Eksodas 1:1 - Buka Blahi Ka Cheke Holo

^1-2 Kaisei narane mae Jekop, keha nanghagna na mae Israel, atha thugnare ne tei Ijep. Aonu thugna mana re ne atha khetodi nei thudi teure ne tei baludi ne au Ijep. Nanghadi thugna mae Israel re igre: mae Ruben, mae Simion, mae Livae, mae Juda,

Eksodas 1:1 Iomraidhean Croise

Jenesis 29:31

Lord ne filoni mae Jekop gne mana ne theome raꞌe magnahagheni Lea gne, aonu mana ne toghoni Lea, ne bukla. Nu Resel gne ne khara ne theo thugna kolho.

Jenesis 35:18

Nu kate fnuda te namo lehe na, Resel ne kiloni thugna nalhaꞌu na Benoni. Gaoghathogna na “Sua neke karha mei balu khabru biꞌo.” Kate fanangha te gnafa sua igne, Resel ne lehe. Nu ke leghu na mae Jekop neke kiloni mae sitei na mae Benjamin. Gaoghathogna na “Mae sitei igne ginauna au ka nakarha te keli.”

Jenesis 46:27

Teke karha Ijep ka khetogna mae Josep na neke phei mae nalhaꞌu. Eghume khaputudi teke thugna nei gragna teu mae Jekop teke tei au Ijep re neke fitu salei.

Eksodas 28:10

Funu ka mae teke karha ulu lahu na, iagho mala ghagra nanghadi namno mae thugna nalhaꞌu ka kaisei thina, eghuteuna nanghadi keha namno thugna nalhaꞌu re ka keha thina na.

Profet Esikiel 48:1

Lord ne cheke eghu, “Igne vikegna Israel na, nei glose nate sopa hata mare ginauna, eghu funu ka nohi ke raru. Nohi igne funu ka Thongna Mediterenian leghu tei ka namono Hetlon, eghuteuna tei thoke ka nabrou te tei salaꞌu ka thogele Hamat. Igne tei thoke ke maghati Hasarenon, eghuteuna leghuni nohi ka namono Damaskas, eghuteuna ka nohigna glose namono Hamat. Vike te gnafa igre ginauna au nodi glose, funu ka nohi ke maghati tei posa ke mosu Thongna Mediterenian. Nodi glose mare te funu ke raru te tei ke mata na igre: “Ulu lahu na, nodi vido glose vikegna Dan. Eghuteuna fapea na, nodi glose vikegna Asa. Eghuteuna keha na, nodi glose vikegna Naftali. Eghuteuna keha na, nodi glose vikegna Manase. Eghuteuna keha na, nodi glose vikegna Efrem. Eghuteuna keha na, nodi glose vikegna Ruben. Eghuteuna keha na, nodi glose vikegna Juda.