Eksodas 26:19 - Buka Blahi Ka Cheke Holo

¹⁹ Eghuteuna mare na edi phiatutu pesidi ka silva mala tangomana thaba igre te kegra haghe tadi. Thaba te gnafa igre au phei pesidi tagna, mala tangomana phei vido thaba ka khukru gna thaba igne te kegra haghe tadi. Thaba te gnafa te au phei pesi tagna igne mala tangomana phei thaba ka khukru gna thaba igne mala tei lamna ka phei pesidi re.

Eksodas 26:19 Iomraidhean Croise

Eksodas 26:17

Eghuteuna ka khukrudi thaba igre pari na, kafe au phei vido thaba mala soru pari lamna ka pesidire. Iagho mala kafe edi gnafa thaba gna suga tapuale igne ka nafnata puhi igne kolho.

Eksodas 26:18

Eghuteuna iagho mala edi varadaki thaba mala lilisei ke matagna suga tapuale igne.

Eksodas 26:20

Malagna ke rarugna suga tapuale igne, mare na edi keha varadaki thaba,

Eksodas 26:25

Aonu, mare na edi nhana thaba igre, eghuteuna edi nabotho namno pesi ka silva mala tangomana thaba igre te kegra haghe tadi.

Eksodas 26:37

Mare na edi glima khegra ka gaju akesia, eghuteuna mare lilisei thagho teke eni ka gol kligna kate mala fagegefe gna pohe biꞌo igne. Eghuteuna mare na toku tafru khegra igre balu gol, eghuteuna mare edi glima pesi ka bras maladi khegra igre.”

Eksodas 27:10

Eghuteuna au varadaki khegra baludi varadaki bras pesi mala kegra haghe tagna. Mare fagefe haghe pohe brahu igne ka thagho teke horo ka silva igre.

Eksodas 38:27

Mare atha thilo thogha, fati gobi kilo ka silva igre mala edi kaisei gobi pesidi thaba gna Suga Tapuale te Blahi igne, nei khegra te mala fagefe haghe pohe biꞌo te mala fofota gna chogho igne ka phei vido. Mare atha tolufulu fati kilo silva mala edi jateula pesidi igre eghu.

Eksodas 40:18

Ka narane tuana, mare ne lilisei pesidi re ka vido mala au dire, eghuteuna mare ne fakegra haghe thaba, eghuteuna lilisei thaba te mala loku famakudi re, eghuteuna jokra haghe khegradi re.

Famane Khoje 5:15

Phei ghahegna re jateula phei khegra teke horo mare ka famane thina vegha, eghuteuna pesidi phei khegra igre, mare neke horo ka gol. Kate filoni iara mana, iara ghathodi thogele te maku ra eghuteuna gaju sida brahu Lebanon.

Naba 3:36

Nodi gloku mare na te loku ka keha gloku te au ka Suga Thapuale te blahi igne te mala loku nei reireghidi teu mare re. Jateula keha vido thaba te brahu mala togho hagheni Suga Tapuale te blahi, nei keha glepo te au ke lamnagna Suga Tapuale te blahi igne. Eghume gobigna gloku igre lisa lao ka khamedi mare.