Eksodas 2:3 - Buka Blahi Ka Cheke Holo

³ Nu kate biꞌo haghe mana na, idogna na theome tangomana te pophoruni mana na. Aonu naꞌa atha kaisei kharaꞌo biꞌo te theome tangomana khoꞌu te ruma na ne fathuru lao mae sua igne ne tei pophoru farihotei buburu ka geri Khoꞌu biꞌo Nael.

Eksodas 2:3 Iomraidhean Croise

Jenesis 11:3

Mare ne cheke eghu fari thedi, “Tahati na ngigno keha chopu balu buburu, eghuteuna tahati na fapaprai mala maku reꞌe jateula brik eghu.” Aonu mare ne hohoro brik mala ke tughugna thina na, eghuteuna muki mala ke tughugna chopu mala famamaku brik na.

Jenesis 14:10

Ka sare Sidim te magra mare igne au kmana khora, khora igre fodu ka chopu te laka. Kate rikha mae king di Sodom ghe Gomora gre baludi nodi mae armi re, keha mae soldiare ne snoꞌo ka khora te fodu ka chopu igre. Nu keha thilo mae king re ne rikha ne tei baludi nodi mae soldiare ka thogelero.

Jenesis 6:14

Iagho ginauna na atha keha thaba te keli mala hohoro kaisei vaka. Iagho na lilisei keha chogho ke lamnagna vaka igne, eghuteuna iagho na laulamu ka muki ke lamna nei ke kosi teuna mala theome lulu.

Eksodas 1:22

Aonu king ne cheke faheta ka nogna naiknore, ne cheke eghu, “Jame kaisei gaꞌase Hibru karha kaisei thugna nalhaꞌu, ghotilo koko lao sua tuana ka Khoꞌu biꞌo Nael mala lehe, nu snakredi sua gaꞌase te gnafa re mala karhau.”

Profet Isaia 19:6

Khoꞌu ikodi teke dokha mare mala faboubothudi nagare re teku ra, ginauna krango na siri diꞌadi fara. Fora brahu te karha ka geri khoꞌura, ginauna gnhagha kafe lehe.

Profet Isaia 35:7

Eghuteuna namono nagou teke au nusu brana kolho tadira, ginauna kholo biꞌo au tagna. Namono te theome keli teke au khuma mata ra, ginauna thua nafnata buburu khoꞌu ginauna kotu tagna.

Matiu 2:13

Ke leghugna te jifla mare na, mae Josep thuru ne mifi. Eghuteuna, kaisei engel nogna Lord ne thakle mei ne cheke eghu ka mana, “Ghema Josep, dofra haghe! Hata sua ghe idognare mala soru ka namono Ijep, au fabrahu jare ke ghilei cheke nigho iara mala teke pulo na. Mae King Herod na hironi mae sua igne, naugna mana magnahaghei te faleheni mae sua na.”

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Mae Khuru 7:19

Mana saosagrodi fara noda naiknore nei fakokhoanadi fara mae kuꞌeda re nei huhurudi mala lilisei mare suare ke kosi suga mala lehe.