Eksodas 27:1 - Buka Blahi Ka Cheke Holo

¹ Lord ne cheke eghu ka mae Moses, “Iagho ginauna eni kaisei olta ka thaba gaju akesia. Olta igne kaisei nanaba kolho, brahu gna nei krepa gna teuna thokeni phei gobi varadaki glima sentemita, eghuteuna haghe gna na thokeni kaisei gobi tolufulu glima sentemita.

Eksodas 27:1 Iomraidhean Croise

Fapea Samuel 24:18

Jaola ka narane igne, mae profet Gad tei ne filoni mae Devet, ne cheke eghu ka mana, “Iagho tei ka nogna vido mala koko khune wit mae Arauna ia, vikegna mae Jebus igne mala eni kaisei nogna olta Lord.”

Fapea Kings 16:14

Mana tuthugha olta tiatifa teke horo ka bras igne ne tei au ke ulugna Sugablahi na. Tifa na olta igne neke au farihoteidi olta majaghani ghe Sugablahi, nu king ne tuthugha olta tiatifa igne ne tei au ke raru gna olta majaghani na.

Ululahu Kronikols 6:49

Mae Eron baludi goro thugna mana igre ngala te tangomana te mala gahu insens nei gahu fafara teu ke kligna olta na. Mae igre ngala te au nodi nolaghi te mala loku ke lamnagna Chogho te Blahi fara na. Eghuteuna mare fafara mala hata fadelei nakhibodi naiknodi Israel. Mare edi glepo igre thofno leghuni unha te chekeni mae Moses, nogna mae gloku God.

Fapea Kronikols 4:1

Mare horo kaisei olta ka bras. Brahudi fati khukrugna olta igne, nheva mita. Eghuteuna haghegna na fati mita vidogna.

Esra 3:2

Aonu pris biꞌo Jesua, thugna Jehosadak, nei keha mae pris nei mae Serubabel, thugna mae Sealtiel baludi kheragna mana re, mare neke horo fapulo nogna olta God gna Israel, mala tangomana mare teke gahu fafara tagna. Igne thofno leghuni unha te au ka nogna Vetula mae Moses, nogna mae gloku God.

Eksodas 17:15

Kate cheke te gnafa Lord na, mae Moses ne titili kaisei olta mala fafara. Mana ne kiloni olta igne, “Lord na jateula nogu greoreo eghu iara naugna mana neke togho ghau iara neke uludi nogu naoka re.”

Eksodas 24:4

Mae Moses ne rioriso soru ka kaisei buka nogna vetula Lord igre. Hamerane boibongi ka keha narane na, mae Moses neke soru ka naikno te au teu ka pesigna thogele na ne babana kaisei olta mala fafara. Mana ne fakegra haghe nabotho phei thina rhegna olta na ranghidi nabotho phei vikegna Israel.

Eksodas 31:9

nei olta mala gahu fafara baludi gobigna lepo re, nei dis teke horo ka bras balu pesigna.

Eksodas 35:16

Eghuteuna Olta te mala Gahu Fafara balu glepo jateula kaisei kharaꞌo eghu ka thagrugna na teke horo mare ka bras, nei phei gaju mala pala, nei keha glepo gnare. Eghuteuna Dis teke horo ka Bras balu pesigna.

Eksodas 39:39

Olta mala Gahu Fafara balu kharaꞌo teke hohoro mare ka bras, nei phei gaju mala pala, nei keha glepo gna re. Dis biꞌo teke horo ka bras balu pesi gna.

Eksodas 40:10

Eghuteuna iagho tofa lao katha oel blahi ka Olta mala Gahu Fafara, baludi gobigna lepo gnare, mala fakelidi eghuteuna olta igne ginauna thofno blahi fara.

Eksodas 40:29

Mana atha Olta mala Gahu Fafara na ne lilisei ke kosi ke ulugna gna grengatha gna Suga Tapuale te Blahi na. Eghuteuna mana ne gahu kaisei buluka ne fafara eghuteuna mana jaola ne gahu flaoa te ngigno balu oel, igne thofno leghuni unha teke chekeni Lord.

Eksodas 40:6

“Eghuteuna iagho ginauna atha Olta mala Gahu Fafara na, mala nhaꞌa lao ke ulugna grengatha gna Suga Tapuale te Blahi te mala Thafo ghau iara.

Naba 3:31

Nodi gloku mare na mala reireghini nogna Bokis Nhaꞌa Cheke Lord balugna tevo mala lisei bret blahi na, nei kaisei nafnata frem mala nhaꞌa juta nei phei olta re eghu, eghuteuna keha glepo teke loku mae pris ka suga thapuale na eghu, eghuteuna pohe biꞌo mala fofothogna chogho te blahi na. Eghume gloku igre na lisa lao ka khamedi mare.

Naba 4:13

“Eghuteuna ke atha koko thilomare nakrofu teke au ka olta na, eghuteuna ke toku lao olta na ka kaisei pohe ngonge.

Naba 4:14

Uve, thilomare ginau ke nanhaꞌa gobi lepo teke loku mare re ke kligna olta igne. Keha glepo mala eni khaꞌaghi, keha thagho, keha sevol mala dokha, nei keha dis mala lisei dadaradi sipu te fafara mare re. Thilomare ginauna ke atha kaisei guli vena mala toku thafru olta igne. Ke leghudi tuare, ke lisei lao nga thilomare phei gaju mala pala gna olta igne.

Hibru 13:10

Mae Kraes ne snakreni thegna jateula kaisei fafara malada tahati. Nu iheire te leghuni fabrahu nodi vetula hatimare mae Jiu eigna u fafara na, mare theo kaisei nodi nolaghi te mala hata kaisei glepo te keli ka nogna fafara mae Kraes.