Eklesiasti 7:3 - Buka Blahi Ka Cheke Holo

³ Jame te diꞌanagnafa tahati ka kaisei glepo na, thofno keli fara salaꞌuni te maꞌe fabrahu tahati na. Naugna thofno keli fara te haimini tahati te diꞌanagnafa ke lamna nagnafada na, naugna tangomana nate tusu ranghi ghita gaoghatho te keli.

Eklesiasti 7:3 Iomraidhean Croise

Nodi Khoje Hatimare Mae Jiu 119:67

Kani theome para ghau iara nga teku iagho na, iara neke leghuni nabrou te jafra na, nu gognaro na, iara thofno leghuni chekemu iagho te tutuani na.

Nodi Khoje Hatimare Mae Jiu 119:71

Thofno keli fara teke au papara iara na, mala lasedi iara nou vetula iagho re.

Eklesiasti 2:2

Thono fameomekro kolho jame te fiti maꞌe leuleghu narane na. Eghuteuna unha te gleale'ani naikno igne, glepo tuana ginauna theome toghoni nakarhagna mana na.

Eklesiasti 7:4

Jame te au ka iagho gaoghatho te keli na, iagho ginauna magnahaghei te au baludi naikno te tanhi ka naikno tela lehehi na. Nu ihei te theome au tagna gaoghatho te keli na, mana magnahaghei te au baludi naikno te edi thua nafnata puhi te mala gleale'a na.

Profet Daniel 10:19

Eghuteuna mana ne cheke eghu ka iara, “Iagho thosei nanga nou, ba mhaghu, naugna God na namha nigho iagho fara. Iagho kegra heta!” Kate cheke eghu mana igne, iara thofno haimini neke rheta fapulo thinigu na, ne cheke eghu, “Mae biꞌo, cheke mei ka iara unha te magnahaghei chekeni iagho ka iara na naugna iara gognaro na kela nheta fapulo.”

Luku 6:21

Ghotilo te rofo gognaro ra, ghotilo tangomana te gleale'a na. Naugna ghotilo ginauna nake bohou. Ghotilo te tanhi gognaro ra, ghotilo tangomana te gleale'a na. Naugna ghotilo ginauna nake maꞌeu.

Luku 6:25

Puhi biꞌo ka ghotilo naikno te boho nomi gognaro gre! Naugna ghotilo ginauna nake rofou! Eghuteuna puhi biꞌo ka ghotilo te maꞌe gognaro gre! Naugna ghotilo ginauna nake tanhi biꞌo nei diꞌanagnafa eghu!

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.