Eksodas 26:3 - Buka Blahi Ka Cheke Holo

³ Iagho atha glima vido pohe igre mala susuki fodu mala kaisei pohe biꞌo kolho, eghuteuna iagho mala eni jateula tuana eghu ka keha glima vido pohe igre.

Eksodas 26:3 Iomraidhean Croise

Eksodas 26:2

Ghotilo edi nabotho vido pohe igre kaisei nanabadi, brahudire thokedi nabotho phei mita namno salei sentemita, eghuteuna krepadire mala thokedi kaisei gobi nhana salei sentemita.

Eksodas 26:4

Eghuteuna iagho mala edi ring ka pohe blu igre eghuteuna iagho lilisei ka khukrudi phei pohe biꞌo tuare.

Eksodas 26:9

Iagho atha glima vido pohe mala susuki fodu mala eni kaisei pohe biꞌo kolho, eghuteuna iagho eni igne mala nanaba ka keha namno vido pohe are. Eghuteuna iagho mala eni fafamno vido fapea pohe igne mala gefe soru ka katha vido, brahugna na nhevasalei sentemita ke ulugna suga tapuale igne.

Eksodas 36:10

Mare atha glima ka vido pohe igre ne susuki fodu mala kaisei pohe biꞌo, eghuteuna mare jateula igne neu ka keha glima vido pohe igre.

Jone 17:21

Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.

Ululahu Korin 12:4

Jare na soasopai nafnata khokofakasai, nu kaisei Tharunga te Blahi ngala teke tusu meidire eghu.

Efesus 4:16

Naugna Kraes te pha'ugna u thini na, sopagna vido te gnafa ka thini na famane loku fodu fakeli, te loku fodu baludi gnarho teke tusu mei Kraes. Soasopa vido ka thini na eni fakeli nogna gloku na. Eghuteuna gloku igre tangomana te toghoni thini tongana na te mala kotu nei heta balu namha.

Kolose 2:19

nei mare theome au heta ka mae Kraes. Mae Kraes pha'ugna khiloau na, eghuteuna khiloau na jateula thinigna mana eghu. Eghuteuna pha'u na tangomana te edi grerege te gnafare te mala kotu heta nei kaisei baludi nhubra ghe naula. Eghuteuna thinigna mae Kraes gne na kotu haghe ka puhi te magnahagheni God na eghu.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.