Eksodas 27:16 - Buka Blahi Ka Cheke Holo

¹⁶ “Eghuteuna mare na eni kaisei pohe mala bobotho grengatha gna glalaba igne. Brahu gna pohe igne na thokeni nheva mita. Mare na eni ka famane pohe vegha, eghuteuna susuki thotoghale tagna ka ghajo blu, nei ngonge, nei ukru. Eghuteuna au fati khegra baludi fati pesidi te mala kegra haghe di re.

Eksodas 27:16 Iomraidhean Croise

Nodi Khoje Hatimare Mae Jiu 45:14

Nogna pohe naꞌa igne valakasi ka kmana nafnata kala. Gognaro na mare tathaleini naꞌa tei ka mae king. Eghuteuna kheragna gaꞌase naꞌa re, reꞌe tei ke leghugna naꞌa.

Eksodas 26:31

“Mare na susuki kaisei pohe biꞌoi. Mae iheire te lase edi re, mare atha famane pohe vegha, nei ghajo blu, nei ghajo ngonge, nei ghajo ukru, aonu mare na susuki thotoghale di engel ka pohe biꞌo igne.

Eksodas 26:36

“Mare na enila kaisei pohe biꞌo ka famane pohe vegha, eghuteuna mare susuki thotoghale tagna, ka ghajo te blu, nei ka ghajo te ngonge, nei ka ghajo te ukru. Pohe biꞌo igne mala fofotho ke ulugna suga tapuale igne.

Eksodas 27:17

Mare na atha silva mala ei reil te mala loku haghedi khegra ka bara igne. Eghuteuna mare atha silva mala ei thagho mala fagefe haghe pohe brahu igne. Eghuteuna mare edi pesidi re ka bras. Glalaba igne mala thokei phia tutu glima mita, nei krepa gna thokeni varadaki phei mita glima fulu sentemita. Haghe gna bara te lithuini thokeni phei mita varadaki glima sentemita. Iagho atha thofno pohe vegha te keli fara malagna bara igne.

Eksodas 28:39

“Mare na jaola susuki pohe brahu malagna Eron ka famane pohe vegha. Eghuteuna atha famane pohe vegha mala susuki nogna khepi Eron. Mare na jaola edi nogna nhugha mana ka famane pohe vegha eghuteuna susuki tothoghale tagna mala lalaoni.

Eksodas 36:37

Mare neke enila kaisei pohe biꞌo ka famane pohe vegha, eghuteuna mare susuki thotoghale tagna, ka ghajo te blu, nei ngonge, nei ukru. Pohe biꞌo igne mala fofotho ke ulugna suga tapuale igne.

Eksodas 39:29

Mare jaola edi nodi nhugha mare ka famane pohe vegha, eghuteuna mare jaola susuki thotoghale ka ghajo blu, nei ngonge, nei ukru. Gobigna lepo igre, mare edi thofno leghuni unha teke chekeni Lord ka Moses.

Naba 3:26

Eghuteuna mare jaola mala reireghi bara te au faligohoni vido glalaba gna Sugablahi nei olta teure, nei pohe nei phukri teu gna bara na, nei pohe te mala fofothogna grengathagna vido glalaba na. Eghume tuare nodi gloku te mala edi mare re.