Eklesiasti 5:4 - Buka Blahi Ka Cheke Holo

⁴ Jame iagho eni kaisei nhaꞌa cheke ka God, iagho faghose leghuni nhaꞌa cheke teke eni iagho igne thosei ofo me raugha. God na theome kelitagna ka iheire te theome leghuni nodi nhaꞌa cheke na.

Eklesiasti 5:4 Iomraidhean Croise

Jenesis 28:20

Eghuteuna mae Jekop ne nhaꞌa cheke eghu ka God, “Jame te au iagho balugu iara, nei reireghi ghau iara teu ka nabrou te brahu te magnahaghei tei iara igne, iagho tusu ranghi ghau iara gano nei pohe,

Jenesis 35:1

God ne cheke eghu ka mae Jekop, “Ghema Jekop, iagho ke pulo Betel mala eni kaisei olta jare mala tufru soru ghau iara. Iara ngala God mae ihei teke thakle ka iagho kani teke rikhani iagho mae tighamu Iso tifa ia.”

Jenesis 35:3

Tahati ginauna jifla kokoni namono igne mala ke pulo Betel. Iara ginauna na eni kaisei olta ka God. God mae ihei teke fakarhi ghau iara ka vido te ninhigrana nei au balugu ka vido aheva te tei iara na.”

Nodi Khoje Hatimare Mae Jiu 116:14

Ka tathadi nogna naikno God te salo fodu mei tarai teu igre iara ginauna tusu ranghini mana gobigna lepo teke nhaꞌa cheke iara ka mana ra.

Nodi Khoje Hatimare Mae Jiu 119:106

Iara la nhaꞌa chekehi ka iagho te mala leghudi nou famane cheke re. Eghume iara ginauna theome tangomana te chaichaghi nigho na.

Nodi Khoje Hatimare Mae Jiu 22:25

Iara ginauna na cheke fakeli nigho eidi unha teke edi iagho re ke uludi iheire te kafe khapru mei te mala pogho soru nigho re. Iara ginauna na fathokeni nogu nhaꞌa cheke na mala fafara ari ka iagho ka Sugablahi na.

Nodi Khoje Hatimare Mae Jiu 50:14

“Iara God, ka maloa kligna, eghuteuna te keli na ghotilo cheke fakeli ghau iara fabrahu. Igne thofno nomi fafara ghotilo na. Eghume te keli na ghotilo edi glepo teke nhaꞌa chekedihi ghotilo ka iara ra.

Nodi Khoje Hatimare Mae Jiu 76:11

Tahati te gnafa na mala kafe mhaghuni hui noda Lord God. Ghotilo hui ka kantri te gnafa te au rhegna Israel mala tusu ranghini mana unha teke nhaꞌa chekedi ghotilo ka mana ra. Eghuteuna atha mei nomi namhare ka mana.

Proveb 20:25

Iagho kulu ghatho fakeli, eghuteuna iagho nhaꞌa cheke mala tufa glepo ka Lord. Theome keli te ghosei te nhaꞌa cheke iagho na, eghuteuna ke leghu na iagho na ghathoni fara nhaꞌa cheke igne. Te eghu iagho na, iagho ginauna goigoni nigho themu.

Profet Isaia 19:21

Lord ginauna falaseni thegna ka naiknodi Ijep, eghuteuna ka narane tuana, mare ginauna laseni te mana ngala God na. Mare ginauna tarai nei fafara eghu ka mana. Eghuteuna mare ginauna tathaji nodi nhaꞌa cheke teke eni mare balugna Lord.

Profet Jona 2:9

Nu iara ginauna koje mala kilo fnakno nigho eghuteuna iara ginauna fafara mala cheke fakeli nigho. Gobigna lepo te nhaꞌa chekedi iara ka iagho igre, iara ginau na ediu. ‘Lord kolho tangomana te fakarhini naikno na.’ ”

Profet Malakai 1:10

“Fanomho si ghotilo, igne nogna cheke Lord mae ihei te au nolaghi fateoteꞌo na, ‘Mae pris cheke eghu koba ka ghotilo, “Bobotho Sugablahi ana mala thosei tei ruma ghotilo mala fafara ke kligna olta.” Naugna iara theome kelitagu ka ghotilo, iara ginauna na tirogudi fafara te atha te mei ghotilo tuare.

Naba 30:2

Jame kaisei mae eni kaisei nhaꞌa cheke mala tufa keha glepo ka Lord, ba mala edi keha glepo teuna, mana thosei ke thodo. Mana mala edi ngala unha teke nhaꞌa cheke mala edi teku mana re.

Matiu 5:33

Mae Jisas ne cheke eghu, “Ghotilo la nomhinihi vetula teke cheke eghu mae kuꞌeda tahati tifa ra, ‘Thosei nhaꞌa cheke chaichaghi. Nu unha teke nhaꞌa chekeni ghotilo ka nanghagna God na tuana ngala te mala eni tutuani ghotilo na.’

Hibru 10:6

Iagho theome gleale'a kate gahu tongana buluka na ke kligna olta, ba keha nafnata fafara te mala hata fadelei nakhibore.

Jajis 11:35

Kate filoni thugna na, Jefta thofno diꞌanagnafa fara ne rerheku nogna pohe na tanhi ne cheke eghu, “Thuguo, iara diꞌanagnafagu fara ka iagho! Puhi igne goigoni ghau iara fara! Naugna iara neke enihi kaisei baubahu ka Lord te theome tangomana iara te lopini!”