Eklesiasti 4:9 - Buka Blahi Ka Cheke Holo

⁹ Nu te loku fodu phiamare na thofno keli fara salaꞌuni te kaisei mae kolho na, naugna jame te loku fodu phiamare na phiamare na thofno loku fakeli fara.

Eklesiasti 4:9 Iomraidhean Croise

Jenesis 2:18

Aonu Lord God ne cheke eghu, “Theome keli mae igne te au sopa thegna na. Iara ginauna na vuavuha kaisei kheragna mana mala toghoni mana.”

Ululahu Kronikols 19:12

Mae Joab ne cheke eghu ka mae thabusigna na, “Jame te filoni iagho armigna Siria te ulu ghau iara na, iagho ginauna mei togho ghau iara, eghuteuna jame te filoni iara armigna Amon te ulu nigho iagho na, iara ginauna ari togho nigho iagho.

Proveb 27:17

Te magnahaghei fnonu nou naflahi na iagho ginauna ghorhu ka phaele. Eghume jateula tuana eghu, mae te magnahaghei au fakeli keha naiknore, mana jateula te phaele naflahi na eghu ka nogna farirhiu na.

Eklesiasti 4:10

Eigna jame kaisei mae ka phei mae igre uka, keha mae na au jare mala toghoni mana. Nu thofno kokhonini fara mae ihei te au teu thegna te uka na, naugna theo kaisei naikno te mala toghoni mana na.

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Profet Hagae 1:14

Aonu Lord ne cheke ka mae gavana Serababel, mae pris biꞌo Josua, nei naikno te gnafa teure mala ke fakegra fapulo nogna Sugablahi Lord, mae ihei te au nolaghi fateote'o.

Naba 11:14

Iara theome tangomana te reireghidi naikno igre naugna mare thono kmana fara!

Nonomho Te Keli Teke Risoi Mae Mak 6:7

Aonu mana kilodi nabotho phei mae nogna fanomhore ne cheke eghu ka mare, “Iara na kuru fajifla ghami ghotilo mala phei mae kaisei namono, eghuteuna keha phei re ka keha namono na eghu. Iara na tusu ari ka ghotilo nolaghi te mala bruedi naiture.”

Jone 4:36

Eghuteuna mae ihei te atha gano na mana atha nogna taba eigna nogna gloku na, u gano te salo fodu naiknore igre nate athani mare u karha fei tifa na. Eghume, mae ihei teke joꞌu na, nei mae ihei teke pulei na eghu phiamare na kafe gleale'a fodu.

Mae Khuru 13:2

Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”

Fapea Jone 1:8

Fiofilo ghami, thosei jateula mare eghu. Nu ghotilo mala hata fahui nomi taba teke kmusani themi na.

Thoutonu Eigna Rut 2:12

God gna Israel ginauna taba nigho eidi unha gloku te keli teke edi iagho ra. Eghuteuna mana ginauna reireghi fakeli nigho, naugna iagho ne mei ka mana jateula kaisei sua nanghaji te deni nogna vido mala poru na ia neu.”