Eklesiasti 5:1 - Buka Blahi Ka Cheke Holo

¹ Iagho mala ghaoghatho fakeli kate tei tarai ka nogna Sugablahi God na. Thofno keli fara te tei iagho jare te fanomho na, nu iagho thosei fafara jateula mae te fameomekro ra eghu. Naugna mae te fameomekro na theome laseni unha te doglo ka tathagna God na.

Eklesiasti 5:1 Iomraidhean Croise

Fapea Kronikols 26:16

Nu kate haghe te rheta fara mana te fnakno nanghagna na, mana ne funu fahaehaghe fara ne ghilei groꞌe mana. Mana tapla jafra ka nakhibo ranghini Lord nogna God na kate tei ruma mana lamna ka nogna Sugablahi Lord na ne gahu insens ka Olta mala Gahu Insens.

Thoutonu Eigna Mae Job 11:2

“Iara na cheke tughudi cheke te diꞌa igre. Puhi te khuru chekeni fara mana igne theome fakakhana ne doglo teuna.

Thoutonu Eigna Mae Job 22:12

“God na au ka namono te haghe fara. Neuba nathunu re ne haghe, nu God na filo soru kolho ka mare.

Nodi Khoje Hatimare Mae Jiu 89:7

Kaisei iagho God ngala te mhaghu nigho nei ghatho tahu nigho teu tothoghei engel di klignare. Uve, kaisei iagho ngala te fnakno ke klignadi mare te hui na. Naugna igne te kilo fnakno nigho mare na.

Eksodas 3:5

Aonu God ne cheke eghu ka mana, “Moses, thosei mei namo agne! Hata koko nou sadol are, naugna glose te kegra teu iagho igne blahi fara!

Eksodas 30:18

“Iagho ginauna horo kaisei dis ka bras eghuteuna iagho atha bras mala horo pesigna dis na. Iagho lilisei dis igne farihotei olta ghe Suga Tapuale te Blahi, eghuteuna iagho fafodu khoꞌu tagna.

Proveb 10:19

Naikno te khuru cheke na, ginauna edi kmana cheke fadiꞌa. Nu naikno te theome khuru cheke na, autagna gaoghatho te keli.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Proveb 21:27

God na tirognani nogna fafara mae te diꞌa na. Mana tirognani tulao jame te eni mana kate au mei gaoghatho te diꞌa na.

Profet Isaia 66:3

Nu puhimi ghotilore thono diꞌa fara! Ghotilo edi kolho unha te magnahaghedi themi re, theome leghuni puhigu iara na. Eigna iheire te falehe buluka mala fafara ka iara teuna jateula iheire te falehe naikno mala fafara ka nodi god ra eghu. Iheire te falehe sipu mala fafara teuna jateula iheire te lolhopa graragna khuma na te fafara ka nodi god ra eghu. Iheire te fafara sopho ka iara na jateula iheire te fafara dadara bosu ka nodi god ra eghu. Iheire te gahu insens igre jateula iheire te tarai ka mumuju ra eghu.

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Mae Khuru 10:33

Aonu iara ghosei ne kuru aridi keha mae ka iagho, eghume thofno keli fara te mei iagho agne na. Filo sagho, gognaro ghehati te gnafa na kafe kegra ofou agne ke ulugna God, magnahaghei fara te nomhini unha teke chekeni God ka iagho te mala cheke ranghi ghami ghehati na!”

Mae Khuru 17:11

Naikno Jiu te au Berea gre thono ke keli tadi fara ka naikno Jiu te au Tesalonika re. Mare magnahaghei fara te fanomho ka glepo te chekedi mae Pol ghe mae Silas. Naikno igre leuleghu narane na iu'ijuni grioriso te blahi na mala lase fakelini glahula tutuani ba theo kolho glepo igre.

Ululahu Korin 11:22

Ba, ghotilo theo nomi suga themi te mala gnokro te mala ima, nei koꞌu teuna? Tore! Kate eni igne na, ghotilo lalamani kolho nogna khiloau God na, nei ghotilo paradi iheire te kuma. Unha gne nate chekeni iara ka ghotilo na? Ghotilo magnahaghei ghau iara te cheke fakeli ghami? Theo. Iara theome tangomana te cheke fakeli ghami ghotilo na!

Hibru 10:26

Tahati mala edi glepo igre, naugna tahati lasedi glepo te tutuanire. Eghume ihei te heta ka puhi te diꞌa na, ginauna theo kaisei fafara te tangomana nate atha kokodi nakhibognare.

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Josua 5:15

Mae biꞌo igne ne cheke eghu ka mae Josua, “Hata koko nou sadol are, naugna vido te kegra teu iagho igne thono blahi fara.” Aonu mae Josua ne leghuni unha te chekeni mana na ne hata koko nogna sadol re.