Eklesiasti 4:10 - Buka Blahi Ka Cheke Holo

¹⁰ Eigna jame kaisei mae ka phei mae igre uka, keha mae na au jare mala toghoni mana. Nu thofno kokhonini fara mae ihei te au teu thegna te uka na, naugna theo kaisei naikno te mala toghoni mana na.

Eklesiasti 4:10 Iomraidhean Croise

Jenesis 4:8

Nu mae Kein ne tirogna fanomho ka Lord. Kaisei fata mae Kein ne cheke ka mae Abel tahigna na mala tei nonolo balugna. Eghuteuna kate au teu phiamare mhata na, mae Kein ne kegra haghe ne akni faleheni mae tahigna na.

Fapea Samuel 11:27

Eghuteuna kate gnafa nogna narane diꞌanagnafa Batseba na, mae Devet ne fatei cheke ka naꞌa mala mei au ka nogna suga na. Mae Devet ne tolaghi ka Batseba ne au kaisei thugna nalhaꞌu. Nu Lord ne theome magnahagheni unha te eni mae Devet igne.

Fapea Samuel 14:6

Tifa na, iara neke au phei thugu nalhaꞌu. Kaisei narane, phei thugu iara igre neke tei loku ka nagare. Jare repa ne fapholai fari thedi eigna kaisei glepo ne ghilei magra. Eghuteuna naugna te theo kaisei naikno jare te mala toghodire ne lehe keha na.

Eksodas 32:21

Moses ne cheke eghu ka Eron, “Unha teke edi naikno gre ka iagho na mala batudi iagho ka nakhibo biꞌo te thono diꞌa fara igne?”

Eklesiasti 4:11

Eghuteuna ka vido te reka na, phia mare na thuru fodu mala theome reka. Nu jame mae te thuru sopa na, mana na reka kolho.

Eklesiasti 4:9

Nu te loku fodu phiamare na thofno keli fara salaꞌuni te kaisei mae kolho na, naugna jame te loku fodu phiamare na phiamare na thofno loku fakeli fara.

Galesia 6:1

Kheraguro, jame kaisei naikno khiloau tapla jafra ka nakhibo, ghotilo naikno te leghuni nogna baubatu mae Tharunga te Blahi ra mala toghoni mana mala ke au doglo. Eghuteuna ghotilo toghoni mana ka puhi faꞌamama, nu fiofilo ghami na eghunu khasi ghami u najafra teke eni mana tuana eghu.

Ululahu Tesalonika 4:18

Eghume fari totoghoi ka cheke igre.

Ululahu Tesalonika 5:11

Eghume fari totoghoi nei fari faheahetai, jateu te eni ghotilo gognaro gne eghu.

Ululahu Samuel 23:16

Nu mae Jonatan ne tei ka mae Devet Hores. Mana magnahaghei te toghoni mae Devet mala rheta mana nogna fatutuani na ka God.