Eksodas 27:2 - Buka Blahi Ka Cheke Holo

² Mare na edi fati glepo te jateula hona buluka te fakegra haghe ka fati phile gna olta na mala kaisei thongana kolho ka olta igne. Eghuteuna mare na ghiha tafru olta igne ka bras.

Eksodas 27:2 Iomraidhean Croise

Ululahu Kings 1:50

Mae Adonaeja jaola ne mhaghuni mae Solomon. Aonu mana tei ka Suga Tapuale te Blahi na ne loku ka olta na.

Ululahu Kings 2:28

Kate nomhini mae Joab eigna igne mana ne mhaghu nogna fara. Naugna mana laseni, neuba mana neke theome phile balugna mae Absalom tifa, nu mana neke phile ka mae Adonaeja. Aonu mana rikha ne tei ka Suga Tapuale te Blahi na ne tei loku ka olta na mala theome faleheni mare.

Ululahu Kings 8:64

Ka narane igne King Solomon ne fablahi glalaba ke ulugna Sugablahi na, naugna olta teke horo mare ka bras igne ikoi fara, theome naba te kafe gahu fafara igre tagna na. Eghume ka vido igne te gahu te krono mare fafara na, fafara wit nei fafara garofa teu te mala au ka pharikeli balugna Lord.

Fapea Kings 16:14

Mana tuthugha olta tiatifa teke horo ka bras igne ne tei au ke ulugna Sugablahi na. Tifa na olta igne neke au farihoteidi olta majaghani ghe Sugablahi, nu king ne tuthugha olta tiatifa igne ne tei au ke raru gna olta majaghani na.

Fapea Kronikols 4:1

Mare horo kaisei olta ka bras. Brahudi fati khukrugna olta igne, nheva mita. Eghuteuna haghegna na fati mita vidogna.

Nodi Khoje Hatimare Mae Jiu 118:27

Lord kolho ngala God te tutuani na, nei mana keli fara ranghi ghita. Eghuteuna ka narane te biꞌo igne ghotilo louloku grege gaju mala tei falithuini olta na.

Eksodas 27:3

Eghuteuna mare na ei baket mala nanhaꞌa nakrofu. Eghuteuna edi sevol ikodi, nei dis, nei foke nei baket mala lilisei sisibe ngaja ba nakrofu khaꞌaghi te ngaja teu. Gobigna lepo igre mare edi ka bras.

Eksodas 29:12

Iagho atha katha dadara, eghuteuna nhaꞌa lao geghesumu na lamna, eghuteuna ghiha ka fati khukrugna olta na. Eghuteuna iagho atha dadara te au teu igne mala tofa ka pesigna olta igne.

Eksodas 38:30

Mare neke atha bras igre mala edi pesidi khegra igre maladi pohe te mala bobotho grengatha gna Suga Tapuale te Blahi na, nei mala eni Olta mala Gahu Fafara nei kharaꞌo biꞌo teke hohoro ka bras, eghuteuna gobigna lepo teke edi mare ka Olta igne.

Profet Esikiel 43:15

eghuteuna haghegna na phei mita. Vido kligna igne vido mala gahu fafara. Eghuteuna au fati glepo te jateula hona buluka teu ka fati khukru kligna ka olta igne kolho.

Levitikas 16:18

“Eghuteuna ke leghu, Eron ginauna mala hata tei keha dadara buluka nei nanigot eghu mala lilisei ka Olta mala Gahu Fafara mala jaola klino mana. Mana mala lilisei dadara igre ka fati hona gna olta na,

Levitikas 4:18

Eghuteuna mana ghiha keha dadara ka fati honagna olta te mala gahu insens na. Eghuteuna dadara teke salaꞌui tekuna, mana ne totofa ka pesigna olta te mala gahu fafara te au rhegna grengathagna Suga Tapuale te Blahi na.

Levitikas 4:25

Aonu mae pris ginauna tihi lao geghesugna na ka dadara igne eghuteuna ghiha ka fati honagna olta na. Eghuteuna mana totofa vido dadara igne ka pesigna olta na.

Levitikas 4:7

Eghuteuna mana ghiha keha dadara ka fati honagna olta te mala gahu insens na. Eghuteuna dadara teke salaꞌui tekuna, mana ne totofa ka pesigna olta te mala gahu fafara te au rhegna grengathagna Suga Tapuale te Blahi na.

Levitikas 8:15

Mae Moses aknu falehe buluka nalhaꞌugna igne. Aonu mana ne tihi lao geghesugna na ka dadara na ne ghiha ka fati honagna olta na. Eghuteuna mana atha vido dadara teke au tekuna ne tofa soru ka pesigna olta na. Ka puhi igne mana ne faklinoni olta igne ka tathagna Lord.

Profet Sekaraea 9:15

Lord mae ihei te au nolaghi fateote'o igne, mana ginauna reireghi nogna naiknore jateula kaisei greoreo eghu. Nogu naikno iara re ginauna falehedi nei uludi eghu nodi naoka te piri kuava ka mare re. Kate uluni magra na, mare ginauna eha fabiꞌo jateula mae te koꞌu waen te thaviru ra eghu kate ghamu nei koꞌu teu mare na. Mare ginauna boho fara, jateula dis te fodu ka dadara mala fafara te mala tofa ka olta ra neu.

Naba 3:31

Nodi gloku mare na mala reireghini nogna Bokis Nhaꞌa Cheke Lord balugna tevo mala lisei bret blahi na, nei kaisei nafnata frem mala nhaꞌa juta nei phei olta re eghu, eghuteuna keha glepo teke loku mae pris ka suga thapuale na eghu, eghuteuna pohe biꞌo mala fofothogna chogho te blahi na. Eghume gloku igre na lisa lao ka khamedi mare.

Hibru 6:18

Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.