Eklesiasti 4:1 - Buka Blahi Ka Cheke Holo

¹ Iara ghathodi fabrahu thua nafnata puhi te theome doglo te edi naikno gre ka nauthoglu igne. Keha naiknore paradi keha naiknore, eghuteuna naikno te au papara igre tanhi nodi fara, nu theo kaisei naikno te fameomegodire. Naugna mae te paradi naiknore igre au nodi nolaghi te mala eni unha te magnahagheni mare na.

Eklesiasti 4:1 Iomraidhean Croise

Thoutonu Eigna Mae Job 16:4

Jame diꞌanagnafa ghotilo jateula iara meuna, iara tangomana te cheke ari kolho ka iagho gobigna lepo te cheke mei iagho ka iara igre. Eghuteuna jame te eghu na, iara jaola tangomana te chekedi kolho cheke tuarela ka iagho, eghuteuna bliubliu phaꞌugu na naugna iara diꞌa nagnafagu ka iagho.

Thoutonu Eigna Mae Job 35:9

Kate thoke mei puhi biꞌo ka naiknore, naiknore tanhi nodi fara. Uve, kate kegra haghe mae biꞌore te goigonidi naiknore, mare ehani ihei mala toghodi.

Thoutonu Eigna Mae Job 6:29

Ghotilo mala ghaoghatho ghau iara. Iara magnahaghei ghami ghotilo mala thosei eni kaisei glepo te najafra. Ghotilo ke ghatho ghau iara, naugna glahu theome filoni ghotilo puhigu iara te doglo gne.

Thoutonu Eigna Mae Job 9:24

Kate au kantri igne ka khamedi mae funei te diꞌare, God fadodofu tathadi mae mala fate re. Jame te theome eni God igne na, ihei gne nate eni na?”

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Nodi Khoje Hatimare Mae Jiu 142:4

Kate filo tafri na, iara theome filoni kaisei naikno te mala togho ghau na, ba te mala bara. Fothi ghau na. Thono theo fara kaisei mae te mei reireghi ghau na.

Nodi Khoje Hatimare Mae Jiu 142:5

Lord God, iara eha mei ka iagho mala togho ghau, naugna iagho ngala vido keli te mala poru iara na. Iara magnahaghei kaisei glepo kolho, glepo igne mala au balumu iagho fabrahu.

Nodi Khoje Hatimare Mae Jiu 42:3

Leuleghu fata na nogu naoka iara gre cheke eghu koba ka iara, “Ahevau nou God iagho na?” Aonu iara loku kolho ka natanhi na. Kholodi phei tathagure ngala te jateula ghegu gano teu iara bongi narane na.

Nodi Khoje Hatimare Mae Jiu 42:9

God, iagho bara fothidi koba nogu naoka iara re mala thosei mei mare mala magri ghau iara. Eghume iara thono faꞌiho ghau fara. Naugna gognaro na iagho jateula te ghatho iho ghau eghu iara! Iara theome keli gaoghathogu, naugna mae naoka gre goigoni ghau iara! Ba, iagho na mei togho ghau iara?

Nodi Khoje Hatimare Mae Jiu 69:20

Nodi cheke mare te diꞌa fara igre, thofno goigonini fara gaoghathogu iara na. Eghuteuna gaoghathogu iara na thofno glaꞌe soru gognaro na. Iara ofoni kolho ihei te kokhoni ghau na, nu theo kaisei.

Nodi Khoje Hatimare Mae Jiu 69:21

Kate rofo iara na, mare tusu mei poesen ka iara, eghuteuna kate rogu koꞌu iara na, mare tusu mei waen te raha.

Nodi Khoje Hatimare Mae Jiu 80:5

Diꞌanagnafa kolho te tusu mei iagho ka ghehati te mala jateula gano teu te mala ghamu ghehati na. Eghuteuna kholo ka tathami gre kolho te mala jateula khoꞌu teu te tusu mei iagho ka ghehati te mala koꞌu na.

Eksodas 1:16

Mana ne cheke eghu ka repa, “Gognarona, kate toghodi ghopa gaꞌasedi Hibru igre kate karha sua na, iara magnahaghei ghami ghopa kate fifilo ghopa te sua nalhaꞌu na, ghopa falelehe, eghuteuna kate filo ghopa te sua gaꞌase na, tuana te mala karha.”

Eksodas 1:22

Aonu king ne cheke faheta ka nogna naiknore, ne cheke eghu, “Jame kaisei gaꞌase Hibru karha kaisei thugna nalhaꞌu, ghotilo koko lao sua tuana ka Khoꞌu biꞌo Nael mala lehe, nu snakredi sua gaꞌase te gnafa re mala karhau.”

Proveb 19:7

Thabusigna mae te kuma re tirodini mana. Eghuteuna kheragnare jaola tirodini mana. Neuba mana ne hirodi mare mala toghoni, theome tangomana te dedi re.

Proveb 28:3

Mae biꞌo te fakokhoanani naikno te kuma na, mana jateula nuri biꞌo te mei goigoni nagare ra eghu.

Proveb 29:2

Kate lida gna kantri mae te doglo na, naiknore kelitadi fara, nu jame te lida mae te diꞌa puhigna na, naiknore na diꞌanagnafa nei tanhi eghu.

Eklesiasti 3:16

Iara filoni kaisei glepo te thono diꞌa fara ka nauthoglu igne. Kate fateni naikno na, keha mae mala fate igre keha fata mare theome leghuni puhi te doglo na. Mare leghuni kolho puhi te diꞌa na.

Eklesiasti 5:8

Thosei jaglo nou kate filodi mae biꞌo te fakokhoanadi iheire te kuma, ba fatedi ka puhi te theome doglo, ba theome snakredi mala au kau pharikeli. Mae biꞌo igre theome ghatho tahudi naikno te kuma igre, naugna mare au ke paridi nodi nolaghi mae iheire te funei frunidi. Keha mae biꞌo igre jaola edi kmana nafnata puhi te diꞌa igre, naugna mare jaola au ke paridi nodi nolaghi mae iheire te funei frunidire.

Eklesiasti 7:7

Jame kegra haghe mae te autagna gaoghatho te keli na te chaghini keha mae na, te eghu na mana jateula mae te fameomekro eghu. Eghuteuna jame te cheke famaemahe te mala hata keha mae na, nagnafagna mana na ginauna jaola diꞌa.

Eklesiasti 8:9

Iara filodi glepo igre kate ghathodi iara unha nafnata puhi te edi naikno ka nauthoglu igne. Keha fata iara filodi mae funei te paradi nei fadiꞌadi teu naiknore.

Profet Isaia 5:7

Tutuani, nogna nagare grep Lord mae ihei te au nolaghi fateote'o igne, naiknodi Israel. Uve, ghotilo naiknomi Juda igre jateula kaisei nagare te thono magnahagheni fara ia eghu. Lord na thono rouronu fara ka ghotilo te mala fatedi keha naiknore ka puhi te doglo, nu ghotilo falehedi koba naiknore. Mana rouronu ka ghotilo te mala leghuni puhi te doglo na, nu ghotilo paradi koba naiknore eghu.

Profet Isaia 51:23

Nu iara ginauna na lisa lao kapu igne ka khamedi mae te para ghami ghotilo igre. Eigna mare neke fathuru ghami ghotilo pari, eghuteuna tapla ke klignami ghotilo jateula chara neku.”

Profet Isaia 59:7

Leuleghu fata na, ghotilo magnahaghei fara te ghosei te eni puhi te diꞌa na. Eghuteuna ghotilo diꞌatami faleheni ihei te theome eni kaisei puhi te diꞌa na. Gaoghathomi ghotilo igre thofno diꞌa fabrahu, eghuteuna puhi te mala goigonidi nakarhadi keha naiknore igne jateula nomi nabrou biꞌo eghu ghotilo.

Profet Jeremaea 16:7

Ginauna na theo kaisei naikno nate atha gano te mei te mala fameomegodi iheire te tanhi ka mae te lehe na. Ginauna na theo kaisei naikno nate atha mei khoꞌu te mala fameomegoni ihei te lehe idogna ba kmagna na.

Lamentations 1:16

“Naugna igne te tanhini fara iara na, eghuteuna kholodi phei tathagu iara re oro soru ka thinigu iara na. Eghuteuna theo kaisei naikno te au teu jare te mala farhetani gaoghathogu iara na. Mae naoka gre ulu ghau iara, eghuteuna nogu naikno iara re ne rhana nodi fara.”

Lamentations 1:17

Jerusalem tore thotogho, nu theo kaisei te au te mala toghoni naꞌa na. Lord ne cheke ka naikno te au faligohoni Jerusalem igre mala nogna naoka naꞌa, eghuteuna te ghathoni mare na Saion gne glepo theo nafugna kolho.

Lamentations 1:2

Ka bongi thongana igne naꞌa tanhi ghilei hamerane, eghuteuna kholodi thatagna re oro soru ka foflogna nei tathagna re. Tifa na naꞌa jateula gaꞌase te au kmana khetogna ra neku. Gognarona, mare tirodini naꞌa. Kheragna re tirodini naꞌa, kela nogna naoka naꞌa.

Lamentations 1:9

Naikno te gnafare filodi nakhibogna naꞌare, nu naꞌa theome nanga nogna kolho ka unha nate thoke mei ginauna. Nu mae naoka igre thofno koko soruni naꞌa pari, eghuteuna theo kaisei naikno te toghoni naꞌa na. “Lord! Naoka gre la ulu ghauhi iara. Filo ghau nei kokhoni ghau iara!”

Profet Emos 3:10

Uve, Lord na ne cheke eghu, “Ghotilo naiknomi Samaria ra, ghotilo dedei fara ka glepo teke blau, nei ka magra teura. Eghume, te chekeni iara na, ghotilo theome laseni puhi te doglo na. Thono theo fara.

Profet Emos 3:9

Ghotilo ehadi mae biꞌo te au ka nodi suga biꞌo ka namono Asdod, nei Ijep. Cheke eghu ka mare, “Ghotilo kafe tei khapru ka thogele Samaria mala filodi nafnata puhi te diꞌa te edi naiknodi namono tuare.”

Profet Malakai 2:13

Mae profet Malakai ne cheke eghu, “Kaisei glepo te chekeni koba ghotilo na igne: Kate laseni ghotilo te theome magnahagheni Lord unha te tusu lao ghotilo ka mana na, ghotilo tanhi ghilei lao ke kligna olta kholo te tathamire.

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Matiu 26:56

Nu glepo igre thoke mei ka iara gognarogne mala horoghoto ka unha teke risodi hatimare mae profet tifa ra.” Aonu kate nomhidi cheke mana igre hatimare mae fanomhore kafe rikha ne tei kokoni mana.

Diutronomi 28:33

Ghotilo ginauna loku heta fara ka nagare mala kotu gano, nu maedi ka keha kantri delei ginauna mei hata ganodi re. Eghuteuna leuleghu fata na mare ginauna thofno goigoni ghami ghotilo.

Diutronomi 28:48

ghotilo ginauna rofo, nei roi koꞌu, nei soesole nei kmoꞌe ka gobigna lepo fateote'o. Glepo igre ginauna thoke ghami ghotilo naugna ghotilo ginauna na loku ranghidi nomi naoka ghotilo teke kuru mei Lord ka ghotilo are. Mare ginauna thofno para ghami fara ghotilo ka gloku biꞌo te ninhigrana fara ghilei ghotilo te gnafa na kafe lehe hui.

Jemes 5:4

Fanomho mei ka iara ghotilo ia! Igne keha fagaglana eigna puhi te salo fodu sileni ghotilo malami themi kolho na. Ghotilo chaghidi nei theome tabadi eghu kolho nomi mae glokure. Eghuteuna God mae ihei te nolaghi na ngala te nomhidi nodi natanhi nei diꞌanagnafa teu nomi mae gloku ghotilo re.

Jajis 4:3

Sisera au nheva gobi chariot mala magra te au aean wil. Eghuteuna naiknodi Israel igre au ke parigna nogna nolaghi mana nabagna varadaki finogha. Ka narane tuare mana ne faparadi fara naiknodi Israel. Aonu mare ne tanhi lao ka God mala toghodi.