Eklesiasti 6:2 - Buka Blahi Ka Cheke Holo

² God na toghoni naikno na mala dedei, mala fnakno, nei mala au nogna kmana glepo. Mana mala au nogna gobigna lepo te magnahaghedi manare. Nu neuba, ke leghu na God ginauna na theome snakreni mana te glealeꞌa ka glepo igre. Eghuteuna kaisei mae phosa kolho nate mei te hata gobigna lepo igre te mala glealeꞌa nogna na. Puhi igne thofno diꞌa fara nei theo nafugna eghu kolho.

Eklesiasti 6:2 Iomraidhean Croise

Ululahu Kings 3:13

Eghuteuna iara ginauna jaola tusu ari ka iagho keha nafnata glepo teke theome toredi iagho re: Iagho ginauna dedei fara, eghuteuna naiknore ginauna ghatho tahu nigho fara ke tulaodi puhi teke ghatho tahudi mare keha mae king ra.

Ululahu Kronikols 29:25

Lord ne nhaꞌa hagheni Solomon ka nafnakno biꞌo ka tathadi naikno te gnafa Israel, eghuteuna naiknore ne ghatho tahuni mana. Uve, mana fnakno fara salaꞌudi keha king di Israel ulu lahu ra.

Ululahu Kronikols 29:28

Mana lehe kate thofno kuekuꞌe fara. Eghuteuna mana kaisei king te fnakno fara nanghagna na, eghuteuna mana jaola kaisei mae dedei fara. Aonu naiknore ne thofno ghatho tahuni fara mana. Aonu thugna mana Solomon ne kegra king.

Fapea Kronikols 1:11

Lord ne cheke eghu ka mana, “Nou thore iagho igne thofno keli fara! Eigna iagho theome tore ghau iara mala kaisei mae dedei nei kaisei mae te au nogna kmana glepo eghu. Iagho jaola neke theome tore ghau iara mala hata nafnakno biꞌo, ba nakarha brahu, ba mala falehedi nou naokare. Nu iagho neke tore ghau iara mala tusu ranghi nigho gaoghatho te keli nei glalase, mala tangomana iagho te funei frunidi nogu naikno iara gre, eigna iara neke vahi nigho iagho mala nodi king naiknodi Israel.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Nodi Khoje Hatimare Mae Jiu 73:7

Leuleghu fata na, glepo te diꞌa na ngala te jifla mei ka gaoghathodire, eghuteuna leuleghu fata na nagnafadire fodu kolho ka majora.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Eklesiasti 5:13

Iara filoni kaisei glepo te diꞌa fara te au ka nauthoglu igne. Kaisei mae salo fodu kmana sileni tarabana eigna nathuꞌu nauriha. Nu puhi igne goigonini kolho thegna.

Eklesiasti 5:16

Tahati ginauna nake pulo sasama jateula teke karha meida ka nauthoglu igne eghu. Glepo igne theome doglo. Eghume, nogna gloku mana igne jateula mae ihei te ngolho leghu ka nuri ia eghu kolho.

Eklesiasti 5:18

Glepo ulu jame te eni tahati ka nakarha te kmoꞌei teke tusu ranghi ghita God igne na, eghu agne, tahati ghamu gheda, koꞌu gheda nei glealeꞌa noda eghu ka unha teke loku hetadi theda igre. Theo kaisei glepo nate eni tahati na.

Eklesiasti 5:19

Kate tusu lao God kmana glepo te keli ka kaisei mae na, mae igne ginauna kelitagna fara ka glepo igre. Uve, nabagnau mae igne te glealeꞌa ka nakarhagna nei ka nogna gloku teure. Naugna igne kaisei khokofakasai mei funu ka God.

Profet Isaia 55:2

Naugna unha si ghotilo te fiti koko sileni ka glepo te mala theome ghamu gnea? Naugna unha si ghotilo te loku heta ka thuagna nafnata glepo, nu rofo kolho teugnea? Ghotilo te gnafa na, fanomho mei ka iara, eghuteuna ghotilo eni unha te chekeni iara igne! Jame te eni ghotilo igne na, ghotilo ginauna glealeꞌa fara, jateula te ima famane gano te keli ra eghu.

Lamentations 5:2

Namono teke tusu mei iagho ka ghehati igre baludi nomi suga igre eghu gognarona au ka khamedi maedi delei te mei au ka nomi namono ghehati igre.

Profet Daniel 5:18

“Fanomho sagho. God mae ihei te fnakno kligna lahu igne teke vahini mae kuꞌemu iagho, King Nebukadnesa ia mala funei frunini kantri igne.

Profet Hosia 7:9

Nu puhi te pogho soru ka mumuju naiknodi Israel igne khogla nhaꞌa faparidi kolho thedi, nu mare theome laseni unha puhi biꞌo nate thokedi mare na. Mae igre khuekuꞌehi la nufahi phaꞌudi re la glaꞌehi thinidi re, nu mare theome filo glanidi kolho thedi eghu.

Diutronomi 28:33

Ghotilo ginauna loku heta fara ka nagare mala kotu gano, nu maedi ka keha kantri delei ginauna mei hata ganodi re. Eghuteuna leuleghu fata na mare ginauna thofno goigoni ghami ghotilo.

Diutronomi 28:43

“Naikno phosa te au balumi ghotilo are ginauna nheta e nheta, nu ghotilo ginauna na nigra e nigra.

Jajis 18:10

Kate tei te posa tahati ka namono tuana, ghotilo ginauna filodi naiknore gaoghatho dina mare au kolho ka vido te karha eghu. Namono igne namono biꞌo eghuteuna au gobigna lepo te magnahaghedi tahati re. Eghuteuna God la snakrenihi namono igne ka tahati!”