Eklesiasti 4:12 - Buka Blahi Ka Cheke Holo

¹² Eghuteuna jame kaisei naoka posa mei, kaisei mae na theome tangomana te uluni magra igne. Nu jame phiamare loku fodu, phei mare na uluni mana. Uve, phukri te pukri fodu mare ka thilo gnarho na theome tangomana te ghosei khusu na.

Eklesiasti 4:12 Iomraidhean Croise

Fapea Samuel 23:16

Eghume thilo mae soldia te nheta fara igre ne tei ka vido aheva te au teu mae soldia di Filistia igne. Thilo mae igre tei fari hoteidi mare ne toho khoꞌu ka seu igne hata ne mei ka mae Devet. Nu mana ne theome koꞌu ka khoꞌu igne, aonu mana tarai ne cheke eghu ka Lord, “Lord, iara tirogu koꞌu ka khoꞌu igne, eigna khoꞌu igne jateula dadara di eghu thilo mae teke snakredi nakarhadire te tei igre!” Mana tofa soru khoꞌu igne ka glose na jateula kaisei fafara neu mala pogho soruni Lord. Igre glepo biꞌo te edi thilo mae soldia te nheta fara igre.

Fapea Samuel 23:23

Mana hata nafnakno biꞌo ke tulaodi nodi nafnakno tolufulu mae soldia igrei, nu mana theome kaisei mae ka thilo mae soldia te hata nafnakno biꞌo igre. Mae Devet ne vahini mae Benaea mala mae funeidi mae soldia te mala reireghini king.

Fapea Samuel 23:9

Kaisei ka thilo mae nhuludi mae soldia igre, mae Eleasa thugna mae Dodae ka vikegna mae Ahohi. Naugna mana kaisei ka thilo mae igre neke kegra rhegna mae Devet kani teke cheke fadiꞌadi mare mae soldiadi Filistia teke thugha mei te mala magra na. Kate mei soldia igre, soldia di Israel igre suaraghi neke rikha,

Eklesiasti 4:11

Eghuteuna ka vido te reka na, phia mare na thuru fodu mala theome reka. Nu jame mae te thuru sopa na, mana na reka kolho.

Eklesiasti 4:13

Jame king na kuekuꞌe fara, nu theome fanomho ka famane cheke te keli na teuna, jau te keli na kaisei mae majaghani te kuma, eghuteuna au tagna gaoghatho te keli teuna mala tughuni king.

Efesus 4:3

Tharunga te Blahi na salo fodu ghami ka puhi pharikeli. Hati nhetami na mala au ka puhi tuana ke lamnami.