Eksodas 24:3 - Buka Blahi Ka Cheke Holo

³ Aonu ke leghugna te cheke te gnafa balugna Lord, mae Moses soru ne cheke ka naiknore nogna cheke nei vetula teu Lord igre. Naiknore ne fanomho ka unha te chekedi mae Moses igre ne kafe cheke eghu, “Ghehati ginauna edi gobigna lepo fateo te chekedi Lord igre.”

Eksodas 24:3 Iomraidhean Croise

Fapea Kronikols 15:14

Eghume mare eni kaisei nhaꞌa cheke te nheta ka Lord. Aonu mare te gnafa na ne eha nei kufli ka trampet neu kate eni nhaꞌa cheke igne.

Fapea Kronikols 15:15

Eghuteuna naikno te gnafa Juda igre ne kelitadi fara, naugna mare magnahaghei te nhaꞌa cheke ka Lord. Mare kelitadi fara te hironi mana, nei mare te thafoni mana. Eghume toghodi mare au fakeli, nei au ka pharikeli baludi kantri te gnafa re.

Nodi Khoje Hatimare Mae Jiu 50:5

Ghopa maloa ghe nauthoglu ra fanomho ka God kate cheke teu mana ka nogna naiknore. Mana na cheke eghu, “Ghotilo nogu naikno iara teke nhaꞌa cheke balugu iara ra, nei fafara mala farerhetagna u nhaꞌa cheke igne teura, ghotilo khapru mei ke ulugu iara.”

Eksodas 19:8

Naiknore ne kafe cheke eghu, “Ghehati ginauna edi gobigna lepo te chekedi Lord igre.” Aonu mae Moses ne atha nodi cheke naiknore neke pulo ka Lord.

Eksodas 24:2

nu kaisei iagho ngala te mala mei te namo ka iara Lord na. Eghume na theo kaisei mae ka mae igre nate mei rhegu iara na. Naiknore theome tangomana te haghe ka thogele igne balumu iagho na.”

Eksodas 24:7

Gnafa teuna, mana atha Buka Nhaꞌa cheke te au chekegna Lord igre ne iu'iju ka naiknore. Kate nomhidi chekegna Lord igre, naiknore ne kafe cheke eghu, “Ghehati ginauna thofno leghudi chekegna Lord igre.”

Profet Jeremaea 11:4

Nhaꞌa cheke teke eni ka narane teke atha fajifladi iara ka kantri Ijep kuꞌemi ghotilo ra aheva teke au papara fara mare tagna na.” Iara neke cheke eghu ka mare, “Fanomho fakeli ka nogu cheke iara igre, eghuteuna leghudi gobigna lepo mala edi ghotilo teku iara ra! Jame te leghu ghau iara ghotilo na, ghotilo ginauna nogu naikno iara, eghuteuna iara nomi God ghotilo.

Profet Jeremaea 34:13

Eghuteuna profet ne cheke eghu, “Ghotilo vikegna Israel. Igne unha te chekeni Lord nodi God maedi Israel: Tifa na iara neke atha kuꞌemi ghotilo ra neke jifla Ijep. Mare neke loku jateula naikno sneka neku jare, nu iara neke snakredi mare mala snagla jifla tei. Ka narane tuana, iara neke eni kaisei nhaꞌa cheke baludi neke cheke eghu,

Profet Hagae 2:5

Ka narane teke jifla kokoni mae kuꞌemi ghotilo re namono Ijep tifa ia, iara neke eni kaisei nhaꞌa cheke mala au fabrahu balumi ghotilo ghilei thoke gognaro gne. Tharungagu iara na au balumi ghotilo. Tuana me thosei mhaghu ghotilo eghu.”

Profet Malakai 2:10

Mae profet Malakai ne cheke eghu ka mare, “God na kmada tahati, mana teke vuavuha ghita tahati gnafa. Jame te eghu na, naugna unha si ghotilo te theome leghuni u nhaꞌa cheke teke eni God baludi ku'eda tifa ra? Ba? Naugna unha si ghotilo te goigoni noda na au fodu tahati gnea?

Diutronomi 11:1

Mae Moses ne cheke eghu, “Ghotilo mala namhani Lord nomi God nei leghudi fabrahu nogna vetula, nogna farirhiu nei nogna cheke teu mana ka ghotilo igre.

Diutronomi 4:1

Mae Moses neke cheke eghu, “Ghotilo naiknomi Israel ra fanomho fakeli ka cheke nei vetula eghu nate farirhiu ghami iara igre. Eghuteuna jame te leghudi ghotilo cheke nei vetula teu igre na, Lord nodi God kuꞌemi ghotilo tifa ra mana ginauna fakarhi ghami, eghuteuna ghotilo ginauna tangomana nate tei te hata glose tarabana teu te mala tusu ari ka ghotilo.

Diutronomi 4:5

“Iara la farirhiu ghamihi ghotilo cheke nei vetula teu igre leghuni unha teke cheke ranghi ghau noda Lord God. Iara eni igne mala leghudi ghotilo vetula igre kate au teu ghotilo ka glose te hata ghotilo re.

Diutronomi 5:1

Aonu mae Moses ne kafe kilo fodu meidi naiknodi Israel ne cheke eghu: “Fanomho fakeli ka cheke nei vetula eghu nate chekedi iara ka ghotilo gognaro igre. Ghotilo mala ghathodi nei leghudi eghu fabrahu!

Diutronomi 5:31

Iagho kolho nate au teu agne balugu iara na. Eghuteuna iara ginauna tusu ari ka iagho nogu cheke te gnafa nei vetula, nei cheke faheta te gnafa teu igre. Eghuteuna ke leghu na, iagho mala farirhiu glepo igre ka naiknore, mala leghudi mare ka glose teke tusu lao iara ka mare mala khotodi.’ ”

Diutronomi 6:1

Aonu mae Moses ne cheke eghu, “Igre nogna cheke nei vetula eghu Lord nomi God ghotilo teke cheke ranghi ghau iara te mala farirhiu ghami ghotilo. Te mala leghudi ghotilo ka glose nate tei ghotilo te hata ginauna.

Josua 24:21

Nu mare ne cheke eghu ka Josua, “Theo, ghehati ginauna mala leghuni mana fabrahu gognarona!”

Josua 24:22

Aonu Josua ne cheke eghu ka mare, “Ghotilo la nomhihi themi te chekeni ghotilo ginauna tarai nei leghuni eghu Lord. Tutuani?” Mare ne cheke eghu, “Uve, tutuani fara!”

Josua 24:24

Naiknore ne cheke eghu ka mana, “Lord na noda God tahati. Ghehati ginauna leghuni fabrahu mana, nei leghudi fabrahu nogna cheke mana re.”