Eksodas 2:6 - Buka Blahi Ka Cheke Holo

⁶ Kate tothora naꞌa kharaꞌo igne, naꞌa ne filoni mae sua nalhaꞌu igne ne tanhi neu. Aonu thugna king igne ne kokhoni nognani ne cheke eghu, “Igne thudi mae Hibru.”

Eksodas 2:6 Iomraidhean Croise

Ululahu Kings 8:50

Hata fadelei sagho nakhibodi nou naikno iagho te figri tagru nigho gre. Iagho tusu lao gaoghatho keli ka naokare mala keli ranghidi nou naikno iagho gre.

Nehemaea 1:11

Lord, fanomho ka nogu tharai iara gne nei ka nodi tharai nou naikno gloku iagho te magnahaghei ghatho tahuni nanghamu iagho gre. Togho ghau gognarogne, mala tangomana king te kokhoni ghau iara na, nei mala eni mana unha te toreni iara na eghu.” Ka narane tuare, iara kaisei nogna mae biꞌo king mae ihei te rouronu ghau iara fara, eghuteuna iara thegu kolho te tangomana te reireghidi ghegna waen mana re.

Nodi Khoje Hatimare Mae Jiu 106:46

Mana neke fifigri gaoghathodi mae naoka te funei frunidi nogna naiknore mala kokhonidi.

Eksodas 1:22

Aonu king ne cheke faheta ka nogna naiknore, ne cheke eghu, “Jame kaisei gaꞌase Hibru karha kaisei thugna nalhaꞌu, ghotilo koko lao sua tuana ka Khoꞌu biꞌo Nael mala lehe, nu snakredi sua gaꞌase te gnafa re mala karhau.”

Eksodas 2:5

Kaisei narane thugna gaꞌase king na tei ka khoꞌu na mala apu baludi nogna gaꞌase glokure. Kate apu teu naꞌa na, nogna gaꞌase naꞌare nolo tafri neu rhegna khoꞌu igne. Naꞌa ne filo teini kharaꞌo igne thao neu fari hotei buburu. Aonu naꞌa ne kuru teini kaisei nogna gaꞌase gloku mala tei atha mei kharaꞌo igne ka naꞌa.

Eksodas 2:7

Aonu greghagna mae sitei igne mei ne cheke eghu ka thugna king, “Ba, iagho magnahaghei ghau iara te tei hironi kaisei thau Hibru mala taego ranghi nigho iagho sua igne?”

Proveb 21:1

Lord na batuni khoꞌu na mala tei ka vido aheva te magnahagheni mana na. Jateula tuana eghu, mana batuni gaoghathogna mae funei na.

Mae Khuru 7:21

Kate hata fajiflani mae Moses ka suga na, mare ne te liliseini mana kosi, eghuteuna thugna gaꞌase mae King na ne mei filo deni mana ne tathaji jateula kaisei thofno thugna thegna neu.

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.