Eklesiasti 8:12 - Buka Blahi Ka Cheke Holo

¹² Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Eklesiasti 8:12 Iomraidhean Croise

Ululahu Kings 21:25

(Theo kaisei mae te jateula King Ehab teu te snakreni nakarhagna na te mala eni glepo te thono diꞌa fara ka tathagna Lord na. Gobigna lepo te edi mana igre thono diꞌa fara, khetogna mana Jesebel igne te batuni mana na.

Ululahu Kronikols 16:30

Ghotilo naikno te gnafa ka nauthoglu ra, ghotilo ghatho tahuni mana! Lord neke vuavuha nauthoglu igne mala au rheta mala theome tangomana te nghali na.

Thoutonu Eigna Mae Job 35:15

Ba, gaoghathomu iagho, kate diꞌatagna God na, mana ginauna theome paradi naikno te diꞌa re, eghuteuna theome ghathodi kolho nakhibodi mare re eghu?

Nodi Khoje Hatimare Mae Jiu 112:1

Tahati kilo fnaknoni Lord! Ihei te ghatho tahuni Lord, nei magnahaghei leghudi nogna vetula Lord re teuna, mae igne keli tagna fara.

Nodi Khoje Hatimare Mae Jiu 115:13

Mana ginauna fablahidi ihei te ghatho tahuni mana, neubane mae ihei te au tagna nafnakno ba theo.

Nodi Khoje Hatimare Mae Jiu 128:2

Jame te eni fabrahu iagho igne na, ginauna nou gloku iagho re na tangomana te togho nigho te mala au fakeli na.

Nodi Khoje Hatimare Mae Jiu 37:11

Nu iheire te lisei faparidi thedire, mare na atha nodi vido glose teke nhaꞌa cheke God ranghidi na. Mare na au fakeli nodi nei na au glealeꞌa nodi eghu.

Nodi Khoje Hatimare Mae Jiu 96:9

Mana thofno blahi fara, eghume ghotilo pogho soru nei tufru soru eghu ka mana. Te keli na ghotilo te gnafa na mala ghatho tahuni mana!

Eksodas 1:20

Naugna repa ghatho tahuni God, eghuteuna God keli fara ranghidi repa, aonu mana ne fablahidi repa ne au kmana thudi. Kate karha sua te kmana vikegna Israel igre eghuteuna mare thofno nolaghi fara.

Proveb 13:21

Puhi biꞌo leghuni naikno te diꞌa na. Nu nakarha te keli na leghuni naikno te doglo na.

Proveb 28:14

Mae te ghatho tahuni Lord na, mana ginauna glealeꞌa fara. Nu ihei te patugama na ginauna thokeni puhi biꞌo.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Eklesiasti 3:14

Te laseni iara na, gobigna lepo te edi God re ginauna au fabrahu na theome gnafa. Theo kaisei naikno na teke nhaꞌa lao kaisei glepo tagna na, eghuteuna theo kaisei naikno na teke hata koko kaisei glepo tagna na. Gobigna lepo te edi God re thofno doglo fara, mala ghatho tahuni tahati.

Eklesiasti 5:16

Tahati ginauna nake pulo sasama jateula teke karha meida ka nauthoglu igne eghu. Glepo igne theome doglo. Eghume, nogna gloku mana igne jateula mae ihei te ngolho leghu ka nuri ia eghu kolho.

Eklesiasti 5:7

Neuba iagho ne edi kmana mifi, kmana cheke, nei kmana nafnata gaoghatho te theo nafudi neu, iagho mala ghatho tahuni God.

Eklesiasti 7:15

Nakarhagu iara na theo nafugna kolho, nu kate karha teu na iara filodi kmana glepo. Naikno te doglo na ghosei lehe kokodi puhigna te doglore, eghuteuna naikno te diꞌa na, karha raugha ka nauthoglu igne balugna nakarhagna te diꞌa na.

Eklesiasti 7:18

Te keli na iagho famane ghaoghatho fakeli eidi phei farirhiu igre. Jame te ghatho tahuni iagho God na, iagho ginauna thofno keli fara.

Profet Jeremaea 44:10

Mei te posa gognarogne, ghotilo naiknomi Juda maku fara phaꞌumire jateula thina eghu theome ghatho tahu ghau iara. Eghuteuna ghotilo jaola tiromi leghudi nogu vetula iara teke tusu ari iara ka ghotilo nei ka kuꞌemi ghotilo tifa ra.’

Matiu 25:34

“Aonu iara mae King na ginauna cheke eghu ka naikno te keli fei nhetagure, ‘Mei, ghotilo naikno teke fablahi ghamihi mae Mama ra mala ruma ka nogna nauthoglu majaghani mana teke kulu tarabana malami ghotilo teku ka fufunu gna nauthoglu pari igne.

Luku 1:50

Mana kokhoni nognadi nei namhadi eghu naikno te gnafa te ghatho tahuni mana re, funu ka naikno tifa te ghilei posa ka naikno te theome karha nga teure.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Letas Teke Riso Tei Mae Pol Ka Khiloau Rom 9:22

Unha te eni God na jateula tuana eghu. Mana magnahaghei te falaseni nogna diꞌatagna na mala laseni naiknore nogna nolaghi na. Nu mana loku famaku diꞌatagna na ka naikno naba te mala roꞌedi mana kate diꞌatagna na.

Diutronomi 12:25

Eghuteuna kate theome koꞌu ghotilo kaisei dadara na, ghotilo thofno leghuni unha te doglo ka tathagna Lord, aonu mana ginauna edi gobigna lepo igre thofno keli fara ka nakarhami ghotilore nei ka nakarhadi thumi ghotilore eghu.

Diutronomi 12:28

Fiofilo ghami te mala leghudi vetula te chekedi koba iara ka ghotilo ra. Jame te leghudi ghotilore, ghotilo thofno eni unha te doglo ka tathagna Lord na, eghume mana ginauna edi gobigna lepore thofno keli fara ka nakarhami ghotilore nei ka nakarhadi thumi ghotilore eghu tifa tifa.”

Diutronomi 4:40

Ghotilo mala leghudi nogna cheke nei vetula teu mana te chekedi iara ka ghotilo gognaro igne. Eghuteuna jame te eghu ghotilo na, ghotilo ginauna au ka nakarha te keli, eghuteuna thumi ghotilo baludi goro sua nate karha mei ke leghumi ghotilo re, ginauna jaola au ka nakarha te keli. Eghuteuna ghotilo ginauna au raugha ka glose teke tusu ari Lord na mala khotogna fabrahu ghotilo.”

Fapea Pita 2:9

Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.