Eksodas 10:4 - Buka Blahi Ka Cheke Holo

⁴ Jame te theo iagho na, iara nathuꞌu na ginau kuru mei kmana cheche fara mala mei fodu ka nou kantri iagho igne.

Eksodas 10:4 Iomraidhean Croise

Eksodas 10:3

Aonu mae Moses ghe Eron ne leghuni chekegna Lord na ne tei filoni king, ne cheke eghu ka mana, “Nomi Lord God ghehati mae Hibru gre na ne cheke eghu: Ba? Niha fata tirou fanomho nei au fapari nigho themu eghu sagho ia? Snakredi nogu naikno iara gre mala tei pogho soru ghau iara.

Eksodas 10:5

Reꞌe ginau na mei thafru vido te gnafa gre, eghuteuna iagho ginau na theome tangomana te filoni u thagrugna glose na. Eghuteuna ghemi gano ghotilo ka nagare na are nei gaju te gnafa teu teke theome diꞌa ka nakhete thina na are ginau na hui ka cheche.

Eksodas 4:23

Eghuteuna iara neke kulu chekehi te iagho mala snakreni thugu iara na mala jifla ka namono igne, mala mei tufru soru ghau iara. Nu naugna iagho ne theome snakredi mare te mei na, iara ginauna aknu falehe thumu nalhaꞌu ululahu iagho na!’ ”

Eksodas 5:1

Moses ghe Eron tei ne filoni king gna Ijep, eghuteuna phiamare ne cheke eghu ka mana, “Lord nodi God maedi Israel ne cheke eghu, ‘Snakredi nogu naikno iara gre mala jifla ka kantri igne, mala tangomana mare ei gaghamu ka iara ke lamna namono nagou!’ ”

Eksodas 8:10

Mae king ne cheke eghu, “Eni tuana nathuꞌu.” Mae Moses ne cheke eghu ka mana, “Uve, unha te magnahagheni iagho na eni au. Eghuteuna naikno te gnafare ginau na laseni eigna jare na theo kaisei god aheva nga te jateula Lord nomi God teu ghehati mae Hibru gre na.

Eksodas 8:23

Mana ginauna theome kuru tei kaisei khare ka nogna naikno mana re. Fanomho sagho, u kofubobhoi igne ginauna thoke mei nathuꞌu ngala.’ ”

Eksodas 9:18

Fanomho sagho, jateula vido narane gognaro gne teu nathuꞌu na, iara ginau na kuru mei kaisei nakhete thina aes mala soru mei ka ghotilo agne Ijep. Jame igne ngala u nakhete thina aes te biꞌo fara salaꞌudi nakhete biꞌo teke filodi tifa ra, ginauna thoke mei agne Ijep funu tifa te ghilei mei posa ka narane gognaro gne.

Eksodas 9:5

“Eghume nathuꞌu ngala u narane te mala eni Lord u puhi igne na.”

Proveb 30:27

Fatilo na, cheche, rehati theo nodi funei, nu kate flalo na rehati kaisei theidi jateula soldia eghu.

Profet Joel 2:25

“Iara ngala teke kuru meidi tothoghei cheche te goigoni ghami ghotilo igre. Nu iara nake tusu fapulo ka ghotilo gobigna lepo teke goigoni fahui cheche igre.

Diutronomi 28:38

“Neuba ghotilo ne joꞌu kmana sisi ka nagare biꞌo are, ghotilo ginauna theome tangomana te hata kmana gano tagna na, naugna cheche ginauna ghamu fahui ghemi gano ghotilo re.

Thakle 9:3

Chechere ne jifla mei funudi ka gagahu tuana, ne soru mei ka nauthoglu gne. Eghuteuna mare tusu lao nolaghi ka cheche igre mala fakaukathu jateula khafrasege eghu.