Eksodas 1:10 - Buka Blahi Ka Cheke Holo

¹⁰ Tahati na hironi kaisei puhi mala fakhusudi mare, glahu goigoni ghita mare. Jame te eghu tahati na, kate thoke mei magra na, mare ginauna loku fodu baludi noda naoka tahati gre mala magra ka tahati eghuteuna mare ginauna ulu ghita, eghuteuna mare ginauna nake khotogna noda namono tahati igne.”

Eksodas 1:10 Iomraidhean Croise

Thoutonu Eigna Mae Job 5:13

Mana fakhaledi iheire ne lalasehi thedi teu igre mala goigonidi thedi mare. Eghuteuna mana goigonidi nodi gaoghatho te diꞌa mare re.

Nodi Khoje Hatimare Mae Jiu 10:2

Naikno te diꞌa gre mare neke dokha khora mala snoꞌo naikno te kuma gre neku. Nu iara magnahaghei nigho te snakre laodi ka khora tuare mala snoꞌo thedi. Naugna mare ne fahaehaghe fara ne ngolhi tafridi naikno te kuma re.

Nodi Khoje Hatimare Mae Jiu 105:25

Lord ne faꞌeiꞌeidi naiknodi Ijep mala susukudi nogna naiknore. Mare hiro phoge te mala paradi nogna naikno mana re.

Proveb 1:11

Glahu cheke eghu mare ka iagho, “Iagho mei balumi ghehati! Tahati na ari poru ofou ke mata nabrou mala aknu falehedi naikno te keli are mala nenei nodadi.

Proveb 16:25

Keha mae jau ghathoni nabrou te leghuni mare igne thofno keli kolho eghu. Nu theo eghu. Nabrou te leghuni mare igne mala tei ka glehe.

Proveb 21:30

Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Naba 22:6

Iagho na mei mala togho ghau iara. Iagho ginauna tibridi mare mala thokedi hoholo. Naugna mae igre thofno nheta fara eghuteuna iara theome tangomana te uludi mare ka magra na. Jame te eni iagho na iara ginau tangomana ke chekedi mare mala ke jifla mare ka kantri igne. Naugna iara laseni, naikno te fablahi iagho re ginauna gleꞌa nodi, eghuteuna naikno te tibridi iagho re ginauna thokedi hoholo.”

Mae Khuru 23:12

Hamerane keha mae Jiure ne faidu poru ne hiro phoge mala faleheni mae Pol. Mare ne eni kaisei nhaꞌa cheke mala theome ghamu ba ko'uni eghu kaisei gano ghilei faleheni ghu mae Pol.

Mae Khuru 7:19

Mana saosagrodi fara noda naiknore nei fakokhoanadi fara mae kuꞌeda re nei huhurudi mala lilisei mare suare ke kosi suga mala lehe.

Ululahu Samuel 29:4

Nu hatimare mae komanda ne diꞌa tadi fara ka mae Akis. Aonu mare ne cheke eghu ka mana, “Iagho ke kuru fapuloni mala ke figri mana ka namono aheva teke tusu lao iagho ka mana na. Iagho thosei snakreni mae tuana mala tei baluda tahati ka magra. Glahu kate magra na, mana ginauna nake figri nake falehe ghita tahati. Jame te kusu mana graradi noda mae soldia tahati igre na, tuana kaisei puhi nate thofno kelitagna fara nogna mae funei na.