Eksodas 11:3 - Buka Blahi Ka Cheke Holo

³ Lord ne tusu lao gaoghatho te keli ka nagnafadi naiknodi Ijep gre mala ghatho tahudi naiknodi Israel re. Tutuani fara, mae Moses gne jaola kaisei mae biꞌo fara ka tathadi hatimare nogna mae funei nei nogna naikno teu mae king re.

Eksodas 11:3 Iomraidhean Croise

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Jenesis 39:21

Nu Lord ne au neu balugna mae Josep ne toghoni mana. Lord ne loku ka nagnafagna mae ihei te reireghigna suga sosolo na ne magnahagheni fara mae Josep.

Fapea Samuel 7:9

Funu tifa, ka vido aheva te tei iagho na, iara au balumu iagho fabrahu. Neuba iagho ne tei ka magra, iara uludi koba nou naoka iagho ra. Eghume iara ginauna togho nigho mala hata nafnakno biꞌo jateula nodi nafnakno mae biꞌo ka nauthoglu igne eghu.

Nogna Buka Esta 9:4

Naikno te gnafa ka kantri igne ne kafe laseni mae Modikae. Mana gognarona thofno nolaghi biꞌo, naugna King neke vahini mana mala mae praeminista.

Nodi Khoje Hatimare Mae Jiu 106:46

Mana neke fifigri gaoghathodi mae naoka te funei frunidi nogna naiknore mala kokhonidi.

Eksodas 12:35

Mae Israel re ne leghuni unha teke chekeni mae Moses na ne tore keha gol, silva nei pohe eghu ka naiknodi Ijep re.

Eksodas 12:36

Lord ne tusu lao nafnakno biꞌo ka mae Israel gre ka tathadi mae Ijep gre, aonu mae Ijep gre ne tusu ranghidi mae Israel gre unha teke magnahaghei atha mare na. Eghuteuna ka puhi igne, mae Israel gre ne atha keha famane glepodi Ijep.

Eksodas 3:21

“Eghuteuna iara ginauna edi naiknodi Ijep mala ghatho tahu ghami ghotilo. Kate jifla ghotilo Ijep na, ghotilo ginauna tangomana nate hata kmana glepo te keli na.

Profet Isaia 60:14

Thudi iheire teke para ghami fara ghotilo ra ginauna mei fafnakno ghami ghotilo, eghuteuna mare ginauna mei pogho soru pari ke ulumi ghotilo. Iheire teke filo fapari ghami ghotilo tifa ra ginauna mei tuturupuku ke ulumi ghotilo. Eghuteuna naiknore ginauna cheke eghu, ‘Tutuani fara, mare ginauna kiloni namono biꞌo Saion igne nogna namono Lord mae ihei te blahi fara, nodi God mae Israel.’

Mae Khuru 7:22

Eghuteuna maedi Ijep re ne farirhiuni mae Moses glepo te gnafa te lasedi mare re. Mana ne biꞌo haghe ne kaisei mae nolaghi fara ka nogna cheke ba ka nogna glokure.

Diutronomi 34:10

Mae Moses gne kaisei mae profet biꞌogna Israel ghilei mei posa gognarogne, eigna theo kaisei profet te jateula mana teu te thofno filoni tathagna Lord na te cheke balugna mana na.

Diutronomi 34:11

Lord neke kuruni mae Moses neke tei Ijep neke edi kofubobhoi nei fagaglana ranghini king gna Ijep, nei nogna mae biꞌo, nei naiknodi Ijep.

Josua 4:14

Ka narane igne, Lord ne fafnaknoni mae Josua ka gaoghathodi naikno te gnafa Israel. Mare ne ghatho tahuni fabrahu mae Josua ka nakarhagna mana na, jateula mare teke ghatho tahuni mae Moses tifa ia neu.

Thakle 3:9

Filo si ghotilo! Nogna tothoghei mae Satan te kilodi thedi naiknodi Jiu teu are theome thofno nogu naikno iara. Mare chaichaghi kolho. Uve, iara ginauna huhurudi mare mala mei pogho soru ke ulumi ghotilo, eghuteuna mare na cheke eghu, ‘Tutuani, God thofno namha ghami ghotilo!’