Eksodas 27:9 - Buka Blahi Ka Cheke Holo

⁹ Lord ne cheke eghu, “Mare na eni kaisei bara malagna glalaba te lithui ka Suga Tapuale te Blahi. Mare na susuki kaisei pohe brahu ka famane pohe vegha, mala fagegefe ka bara igne lithuini glalaba igne. Ke mata gna bara igne, brahu gna pohe igne thokeni phiatutu glima mita.

Eksodas 27:9 Iomraidhean Croise

Ululahu Kings 6:36

Aonu ke kosi gna Sugablahi igne au kaisei glalaba ikoi falithui. Eghuteuna ka gringni te falithuni vido igne, mare eni lilisei thaba ke kligna gna fatilo thura thina na.

Ululahu Kings 8:64

Ka narane igne King Solomon ne fablahi glalaba ke ulugna Sugablahi na, naugna olta teke horo mare ka bras igne ikoi fara, theome naba te kafe gahu fafara igre tagna na. Eghume ka vido igne te gahu te krono mare fafara na, fafara wit nei fafara garofa teu te mala au ka pharikeli balugna Lord.

Fapea Kronikols 4:9

Eghuteuna mare eni kaisei glalaba biꞌo te titili ka thina ke kosigna Sugablahi na. Glalaba igne maladi mae pris kolho. Eghuteuna mare ringni lithui ka thina glalaba biꞌo ke kosigna Sugablahi igne. Grengatha te mala tei ka phei glalaba igre mare toku tafru ka bras.

Nodi Khoje Hatimare Mae Jiu 100:4

Ghotilo tei! Ruma ka nogna Sugablahi mana na mala cheke fakelini mana. Uve, tahati cheke fakelini nei tegioni eghu mana.

Nodi Khoje Hatimare Mae Jiu 84:10

Nogu God, jame te au kolho iara kaisei narane ka nou Sugablahi iagho na, tuana thofno keli fara salaꞌu jame te au iara nabagna kaisei thogha narane ka keha vido delei na. Neubane khogla kegra kolho iara ka grengathagna nou Sugablahi iagho na tuana keli fara salaꞌu jame te au iara ke lamnagna nodi suga iheire te gnognoro re.

Nodi Khoje Hatimare Mae Jiu 92:13

Uve, mare ginau au fabrahu ka nogna Sugablahi Lord. Eghuteuna mare ginau kegra maku fabrahu jateula gaju te karha ka famane glose te kelira eghu.

Eksodas 27:10

Eghuteuna au varadaki khegra baludi varadaki bras pesi mala kegra haghe tagna. Mare fagefe haghe pohe brahu igne ka thagho teke horo ka silva igre.

Eksodas 35:17

Eghuteuna pohegna bara malagna glalaba te ligohoni Suga Tapuale te Blahi baludi khegradi bara igre nei pesidire, nei pohe te mala fofotho gna grengatha gna bara igne.

Eksodas 36:17

Eghuteuna mare edi glimafulu ring ka kaisei pohe mala lilisei ka khukrugna pohe biꞌo igne, eghuteuna ke edi glimafulu ring mala lilisei ka khukrugna keha pohe biꞌo na.

Eksodas 39:40

Pohe mala bara lithuini Suga Tapuale te Blahi igne nei khegra nei pesidi re, nei pohe te mala bobotho gna grengatha gna bara igne, nei gnarho gna Suga Tapuale te Blahi nei bara gna na, nei glepo teke tuge soru mare lamna glose te mala haru gnarho gna Suga tapuale igne. Keha glepoi te mala edi ka Suga Tapuale te Blahi mala Thafoni God.

Eksodas 40:33

Mana fakegra haghe bara igne, eghuteuna mana fagefe haghe pohe brahu na ne lithui ka glalaba gna Suga Tapuale te Blahi igne nei Olta, eghuteuna mana fagefe haghe pohe biꞌo mala bobotho gna grengatha igne. Ka puhi igne, Moses ne loku fahui gloku te gnafa ka Suga Tapuale te Blahi igne.

Eksodas 40:8

Eghuteuna iagho fakegra haghe bara balu pohe brahu falithuini glalaba gna Suga Tapuale te Blahi na, eghuteuna fagefe haghe pohe biꞌo mala bobotho gna grengatha na.

Profet Esikiel 40:14

Aonu mae igne ne fafaja haghedi phei philedi grengatha te au farihoteidi varanda ghe glalaba ke ulugna Sugablahi na. Igne ne thokeni tolufulu mita. Eghuteuna igne sugagna grengatha baludi nodi chogho nei varanda eghu mae te reireghi igre, igne au ke lamnagna glalaba ke ulugna Sugablahi na, eghuteuna glalaba igne faligohoni suga igne ka thilo vido tagna.

Profet Esikiel 40:17

Aonu mae igne batu ghau iara ne tei lamna ka glalaba biꞌo ke kosigna Sugablahi na. Mare horo tolufulu chogho ke lamna, ke leghu na gringni biꞌo te au falithuini glalaba biꞌo tuana. Ke uludi chogho igre nei falithuini glalaba biꞌo igne teuna, mare lilisei thina tataba mala tapla mala tangomana naiknore te nolo tagna na.

Profet Esikiel 40:20

Mana ne fafaja brahugna nei krepagna teu grengatha ke raru te mala tei lamna ka glalaba biꞌo igne.

Profet Esikiel 40:23

Kaisei grengatha au ka kaisei phile ka glalaba biꞌo igne, figri tei ke raru, thofno jateula keha phile te figri tei ke maghati igne eghu. Mae tuana ne fafaja glalaba biꞌo igne, funu ka grengatha te mala tei kosi na tei thokeni grengatha te mala tei lamna ka glalaba ikoi ka suga na, igne thokeni glimafulu mita.

Profet Esikiel 40:28

Mae igne ne hata ghau iara ka sugagna grengatha ke mata igne ne tei lamna ka glalaba ikoi te au ka Sugablahi tuana. Mana ne fafaja grengatha igne, mala kaisei nanaba ngala jateula keha grengatha ra eghu.

Profet Esikiel 40:32

Aonu mae igne hata ghau iara ka sugagna grengatha fei ke maghati igne, ne tei lamna ka glalaba ikoi te au rhegna Sugablahi tuana. Mana ne fafaja grengatha igne, eghuteuna kaisei nanaba kolho jateula keha grengatha ra eghu.

Profet Esikiel 40:44

Mae igne hata ghau iara ne tei ka sugagna grengatha na mala tei lamna ka glalaba ikoi te au rhegna Sugablahi na, eghuteuna iara ne filodi phei chogho aheva grengathadi re figri tei fei glalaba ikoi igne. Kaisei chogho au rhegna sugagna grengatha ke raru na, eghuteuna figri tei ke mata, eghuteuna keha te au rhegna sugagna grengatha ke maghati na, eghuteuna figri tei ke raru.

Profet Esikiel 42:3

Kaisei phile ka suga igne figri tei ka glalaba ikoi igne lamna, eghuteuna krepagna glalaba igne tei posani gringnigna nogna Sugablahi God na nabotho mita. Keha philegna suga igne figri tei ka glalaba biꞌo te lalaoni mare nabrougna na ka thina mala tangomana naiknore nolo tagna na. Suga igne au thilo stori, eghuteuna au varanda ikodi tadi.

Naba 3:26

Eghuteuna mare jaola mala reireghi bara te au faligohoni vido glalaba gna Sugablahi nei olta teure, nei pohe nei phukri teu gna bara na, nei pohe te mala fofothogna grengathagna vido glalaba na. Eghume tuare nodi gloku te mala edi mare re.

Naba 4:26

eghuteuna pohe nei gnarho mala bara faligohoni suga thapuale nei olta, eghuteuna pohe biꞌo mala fofothogna grengatha gna vido tuana, nei keha glepo langau eghu. Eghume glepo tugre te mala edi nei reireghidi teu mae ka vikegna mae Geson re.

Naba 4:32

Eghuteuna mare jaola mala pala khegra gna bara te au faligohoni vido suga thapuale gne, baludi keha phesi khegra, keha gnarho nei keha glepo langau mala famaku gna bara na, eghuteuna tothoghei tul mala loku re eghu.