Eklesiasti 7:5 - Buka Blahi Ka Cheke Holo

⁵ Jame te fanomho iagho ka nogna farirhiu mae te autagna gaoghatho te keli te magnahaghei fadogli nigho iagho na, puhi igne keli fara salaꞌuni te fanomho iagho ka nogna khoje kilo fnakno mae te fameomekro na.

Eklesiasti 7:5 Iomraidhean Croise

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Nodi Khoje Hatimare Mae Jiu 69:12

Leuleghu fata na mare salo fodu ka namono na mala buiburi ghau iara, eghuteuna mae te koꞌu te dranga re jaola edi keha khoje te diꞌa eigu iara.

Proveb 13:13

Mae te theome fanomho na, mana ginauna khale ka puhi. Mae te fanomho na, ginauna atha glepo te keli.

Proveb 13:18

Mae te tirogna ni kaisei naikno te fadoglini na, mana ginauna kuma nei mamaja nogna eghu. Nu mae te fanomho ka naiknore te fadoglini na, naiknore ginauna ghatho tahuni mana.

Proveb 17:10

Cheke faheta ka mae te au tagna gaoghatho te keli na ghosei tughu nakarhagna na. Nu naikno te fameomekro na neubane purini kaisei gobi fata, mana theome tangomana te tughu nakarha na.

Proveb 25:12

Nogna cheke te rheta mae te autagna gaoghatho te keli te cheke ka mae te lase fanomho na, famane fara jateula famane ring gol nei chen eghu.

Proveb 27:6

Iagho tangomana te rouronuni mae kheramu te fadogli nigho na, nu fiofilo nighoi ka mae naoka te fariuriu famaemahe nigho na.

Proveb 6:23

Chekedi idomu kmamu are jateula kaisei juta eghu mala fadoglini nakarhamu iagho na.

Proveb 9:8

Thosei fariuriu fadoglini mae te thona foflogna na, mana ginauna tirogna nigho iagho. Nu te farirhiuni iagho ihei te autagna gaoghatho te keli na, mana ginauna namha nigho iagho.

Eklesiasti 12:11

Nogna cheke mana igre jateula nogna khodo mae greireghi sipu te batudi nogna sipu ra eghu. Uve, famane cheke igre jateula nila te churu te tei lamna gaju te fei augna ra eghu. God mae ihei te tusu mei famane cheke igre, mana reireghi fakeli ghita tahati jateula nogna sipu eghu.

Eklesiasti 7:4

Jame te au ka iagho gaoghatho te keli na, iagho ginauna magnahaghei te au baludi naikno te tanhi ka naikno tela lehehi na. Nu ihei te theome au tagna gaoghatho te keli na, mana magnahaghei te au baludi naikno te edi thua nafnata puhi te mala gleale'a na.

Eklesiasti 9:17

Te keli na iagho fanomho ka nogna cheke mae ihei te au tagna gaoghatho te keli na, ke kelignai te fanomho iagho ka nogna cheke mae lida te eha tongana farihoteidi mae iheire te fameomekro are.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.