Eklesiasti 7:1 - Buka Blahi Ka Cheke Holo

¹ Nafnakno na thofno keli fara salaꞌuni sedi te siri keligna na. Eghuteuna narane nate lehe iagho tagna igne thofno keli fara salaꞌuni narane teke karha meimu na.

Eklesiasti 7:1 Iomraidhean Croise

Thoutonu Eigna Mae Job 3:17

Uve, lamna ka beku na, naikno te diꞌare theome nanga nodi, eghuteuna iheire te kmusa ka gloku ra, mare gnafa gognarona.

Nodi Khoje Hatimare Mae Jiu 133:2

Nafnata puhi te au fodu igne thofno keli fara, jateula teke eni mare kani teke taofini mae Eron ia eghu. Mare neke tofa oel te siri keligna na ka phaꞌugna mana na, eghuteuna oro me soru ka gremohogna nei pohegna teku mana ra.

Proveb 15:30

Kate filo naiknore te gleꞌa iagho na mare jaola gleꞌa. Famane thoutonu na iagho keli nagnafamu fara.

Proveb 22:1

Jame ne kaisei mae keli iagho teu gaoghathodi naiknore te tusu ari nafnakno biꞌo ka iagho na, igne uludi nodi silva nei gol eghu hatimare mae dedei.

Proveb 25:10

Ihei te nomhini puhi igne na, mare ginauna cheke fapari nigho iagho, eghuteuna iagho ginauna mamaja nou fabrahu.

Proveb 27:9

Insens nei famane oel teu igre tangomana te fagleꞌa nigho na, nu khetomu na ginauna fagleꞌa nigho salaꞌui.

Eklesiasti 10:1

Gilo te ruma te lehe ka botol sedi te siri keligna na ginauna siri diꞌagna. Jateula tuana eghu, kakatha puhi fameomekro kolho nate goigonini gaoghatho te keli na.

Eklesiasti 4:2

Eghume, te ghathoni iara na, naikno tela lehehira keli tadi fara salaꞌu ghita tahati naikno te karha teu ka nauthoglu igne.

Eklesiasti 7:8

Jame kaisei mae eni fahui nogna gloku na, mana tangomana te glealeꞌa na uluni narane teke fufunu gna nogna gloku na. Jame nagnafamu iagho na theome ghosei diꞌatagna, igne keli fara uluni te fahaehaghe fara iagho na.

Famane Khoje 1:3

Iara magnahagheni fara sisirigna oel igne te famane sisiri fara ka thinimu iagho na. Eghuteuna nanghamu iagho na jaola famane nonomho gna na jateula te siri mamahegna oel igne eghu. Tutuani fara, gaꞌase gre tangomana te magnahaghei nigho iagho fara na!

Famane Khoje 4:10

Kheraguo, iagho khetogu iara. Nou namha iagho ranghi ghau iara na mamahe fara salaꞌuni famane waen, eghuteuna iara magnahagheni fara sisirimu iagho na salaꞌuni famane insens.

Profet Isaia 56:5

Iara ginauna tusu ari nafnakno ka mare ke lamnagna nogu Sugablahi na, uluni jame te au thudi mare na. Eghuteuna nogu naikno iara re ginauna theome ghatho ihodi mare.

Profet Jona 4:3

Eghume Lord, snakre ghau mala lehe nogu. Mala unha site karha iara gnea? Nabagu na iara mala lehe kolho.”

Luku 10:20

Nu ghotilo thosei gleale'a, naugna te leghu ghami naiture, nu ghotilo gleale'a naugna God na la riorisohi nanghami ghotilo re kligna.”

Jone 13:2

Kate ima rafi teu mae Jisas baludi nogna mae fanomhore, mae Satan neke kulu liliseihi ka nagnafagna mae Judas na te mala majorani mae Jisas. Mae Judas gne kaisei mae ka hatimare nabotho phei mae fanomho gre, thugna mae Simon Iskariot.

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Fapea Korin 5:8

Uve, tahati theome nanga noda. Tutuani, tahati magnahagheni fara te tei kokodi thini igre mala au balugna Lord.

Hibru 11:2

Vikeda tahati tifa ra, mare neke fatutuani ni God eghuteuna God neke keli tagna fara ka mare.

Hibru 11:39

Naikno te gnafa igre God keli tagnadi fara naugna mare ne fatutuani ni mana. Neuba mare ne theome hatani unha teke nhaꞌa cheke ranghidi na.

Thakle 14:13

Aonu iara ne nomhini kaisei cheke ne cheke eghu funu kligna, “Iagho rioriso soru cheke igre. ‘Funu gognaro, naikno teke falelehe mare eigna nodi fatutuani ka Lord na ginauna gleale'a fara.’ ” Tharunga te Blahi na ne cheke eghu, “Uve, tuana tutuani fara! Mare ginauna gnafa nodi ka gloku te biꞌora naugna tabagna unha teke eni mare na ginauna au fabrahu baludi.”

Thoutonu Eigna Rut 3:14

Aonu Rut ne thuru ne ghilei rane jare rhedi phei ghahegna mae Boas re. Hamerane boibongi, mae Boas ne fadofrani Rut mala theome laseni kaisei naikno te mei thuru teu Rut jare na.