Eksodas 26:14 - Buka Blahi Ka Cheke Holo

¹⁴ Eghuteuna iagho mala susuki phei glepo mala toku tafru thagrugna suga tapuale igne, kaisei na eni ka guli sipu nalhaꞌugna te ukru, eghuteuna keha na, iagho eni ka guli vena.

Eksodas 26:14 Iomraidhean Croise

Nodi Khoje Hatimare Mae Jiu 27:5

Kate thoke mei puhi biꞌo ka iara na, mana ginauna pophoru ghau iara ka nogna suga na. Mana ginauna bobotho grengatha na mala pophoru fakeli ghau iara mala jateula te au teu iara ka phaꞌu thina biꞌo kligna ra eghu mala theome tangomana nogu naoka iara gre te mei te mala roꞌe ghau iara na.

Eksodas 25:5

nei guli sipu nalhaꞌugna te eni faꞌukru, guli vena, thaba gaju akesia,

Eksodas 26:13

Pohe biꞌo igne mala gefe soru tei posa ka glosero nabagna phiatutu glima sentemita salaꞌuni famane pohe vegha biꞌo tuana. Ka nafnata puhi igne tangomana te thofno toku thafruni suga tapuale igne.

Eksodas 35:23

Eghuteuna iheire te gnafa te au famane pohe vegha, nei pohe teke eni ka khakla nanigot, nei ghajo te blu, ba ngonge, ba ukru, ba guli sipu nalhaꞌu gna te ukru, ba famane guli vena, mare atha mei.

Eksodas 35:7

nei guli sipu nalhaꞌugna te eni faꞌukru mare, guli vena, thaba gaju akesia,

Eksodas 36:19

Eghuteuna mare susuki phei glepo biꞌo mala totoku kligna ka suga tapuale igne. Kaisei na, mare eni ka guli sipu te ukru, eghuteuna keha na, mare eni ka guli vena.

Eksodas 39:34

Eghuteuna tapuale biꞌo te thotoku gna teke eni mare ka guli sipu nalhaꞌu gna teke eni mare te ukru na, nei keha thotoku gna kligna teke eni mare ka guli vena. Eghuteuna pohe igne mala bobotho gna Thofno Chogho Blahi igne.

Profet Isaia 25:4

Lord, leuleghu fata kate thoke mei puhi biꞌo na, naikno te kuma baludi iheire te theo nodi nolaghi igre, ginauna rikha mei ka iagho mala poru. Iagho jateula vido keli mala poru eghu ka narane te thoke mei saeklon na, eghuteuna iagho jateula vido mala jemnu eghu kate brana naprai na, naugna iheire te paradi keha naikno igre, jateula nakhete biꞌo balu fila te soru mei ka nauthoglu ra eghu,

Profet Isaia 4:6

Nogna nolaghi biꞌo mana igne ginauna eni namono igne mala kaisei namono keli mala poru. Eghuteuna neubane naprai biꞌo, ba ne nakhete biꞌo, ba ne saeklon, glepo igre ginauna theome tangomana te mei goigonidi naiknore.

Profet Esikiel 16:10

Iara hata kaisei famane pohe mala pipichi iagho, eghuteuna lilisei sandol teke horo mare ka guli buluka ka ghahemu iagho na. Iara hata kaisei famane vido pohe vegha eghuteuna haru falithui ka phaꞌumu iagho na, eghuteuna iara hata kaisei famane pohe vegha mala pipichi iagho.

Naba 4:10

Eghuteuna ke atha thilomare kaisei guli vena, eghuteuna pipiha glepo tuare eghu, ame lisei lao nga ka gaju mala pala.

Naba 4:25

Igre glepo te mala pala mare re: Pohe mala ringni, thoutoku teke horo mare ka guli sipu, thoutoku teke horo mare ka guli vena, nei keha pohe biꞌo mala fofothogna grengatha,

Naba 4:5

Eghuteuna kate tei ghotilo ka keha vido re, thilo mae pris, mae Eron baludi phei thugna re eghu kolho te mala kulu jugru ke lamnagna Suga Thapuale te blahi igne mala kaikalitidi glepo te au tagna re. Thilomare ginauna atha koko pohe biꞌo te fofothogna chogho te blahi te au gna bokis blahi na. Eghuteuna ke atha pohe biꞌo gne mala toutoku bokis blahi tuana.