru 10:13

Mae Pita ne nomhini kaisei naogla ne cheke eghu, “Ghema Pita, kegra haghe mala falelehe glepo are mala ima.”

Mae Khuru 10:3

Kaisei narane naba tanhi thiloi fei grafi, mae Konilias ne thofno filo tathagna kaisei engel nogna God ka mifi na. Engel na ne mei ka suga na ne cheke eghu ka mana, “Ghema Konilias!”

Mae Khuru 9:4

Mae Sol ne khoko soru pari ne nomhini kaisei naogla ne cheke eghu ka mana, “Sol, Sol! Naugna unha sagho te para ghau iara gnea?”

Diutronomi 33:16

Snakredi nohi ghotilo are mala kafe fodu ka glepo te keli. Snakreni Lord, God mae ihei te au ke lamna khaꞌaghi te nhako kaisei gaju ikoi igne, mana keli fara ka ghotilo. Iara magnahaghedi fablahi te gnafa igre mala mei ka ghotilo vikegna mae Josep mae ihei te mae biꞌo ka mae thabusigna mana re.

Ululahu Samuel 3:10

Eghuteuna ke leghugna igne, Lord neke pulo mei neke kegra ka vido igne neke kiloni mana jateula teke ululahu ia neu ne cheke eghu, “Samuel, Samuel.” Eghuteuna mae Samuel ne cheke eghu, “Cheke mei sagho Lord, iara nou mae gloku iagho, iara fanomho kobau ka iagho.”

Ululahu Samuel 3:4

Lord ne kiloni mae Samuel. Aonu mae Samuel ne cheke eghu, “Uve! Iara au teu ao!”

Ululahu Samuel 3:6

Ke leghugna igne, Lord neke fapea kiloni mae Samuel. Nu mana theome laseni Lord ne kiloni mana teuna, naugna Lord neke theome cheke balugna mana tifa na. Mana kegra haghe ne tei filoni mae Eli ne cheke eghu ka mana, “Iagho kilo ghau iara, tela mei iara ao.” Nu mae Eli ne cheke eghu ka mana, “Mae sitei, iara theome kilo nigho iagho. Ke pulo thuru sagho.”

Ululahu Samuel 3:8

Lord ne fatilo fata kiloni mae Samuel. Aonu mana kegra haghe ne tei filoni mae Eli ne cheke eghu, “Iagho kilo ghau iara, tela mei iara ao.” Aonu mae Eli laseni, Lord ngala te kiloni mae Samuel igne.