Eksodas 12:3 - Buka Blahi Ka Cheke Holo

³ Ghopa cheke ranghidi naiknodi Israel ra, ka nabothoi narane gna nhigra igne, kaisei phaꞌu maedi tharakna te gnafara mala vavahi kaisei sua sipu ba kaisei sua nanigot te mala fafara mala ima.

Eksodas 12:3 Iomraidhean Croise

Jenesis 22:8

Mae Ebraham ne cheke eghu, “Thuguo, God ginauna na tusu ranghi ghita u lam te mala fafara na.” Aonu phia mare ne kaisei thei ne tei.

Jenesis 4:4

Mae Abel jaola ne hata ne mei keha famane sipu te karha majaghani. Mae Abel falelehe sipu igre ne fafara vido nafnahi te keli fara ka Lord. Lord ne ghatho tahuni nogna fafara mae Abel na.

Fapea Kronikols 35:7

Aonu mae Josia hata ne mei tolufulu thogha sipu majaghani nei nanigot majaghani eghu ne falao ka naiknore malagna Ghasa-Polho igne. Eghuteuna mana jaola falao thilo thogha buluka nalhaꞌudi ka mare mala fafara ka Lord. Sipu nei nanigot nei buluka teu igre nogna thegna mana.

Eksodas 12:2

“Uve, nhigra igne te ulu lahu ka nomi finogha ghotilo ia.

Eksodas 12:21

Aonu mae Moses ne cheke eghu ranghidi hatimare mae phaꞌu maedi Israel re, “Ghotilo tei vavahi kaisei sipu ba kaisei nanigot maladi tharaknami are eghuteuna falelehe mala ima tharaknami are ka Gaghamu Ghasa-Polho na.

Eksodas 12:4

Jame te theome naba naikno te mala ima fagnafani u sipu ba u nanigot tuana na, mae biꞌogna tharakna tuana tangomana te tei toredi keha naiknodi Israel te au rhedi are mala ima fahui. Ghotilo famane vavahi fakeli ka sipu ba nanigot te kaisei finogha gna teu kolho te theo kaisei najafra ka thinigna na.

Eksodas 12:6

Kaisei tharakna teuna mare mala famane tathaji fakeli u sipu ba nanigot teke vavahi thedire ghilei thokeni grafi gna nabotho fati narane gna nhigra igne. Ka grafi gna narane tuana goro mae biꞌo re ginau na aknu falehe sipu ba nanigot.

Eksodas 14:15

Eghuteuna Lord ne cheke eghu ka mae Moses, “Naugna unha sagho te kilo ghau iara koba te mala togho nigho na gnea? Chekedi sagho mae Israel are mala tei faꞌulu.

Eksodas 20:19

ne cheke eghu ka mae Moses, “Jame te cheke iagho ka ghehati na, ghehati ginau na nomhi nigho iagho. Thosei snakreni God mala cheke ka ghehati na, na eghunu lehe ghehati eghu.”

Eksodas 4:30

Eron kegra haghe ne chekedi gobigna lepo teke chekedi Lord ka Moses, mala jaola ke edi kofubobhoi igre ke uludi naiknore.

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Profet Esikiel 40:1

Ka fabotho narane ka nhigra ululahu ka varadaki glima finogha gna narane te huhuru ghami te mei au agne Babilonia na, Lord ne nhaꞌa mei ka iara nogna nolaghi na, eghuteuna mana hata ghau iara ne tei Jerusalem. Igre nabotho fati finogha ke leghugna te mei armi gna Babilonia te roꞌeni namono biꞌo Jerusalem.

Levitikas 1:2

Eghuteuna Lord ne cheke ka mae Moses mala cheke mana ka naiknore. Mana ne cheke eghu, “Jame kaisei ka ghotilo magnahaghei fafara mala pogho soru ka iara, te keli na mana atha kaisei buluka ba kaisei nanigot ba kaisei nogna sipu.”

Levitikas 5:6

Eghuteuna te mala fadoglini glepo igne, mana atha kaisei sipu gaꞌasegna ba kaisei nanigot gaꞌasegna, mala fafara mei ka iara Lord, eghuteuna mae pris tangomana te fafara mala doglo mana ka tathagu iara na.

Naba 15:11

Tugre vetula kate kaikaliti kaisei buluka, sipu nalhaꞌu, lam nei nanigot teu ghotilo re.

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Jone 1:36

Mana filoni mae Jisas nolo te tei sala'u na ne cheke eghu ka phiamare, “Filoni mae tela ari ana! Mana ngala nogna sipu te mala fafara God na.”

Jone 12:1

Namno narane ngau ame thokeni nga narane Gaghamu Ghasa-Polho na, mae Jisas neke pulo Betani, ka namono aheva te au mae Lasaros. Mae igne teke lehe nu ke fakakarha mae Jisas teku ia.

Jone 12:12

Ka keha narane na mae Jisas ne jifla Betani mala pulo Jerusalem. Eghuteuna kmana naikno teke tei ka narane Gaghamu Ghasa-Polho na nomhini te mei mae Jisas jare na.

Ululahu Korin 5:7

Gognaro na ghotilo hata fadeleidi nakhibo te gnafare mala doglo ke ulugna God. Naugna nakhibo na tangomana te roꞌeni nakarhada na jateula isi te tangomana fabiꞌodi bret. Ghotilo jateula bret te theo isi ia eghu, naugna God neke fafaranihi Kraes te mala hata fadeleidi nakhibodare.

Josua 7:14

“Eghume, hamerane nathuꞌu ghotilo vike te gnafara mala kafe mei kegra agne ke ulugu iara. Jame vike te vahini iara na, vike tuana nate mei kegra na. Eghuteuna kokholo te vahini iara na, kokholo tuana nate mei kegra na. Eghuteuna tharakna te vahini iara na, eghuteuna naikno te gnafa ke lamna gna tharakna tuana nate mei kegra na eghu ia.

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Ululahu Samuel 7:9

Aonu mae Samuel ne aknu falehe kaisei sipu ikoi ne gahu knoro ka khaꞌaghi jateula kaisei fafara neu ka Lord. Eghuteuna mana ne tarai heta ka Lord mala toghodi naiknodi Israel. Eghuteuna Lord ne nomho ka nogna tharai mana na.